Tibɔnyaan ti Luk ŋmee ti na 8:3 - Uwumbɔr aagbaŋ

³ Bi ponn ni ubaa mu ye Joana, u ye Ubɔrkpaan Herod aatutunn Chusa aapuu na. Ubaa mu ye Susana. Bipiib biken mu nan bi ki dii u ki wiir. Le bi mɔmɔk di baawan ter u ni waakpambalb.

UWONBƆR A GBƆNPƆŊ LIKƆƆNL

³ le biba mu ye Kuza a poo Joana nin Suzaana nin bipiib takpem. Kuza nan ye ubɔr Herɔd a niin a toontunn ninkpelu le, Le bi biɛn nan jɔɔ bi tɔɔl tɔɔl a wan yɔɔr ki tenn Yisa, ki ter u ma nin u bɔɔnɔɔbin biɛn.

Tibɔnyaan ti Luk ŋmee ti na 8:3 ပူးပေါင်းရင်းမြစ်များ

1 Bibɔrb Aabɔr 29:14

“Tiwan mɔmɔk nyan ni sin chee la, le m ni maanib aan ŋmaa tii si nibaa. Saah tii timi ni na le ti ki joo giin ni tii si.

Aisaya 23:18

Bi ga di ŋimombil ŋi bi kani kitiirk ni na di tii Uwumbɔr. Baan ki di ŋi bil; le binib bi dooni Uwumbɔr na ga gaa baamombil ngbaan ki di daa tijikaar ni tiwanpeenkaan ni bi ban na.

Matiu 14:1

N‑yoonn ngbaan le Ubɔr Herod ŋun Yesu bɔr,

Matiu 14:3

Budabu pu Herod len kina na le ye ke u nan chuu Jɔnn ki buu u tikululn ki di u ŋa kiyondiik ni. Taani u cha u nan chuu u na le ye ke Jɔnn nan bui u

Matiu 14:6

Le Herod aamaaldaal aawiin fuu ni. Le u ŋa tijiir ke bi ji. Le Herodias aabisal dan nan waa liwaal, Ubɔr Herod ni waanib aanimbiin ni. Le ni mɔɔr Herod sakpen.

Matiu 2:11

Le bi koo lidichal ngbaan ni, ki ti kan ubo ngbaan ni una Mari. Bi nan gbaan kitiŋ ki doon ubo ngbaan, le ki chuu piir baataakɔr ki tii u ipiin. Bi nan tii u salmaa, ni tulalee u bi yin u ke frankinsense, ni tulalee u bi yin u ke mir na.

Matiu 20:8

“Nwiin aah lir kijoobɔŋ na, le ukpaal ngbaan tuk bitutum aaninkpel, ‘Yin ni paatiib ngbaan ki nan pa bi baapal. Piin ki pa bijab bi gbiln puwɔb na, aan ki ti pii bisalolm.’

Matiu 25:40

Le min Ubɔrkpaan ngbaan ga bui bi, ‘M tuk nimi mbamɔn la, naah nan ŋa kina ki tii nnaabitiib, biwaatiib bimina na, ni nan ŋa tii mi le na.’

Matiu 26:11

Bigiim ga li bi ni chee n‑yoonn mɔmɔk. Mma aan li bi ni chee n‑yoonn mɔmɔk.

Matiu 27:55

Bipiib pam mu nan bi nima, ki si dandar, ki si lik. Bi nan ye bipiib bi nyan ni Galilee aatiŋ ni ki dii Yesu, ki tun lituln ki ter u na.

Tibɔnyaan ti Luk ŋmee ti na 24:10

Bipiib ngbaan aayimbil le nan ye Mari Magdalene, ni Joana, ni Mari u ye Jems aana na. Bi ni bipiib bi nan dii bi na nan di tibɔr timina tuk waakpambalb.

Jɔnn 12:6

Judas aatafal aa nan bi bigiim ni. U nan ye unaayuk la, ki nan ye unii u joo ŋimombil aataakɔr na, ki su baah di ŋimombil ŋi ŋa li ponn ni na. Nima le cha u len kina.

Lituln 13:1

Yesu aanib bibaa nan bi Antiok aatiŋ ni. Bi ponn ni bibaa nan ye Uwumbɔr aabɔnabtiib, bibaa mu nan ye Yesu aabɔr aamɔmɔkb. Bi yin ubaa ke Banabas, ki yin uken ke Simeonn, ki ki yin u ke Unibɔmbɔn, ki yin uken ke Lusius, u nan ye Sairene aatiŋ aanii na, ki yin uken ke Manaenn u Ubɔr Herod aate nan kpiin u na, ki yin uken ke Sɔɔl.

2 Korenti 8:9

Ni nyi Tidindaan Yesu Kristo aah kpa tibulchinn pu na. U nan ye uwankpadaan la. Nimi pu le u ŋa ugiin. Waah ŋa ugiin na, nima le cha ni mu ŋa biwankpadam.

Filipi 4:22

Uwumbɔr aanib mɔmɔk dooni nimi. Ubɔrkpaan Siisa aatutum bi ye Uwumbɔr aanib na mu dooni nimi mbamɔm.

1 Timoti 5:10

binib yaa len ke upii ngbaan tun litunyaan: u yaa nan kpiini mbim mbamɔm, ki yaa nan ŋani bicham tichann, ki yaa sunn ubaa taab ki tun lituln tii Yesu aanib, ki yaa nan ter binib bi bi limukl ni na, aan unimbil yaa man litunyaan mɔmɔk pu kan, aa ŋmee waayimbil bikpopiib aagbaŋ ponn ni.