Tibɔnyaan ti Luk ŋmee ti na 8:7 - Uwumbɔr aagbaŋ

⁷ Le mubaa mu lir ikokon ponn ni. Le mu ni ikokon kpaan muun. Le ikokon ku mu.

UWONBƆR A GBƆNPƆŊ LIKƆƆNL

⁷ Le iba lu ikunkon a bol, ki lagin pan nin ikunkon nin, le i ŋuuri ku.

Tibɔnyaan ti Luk ŋmee ti na 8:7 ပူးပေါင်းရင်းမြစ်များ

Mpiin 3:18

Kitiŋ ga pa ikokon ni ichakpeejagar; le aa ga li ji timoor ni aasufar.

Jeremia 4:3

Uwumbɔr bui Juda ni Jerusalem aanib ke, “Kpar nimi aasikpil ŋi kaa kpar na; taa di nimi aajikaabim bu ŋmal ikokon ponn ni man.

Matiu 13:22

Binib ngem mu bi ke njikaabim mu lir ikokon ponn ni na la. Bi ŋun tibɔr ngbaan la. Le bitafal bi baabimbin ni, ni liwankpal ni. Nima le ku tibɔr ngbaan bisui ni, le taa mar.

Matiu 13:7

Le mubaa mu lir ikokon ponn ni. Le ikokon muun le ki ku mu.

Tibɔnyaan ti Mak ŋmee ti na 4:7

Le mubaa mu lir ikokon ponn ni. Le ikokon muun, le ki ku mu, le mu aa mar.

Tibɔnyaan ti Luk ŋmee ti na 21:34

“Ni li nyi man, ki taa nyu ndaan gbii ki li kpa ndaan aaween, ki taa cha nimi aabimbin aabɔr gbiin nimi aalandak mɔmɔk, aan maagirndaal taa yuk nipobil.

Tibɔnyaan ti Luk ŋmee ti na 8:14

Mu lir ikokon ponn ni na le ye binib bi ŋun Uwumbɔr aabɔr aan ki cha bitafal bi liwankpal ni, ni dulnyaa ni aawan ni mɔ na ni, ni baabimbin aabɔr ni na. Nima le ku tibɔr ngbaan bisui ni. Le taa mar.

Tibɔnyaan ti Luk ŋmee ti na 8:6

Le mubaa mu lir ntakpateer pu. Le mu guu punn mala, ki mu ki yɔl mala; ba pu? nima chee aa soon.

Tibɔnyaan ti Luk ŋmee ti na 8:8

Le mubaa mu lir kitiŋ ki ŋan na ponn ni, ki muun, ki mar, ki lu nkub nkub.” Yesu aah len kina ti doo na, le u teen ke, “U kpa litafal na kan, u ŋun.”