Tibɔnyaan ti Luk ŋmee ti na 7:46 - Uwumbɔr aagbaŋ

⁴⁶ Saa di nkpan ŋmir n‑yil. Uma le di tulalee ŋmir ntaa.

UWONBƆR A GBƆNPƆŊ LIKƆƆNL

⁴⁶ Ŋaa biɛ nug n yukper nkpami amaa upii nan ma faan n taai le tulaali.

Tibɔnyaan ti Luk ŋmee ti na 7:46 ပူးပေါင်းရင်းမြစ်များ

2 Samuel 12:20

Le David fii kitiŋ, ki fu nnyun, ki chaa uyil, le ki kpeln waawanpeenkaan, le ki buen Uwumbɔr Aadichal ni, u ti doon uma Uwumbɔr. Waah gir ni libɔrdichal ni na, le u cha bi tii u tijikaar, le u jin ti libuul ngbaan ni.

2 Samuel 14:2

le u tun ti yin ni Tekoa aapiilandaan ubaa. Upii ngbaan aah nan fuu ni na, le u bui u ke, “Ŋmann ke aa bi wii likpuul la, ki di ŋikpuu aakeken gbab, ki taa chaa aayikpir. Ŋa aabaa ke upii u bi wii likpuul, ni ti yunn sakpen na,

Ilahn 104:15

ki cha u kani ndaan mu piir usui na, ki tii u olif aasui aakpan mu cha unimbil wɔb ŋan na, ni tijikaar ti ga tii u mpɔɔn na.

Ilahn 23:5

Aa gor tijikaar ti wiir na siin mi, maadim mɔmɔk aanimbil ni; aa gaa mi ke uchanyuun na ki cha maayikuuk gbiin ki ti bar kpir.

Ulandaan 9:8

Cha aasui li piin n‑yoonn mɔmɔk, ki di nkpan meen aayil pu.

Daniel 10:3

Maa nan jin tijikaanyaan tibaa, bee tinann, kaa nyun ndaan mu, kaa chaa maayikpir ki ti saa ŋikpaakoo ŋitaa.

Amos 6:6

Ni nyu ndaan tiyikur ti wiir na ponn ni, ki ŋani tulalee tiib bi nu mɔ sakpen na, kaa tee wii Israel aah ga bii pu na aakpowiil.

Maika 6:15

Ni ga bu njikaabim, ki mu aan chee tijikaar. Ni ga nyan nkpan olif aasubil ni, ki mu aan ŋmaa di mu ŋa nibaa. Ni ga ŋaa ndaan, ki mu aan nyu mu.

Matiu 6:17

Sin ma kan, aa yaa lul bumɔb kan, finn aanimbil wɔb, ki di nkpan ŋmir aayil,

Tibɔnyaan ti Luk ŋmee ti na 7:47

M tuk si la, m di cha waatunwanbir ti wiir na ki pinn u. Nima le cha u gee mi sakpen. M yaa di cha pinn unii titunwanbir siib na kan, udaan ga li gee mi siib la.”

Ruf Aagbaŋ 3:3

Kina pu na, fu nnyun, ki ŋa tulalee, aan ki ban saakeken ŋi ŋan na di gbab. Aa yaa ŋa kina kan, buen nin chee u bi poi idi na, aa mu taa tee cha u bee ke aa bi nima waahr aan u nin ji ki nyu doo.