Tibɔnyaan ti Luk ŋmee ti na 8:43 - Uwumbɔr aagbaŋ

⁴³ Le upii u fu tipiir ŋibin kipiik ni ŋilee taa door na bi nima. U nan chaa biteteeb chee, ki jin waamombil mɔmɔk doo. Bi ponn ni ubaa mu aa ŋmaa cha u pɔɔk.

UWONBƆR A GBƆNPƆŊ LIKƆƆNL

⁴³ Le upii wan nan kan tipiir ibin piig nin ilee wee naa diɛrin nan be niin. Uba kaa nan fir teb u pɔɔgi.

Tibɔnyaan ti Luk ŋmee ti na 8:43 ပူးပေါင်းရင်းမြစ်များ

2 Bibɔrb Aabɔr 16:12

Asa aanaan aabin piitaa ni ŋiwae ni, le kitaafaak aabuun aaween mubaa nan wɔb u. Hali n‑yoonn mumina ni, u nan beenin ban biteteeb chee le nterm, kaa teer Uwumbɔr bɔr kpala.

Job Aagbaŋ 13:4

Ni joo inyamɔn le biini nimi aamaanyi pu; ni naahn biteteeb bi kaan ŋmaa cha unii ubaa pɔɔk na la.

Ilahn 108:12

Ter timi, timi aadim chee; unibɔn aaterm aa ye nibaa.

Aisaya 2:22

Aa yaa di aabaa tii unibɔn u ga kpo na kan, ba aanyoor bi kpa?

Tibɔnyaan ti Mak ŋmee ti na 12:44

Bi mɔmɔk tii, ki gur ŋimombil sakpen a. U ye ugiin la, le ki di waamombil mɔmɔk tii, kaa ki gur nibaa.”

Tibɔnyaan ti Mak ŋmee ti na 9:18

Li yaa ti chuu u nin chee na kan, li di u lii kitiŋ la. Le umɔb ponn ni puk tipupukr, le u ŋmɔ ŋinyin. Le uwon chaar ki pɔɔk. Le m gaŋ saadidiliib ke bi nyan libimbikl ngbaan. Bi mu aa ŋmaa nyan li.”

Tibɔnyaan ti Luk ŋmee ti na 13:11

Le upii ubaa bi nima. Tiyayaar le joo u ki ŋa u ubun ŋibin kipiik ni ŋiniin. U boo gui, kaa ŋmaa yaar.

Tibɔnyaan ti Luk ŋmee ti na 13:16

Upii wee ye Abraham aayaabil la, le kinimbɔŋ buu u ŋibin kipiik ni ŋiniin le ki ŋa u u boo gui na. Maah chuu buur u likpaakool daal na, naa ŋan aa?”

Tibɔnyaan ti Luk ŋmee ti na 8:27

Le uwaar ubaa nan bi nima, ki chuun uŋmeen ni yunn, ki koo baah sui binib titakpalunn ti ponn ni na, kaa kii u li bi linampal. Tiyayaar chur u kpala kpala. Le udoyaab nan di idɔribi ni tikululn buu u ke bi kiir u. Le u nan keei tikululn ni idɔribi ngbaan. Tiyayaar ngbaan le di u buen nteersakpiin ni. Le Yesu aah nyan buŋɔb ni na, uja ngbaan dan nan tooh u nsan pu. Le Yesu tuk tiyayaar ngbaan, “Nyan u ni.” Nima pu na, waah kan Yesu na, le u teen, ki gbaan kitiŋ, unimbiin ni, le ki len mpɔɔn pu ke, “Yesu, sin u ye Uwumbɔr u kaa kpa ŋeen aatɔ na Aajapɔɔn na, aa ban ba m chee? M gaŋ si, taa ŋa mi falaa.”

Tibɔnyaan ti Luk ŋmee ti na 8:42

ke ubisabaan, u ye ŋibin kipiik ni ŋilee na bun, ki ban u kpo. Le Yesu dii u ki buen. Waah cha na, le kinipaak dii u ki mueni u.

Tibɔnyaan ti Luk ŋmee ti na 8:44

Le u dan Yesu aapuwɔb, le ki nan meeh waabɔkul aamɔjuul. Libuul ngbaan ni le u pɔɔk.

Jɔnn 9:1

Waah chuun cha na, le u kan ujoon ubaa. Baah ma u na, u nan ye ujoon la.

Jɔnn 9:21

Ti mu aa nyi waah ŋa pu ki likr dandana wee na, ki mu aa nyi udaan u likr unimbil na. U mu aa ki ye ubo. Baa u man. U ga tuk nimi waabɔr.”

Lituln 3:2

Uja ubaa nan bi nima ki ye uwɔb. Baah nan ma u na, u nan ye uwɔb la. Bi nan yoor u kaani Uwumbɔr Aadichal aabisamɔb chee idaa mɔmɔk. Bi yin mbisamɔb ngbaan ke “Mbisamɔb Nyaan.” Bi nan joo u kaani nima chee ke u li mee binib bi koo ni Uwumbɔr Aadichal ni na, ke bi tii u ŋimombil.

Lituln 4:22

Uja u bi cha u pɔɔk na nan jer ŋibin imonko ilee aanii. Nima pu le ni gar kinipaak ngbaan mɔmɔk.