Tibɔnyaan ti Luk ŋmee ti na 7:7 - Uwumbɔr aagbaŋ

⁷ U mu aa dak ke u ŋeer u dan aa chee. Aa yaa po sil nsan ni ki len kan, waanaagbiija ga pɔɔk.

UWONBƆR A GBƆNPƆŊ LIKƆƆNL

⁷ Ni ma bu le n lig ki miin maa kpaan nin n foo a ban ni. Amaa pagim a mɔbonl wee n yomu nan n pɔɔg.

Tibɔnyaan ti Luk ŋmee ti na 7:7 ပူးပေါင်းရင်းမြစ်များ

Ilahn 107:20

U nan di waamɔboln le tii bi laafee, ki nyan bi nkun ponn ni.

Ilahn 33:9

U nan di umɔb le len, le dulnyaa naan; le waamɔboln cha tiwan mɔmɔk nyan ni.

Nnyam 15:26

U nan bui bi ke, “Ni yaa kii tii mi n‑yoonn mɔmɔk, ki ŋani maah ban pu na, ki joo maakaal i m di tii nimi na kan, maan cha iween i aaboln m nan cha i lir Ijipt yaab pu na lir ni pu. Min le ye Uwumbɔr u sɔŋni nimi aaween na.”

Tibɔnyaan ti Mak ŋmee ti na 1:27

Le ni gar bi mɔmɔk pam. Le bi baa tɔb, “Ba sɔ? Ni ye mmɔkm pɔɔn la aa? U kpa mpɔɔn, le ki tuk tiyayaar ke ti di binib lii, le ti kii waamɔb.”

Tibɔnyaan ti Luk ŋmee ti na 4:36

Le ni gar bi mɔmɔk pam. Le bi baa tɔb, “Ba aabɔboln sɔ? U kpa yiko ni mpɔɔn le ki tuk tiyayaar ke ti di binib lii. Le ti kii waamɔb.”

Tibɔnyaan ti Luk ŋmee ti na 5:13

Le Yesu taln uŋaal ki meeh u, ki bui u, “M gee. Aa pɔɔk.” Libuul ngbaan ni, le u pɔɔk.

Tibɔnyaan ti Luk ŋmee ti na 7:6

Le Yesu dii bi buen. Waah ti peen butɔb aajab aaninkpel ngbaan aadichal na, le uninkpel ngbaan tun ni ujɔtiib ke bi tooh u nsan ni, ki ti bui u, “Tidindaan, butɔb aajab aaninkpel ke: Taa ki ŋani falaa, ke waa ŋeer aa dan udo ki koo waadiik ni.

Tibɔnyaan ti Luk ŋmee ti na 7:8

Uma ubaa kii uninkpel aamɔb, ki mu ye butɔb aajab aaninkpel la, le ki bui ubaa, ‘Li cha,’ le u buen; ki bui ubaa mu, ‘Dan,’ le u dan; le ki bui waanaagbiija, ‘Ŋa kina,’ le u ŋa.”

Ikaal 32:39

Min baanja le ye Uwumbɔr, ubaa aa ki bi; ŋiwaa ye nnyamɔn aawan la. Min le ga ku unii, min le ga tii unii limɔfal, min le tii unii iween, min le sɔŋni unii aaween, le ubaa aan ŋmaa kpak mi maatuln ni.

1 Samuel 2:6

Uwumbɔr ku la, le ki ki tii limɔfal; u cha binib chaa kitekpiitiŋ ni, le ki tii binib limɔfal.