Tibɔnyaan ti Luk ŋmee ti na 8:48 - Uwumbɔr aagbaŋ

⁴⁸ Le Yesu bui u, “Mbisal, saah gaa mi ki kii na, nima le cha aa pɔɔk. Li cha ni mpopiin.”

UWONBƆR A GBƆNPƆŊ LIKƆƆNL

⁴⁸ Le Yisa bei u ke, “N bisa, a yada li che a kan kutebug. Li chaa nin nposɔɔn na.”

Tibɔnyaan ti Luk ŋmee ti na 8:48 ပူးပေါင်းရင်းမြစ်များ

2 Bibɔrb 5:19

Le Elaisa bui u ke, “Li cha ni nsuudoon.” Le Naamann siir kal nsan pu. U nan foor siib,

Nnyam 4:18

Moses nan gir buen Jetro, uchool uja chee, le ki ti bui u ke, “Cha m gir buen ndo yaab chee, Ijipt aatiŋ ni, ki ti lik ke bi beenin bi aan baa ki bi.” Jetro nan kii tii u, le ki chɔi u.

Matiu 12:20

kaan koo lidabil li boon na, kaan junn karyaa u kaa wiin mbamɔm na. U ga kan linyaŋ, ki tii binib mɔmɔk baabamɔn.

Matiu 8:13

Tɔ, le u bui butɔb aajab aaninkpel ngbaan, “Li dii saasan. Saah gaa mi ki kii mbamɔm pu na, ni ŋa kina ki tii si.” Yesu aah len kina na, libuul ngbaan ni le uninkpel ngbaan aatutunn pɔɔk.

Matiu 9:2

Le bijab bibaa luln ni uja u aawon faan na likekeln ni Yesu chee. Le Yesu kan baah gaa u ki kii mbamɔm pu na, le ki bui uja u aawon faan na, “Maabo, chuu aabaa, m di cha saatunwanbir pinn si.”

Matiu 9:22

Le Yesu fenn ki kan u, le ki bui u, “Mbisal, chuu aabaa. Saah gaa mi ki kii mbamɔm pu na, nima le cha aa pɔɔk.” Libuul ngbaan ni le u pɔɔk.

Tibɔnyaan ti Mak ŋmee ti na 5:34

Le Yesu bui u, “Mbisal, saah gaa mi ki kii mbamɔm pu na, nima le cha aa pɔɔk. Li cha ni mpopiin. Saaween ngbaan aan ki fii.”

Tibɔnyaan ti Luk ŋmee ti na 17:19

le ki bui u, “Saah gaa mi ki kii na, nima le cha aa pɔɔk. Fiin ki li dii saasan.”

Tibɔnyaan ti Luk ŋmee ti na 18:42

Le u bui u, “Aa likr a. Saah gaa mi ki kii na, nima le cha aanimbil likr.”

Tibɔnyaan ti Luk ŋmee ti na 7:50

Le Yesu bui upii ngbaan, “Saah gaa mi ki kii pu na, nima le cha aa ŋmar. Li cha ki li kpa nsuudoon.”

Tibɔnyaan ti Luk ŋmee ti na 8:47

Le upii ngbaan nan bee ke waa bɔr. Ijawaan nan chuu u, le uwon gbaa. Le u dan nan gbaan Yesu aanimbiin ni, ki tuk u binib mɔmɔk aanimbil ni, budabu cha u meeh u na, ni waah pɔɔk libuul ngbaan ni pu na.

Lituln 14:9

U nan ka pel Pɔɔl aah len pu na, le Pɔɔl bee ke u gaa Yesu ki kii, nima le u ga ŋmaa tii u laafee. Le Pɔɔl lik u sulm,

2 Korenti 6:18

M ga li ye Nite; ni mu ga li ye njapɔtiib ni mbisatiib. Min Uwumbɔr u kpa mpɔɔn mɔmɔk na, le len kina.”

Hiibru Yaab 4:2

Ti mu ŋun tibɔnyaan tee ke binib ngbaan aah nan ŋun ti pu na. Bi nan ŋun ti, kaa gaa ti ki kii, nima le tibɔnyaan ngbaan aa ŋa bi tinyoor.

1 Samuel 1:17

Le Eli bui u ke, “Li cha ni nsuudoon, aan Israel yaab Aawumbɔr tii si saah mee u tiwan ni na.”