Tibɔnyaan ti Luk ŋmee ti na 8:47 - Uwumbɔr aagbaŋ

⁴⁷ Le upii ngbaan nan bee ke waa bɔr. Ijawaan nan chuu u, le uwon gbaa. Le u dan nan gbaan Yesu aanimbiin ni, ki tuk u binib mɔmɔk aanimbil ni, budabu cha u meeh u na, ni waah pɔɔk libuul ngbaan ni pu na.

UWONBƆR A GBƆNPƆŊ LIKƆƆNL

⁴⁷ Ni nan che upii nan kaa ji nan fir ki woo uba Yisa ban ni, le ki nan nyan npaan nin ki sin jegil, ki nan gbaan Yisa a nintogil, ki bei u bininfob biɛn a numbilin nan bu wee u maa u, nin waah kan kutebug weem man.

Tibɔnyaan ti Luk ŋmee ti na 8:47 ပူးပေါင်းရင်းမြစ်များ

Ilahn 2:11

Di ijawaan dii Uwumbɔr man,

Ilahn 38:9

Uwumbɔr, aa nyi maah ban ni na; aa ŋun maadun mɔmɔk pu.

Ilahn 66:16

Binib bi mɔmɔk nyuŋ Uwumbɔr na, dan ki nan pel man, aan m bui nimi waah tun pu tii mi na.

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Hosea 13:1

N‑yoonn mu jer na, Efraim aanibol yaa nan len kan, ijawaan nan chur ŋinibol ŋi gur na la; ŋi mɔmɔk nan lik Efraim aanibol pu la. Le binib ngbaan dooni liwaal Baal, le ki ga kpo kina pu.

Hosea 5:3

M nyi Israel aah bi pu na, waan ŋmaa bɔr mi. U nyan mpuwɔb, le waanib aa ŋeer ke bi li dooni mi.”

Habakuk 3:16

M ŋun timina mɔmɔk pu le mpobil gbaa, le mmɔgban jii ijawaan pu, le nwon mɔmɔk kpo, le ntaa jii. Le m tee ga mɔr ki li kii nwiin mundaal Uwumbɔr ga daa binib bi tak timi na aatafal na.

Matiu 28:8

Bipiib ngbaan nan san ijawaan, ki mu tee kpa mpopiin pam. Le bi siir likaakul chee mala, ki san buen ke bi ti tuk Yesu aadidiliib Uwumbɔr aatuun ngbaan aah tuk bi pu na.

Tibɔnyaan ti Mak ŋmee ti na 5:33

Le upii ngbaan bee tiwan ni ŋa u na. Ijawaan mu chuu u, le uwon gbaa. Le u dan nan gbaan Yesu aanimbiin ni, ki tuk u waabɔr mɔmɔk.

Tibɔnyaan ti Luk ŋmee ti na 8:46

Le Yesu bui ke, “Unii ubaa le meeh mi. M bee ke mpɔɔn nyan m ni.”

Tibɔnyaan ti Luk ŋmee ti na 8:48

Le Yesu bui u, “Mbisal, saah gaa mi ki kii na, nima le cha aa pɔɔk. Li cha ni mpopiin.”

Lituln 16:29

Le kiyondiik aaninkpel teen ke, “Li joo ni karyaa,” ki san koo ni, le ki nan gbaan Pɔɔl ni Sailas aanimbiin ni, le uwon gbaa.

1 Korenti 2:3

Maah nan bi ni chee na, m nan ye udabur la. Ijawaan pu, le nwon nan gbaa.

2 Korenti 7:15

U teer naah nan gaa u pu na, ki teer naah san u, ki pak waah len pu na, ki kii waamɔb. Nima le cha u moo gee nimi.

Filipi 2:12

Nima pu na, nnaabitiib bi m gee bi na, maah kaa bi ni chee na, m ban ke ni kii maamɔb ki jer naah nan kii maamɔb buyoonn m nan bi ni chee pu na. Naah ŋmar pu na, ni li tun Uwumbɔr aatuln ke binib bi ŋmar na aah ba ga tun pu na, ki li san Uwumbɔr n‑yoonn mɔmɔk;

Hiibru Yaab 12:28

Ti ga ji nnaan mu ga li bi n‑yoonn mu kaa kpa ndoon na. Nima pu na, cha ti doon Uwumbɔr, ki tun lituln li ga piir usui na tii u, ki li pak u, ki li san u ijawaan.

1 Samuel 16:4

Samuel nan ŋa Uwumbɔr aah bui u ke u ŋa pu na, le ki buen Betlehem ni. Nima chee aayidam aawon nan gbaa, le bi too u nsan ni, ki baa u ke, “Saamann mue ye nsuudoon aamann la aa?”