Tibɔnyaan ti Luk ŋmee ti na 8:32 - Uwumbɔr aagbaŋ

³² Igbeer nan bi nima chee ki wiir, ki chuun ji limɔɔgongoln paab. Le tiyayaar ngbaan gaŋ Yesu ke u cha ti koo igbeer ngbaan ni. Le u kii.

UWONBƆR A GBƆNPƆŊ LIKƆƆNL

³² Idool takpem li nan be ligungonl a paab ki ji, le nnaanbiimin nan balin Yisa ke un che bi tan kɔɔ idoolin; le Yisa nan sei bi nsan.

Tibɔnyaan ti Luk ŋmee ti na 8:32 ပူးပေါင်းရင်းမြစ်များ

1 Bibɔrb 22:22

Le Uwumbɔr baa mu ke, ‘Aa ga ŋa kinye?’ Le mu gar u ke, ‘M ga buen le ki ti cha Ahab aabɔnabr mɔmɔk mɔnn inyamɔn.’ Le Uwumbɔr bui ke, ‘Li cha ki ti ŋmann u. Aa ga ti ŋman.’”

Job Aagbaŋ 1:10

Aa kiir u ni waadichal, ni waah kpa tiwan nimɔk na n‑yoonn mɔmɔk. Aa ŋani saanyoor ŋani waatuln mɔmɔk pu, le ki tii u tiwakor ti ŋeer ki ga gaa litingbaln lee mɔmɔk na.

Job Aagbaŋ 1:12

Le Uwumbɔr bui kinimbɔŋ ke, “Tɔ, m di waah kpa tiwan ni mɔmɔk na ŋa aaŋaal ni, aa mu taa di aaŋaal meeh Job ubaa.” Le kinimbɔŋ siir.

Job Aagbaŋ 2:6

Le Uwumbɔr bui u ke, “Tɔ, m di u ŋa aaŋaal ni, aa mu taa tee ku u.”

Ilahn 62:11

M ŋun ni jer nfum mubaa Uwumbɔr len ke mpɔɔn ye uyaan la,

Aisaya 65:4

Kinyeek kan, bi chaa titakpalunn ni, ni ŋikaakul ponn ni le ti buu tibɔɔr bitekpiib chee. Bi ŋmɔ ugbeer, ki nyu baah di tiwakor ti toor tii ŋiwaa na aakpinyun mu bi di tinann seen mu ni na,

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Liifai Yaab 11:7

Ni taa li ŋmɔ igbeer. Ni li kɔ i; yaataabuseen yakr le i ŋmɔ timoor ki mu aa biir ti ki ki ŋmɔ.

Matiu 7:6

“Ni taa di tiwan ni bi chain na di tii ibɔ. I ga gir nan junn nimi. Ni taa di nleenyaan di tii igbeer. I ga taa taa mu pu.”

Tibɔnyaan ti Luk ŋmee ti na 8:31

Le tiyayaar ngbaan gaŋ Yesu ke u taa bui ti ke ti buen libuul li nyoo na ni.

Tibɔnyaan ti Luk ŋmee ti na 8:33

Le ti nyan uja ngbaan ni, ki ti koo igbeer na ni. Le igbeer ngbaan mɔmɔk san sunn ni limɔɔgongoln taab, ki ti koo nnyun ni, ki bee nnyun ni.

Jɔnn 19:11

Le Yesu bui u, “Uwumbɔr yaa kaa tii si mpɔɔn kan, saan ŋmaa li kpa mpɔɔn ki ŋa mi nibaa. Nima pu na, unii u di mi ŋa aaŋaal ni na, waatunwanbir jer siyaan.”

1 Jɔnn 4:4

Maabim, ni ye Uwumbɔr yaab la. Uwumbɔr Aafuur Nyaan mu bi nisui ni na jer kinimbɔŋ ki bi dulnyaa wee ni na. Nima pu le ni nyaŋ Yesu aadin aabɔnabtiib ngbaan.

Tibɔkpiirkaan 20:7

Ŋibin lichur ngbaan yaa jer kan, Uwumbɔr ga cha bi nyan kinimbɔŋ kiyondiik ni, ki di ki lii.