Tibɔnyaan ti Luk ŋmee ti na 7:2 - Uwumbɔr aagbaŋ

² Le butɔb aajab nkub aaninkpel ubaa nan kpa unaagbiija ubaa ki gee u sakpen. Le unaagbiija ngbaan bun, ki ban u kpo.

UWONBƆR A GBƆNPƆŊ LIKƆƆNL

² Bitɔb a sanliiru nan be niin ki jɔɔ u yom wan wee u num nan gbee, le nwiɛn choo u, ni nan gur wama le nin un kpo.

Tibɔnyaan ti Luk ŋmee ti na 7:2 ပူးပေါင်းရင်းမြစ်များ

Mpiin 24:27

U nan bui ke, “M pak Uwumbɔr u ye maaninkpel Abraham Aawumbɔr, ki gbiin waah nan puu tipuur ti tii u na. U cha m nan tuur maaninkpel Abraham aamaal aachiln ni aanii le pu.”

Mpiin 35:8

Le Rebeka aanaagbiipii u bi nan yin u ke Debora na nan kpo, le bi di u sub likpaln aasub na taab, Betel aaŋangii wɔb. Nima pu le bi yin likpaln aasub ngbaan ke “Iwiil Aakpaln.”

Job Aagbaŋ 31:5

M puu ke maa kee ŋa mbiin daalbaadaal, kaa kee pɔɔn mbaa ke m ŋmann biken.

Ŋiyataŋak 29:21

Saanaagbiija yaa ban tiwan waabir ni aan aa tii u n‑yoonn mɔmɔk kan, daalbaadaal u ga nan gaa saah kpa pu na mɔmɔk.

Matiu 27:54

Butɔb aajab aaninkpel, ni binib bi bi u chee ki si kii Yesu na aah kan kitiŋ aah deŋ pu na, ki kan tiwan nimɔk ŋa na, le ijawaan chuu bi sakpen. Le bi bui ke, “Mbamɔn, u sil ye Uwumbɔr Aajapɔɔn la.”

Tibɔnyaan ti Luk ŋmee ti na 23:47

Tɔ, butɔb aajab aaninkpel aah kan naah ŋa pu na, le u nyuŋ Uwumbɔr, le ki bui ke, “Uja ngbaan sil ye uninyaan la.”

Tibɔnyaan ti Luk ŋmee ti na 7:1

Waah len tibɔr timina binib aatafal ni ki ti doo na, le u buen Kapenaum aatiŋ ni.

Tibɔnyaan ti Luk ŋmee ti na 7:3

Le butɔb aajab aaninkpel ngbaan ŋun Yesu aabɔr, le ki tun ni Juu yaab aaninkpiib u chee, bi nan bui u ke u dan nan cha waanaagbiija pɔɔk.

Tibɔnyaan ti Luk ŋmee ti na 8:42

ke ubisabaan, u ye ŋibin kipiik ni ŋilee na bun, ki ban u kpo. Le Yesu dii u ki buen. Waah cha na, le kinipaak dii u ki mueni u.

Lituln 10:1

Tɔ, uja ubaa nan bi Siisarea aatiŋ ni, bi nan yin u ke Konelius. U nan ye butɔb aajab nkub aaninkpel la. Bi yin butɔb aajab ngbaan ke “Itali aatiŋ aajab.”

Lituln 10:7

Le Uwumbɔr aatuun ngbaan ki gir buen. Waah buen na, le Konelius yin waatutum ponn ni bilee, ni butɔb aaja u ye uninyaan ki bi u chee idaa mɔmɔk ki tun lituln tii u na.

Lituln 22:26

Uninkpel ngbaan aah ŋun kina na, le u buen upol ngbaan chee, ki ti bui u, “Li nyi saah ga ŋa pu na. Uja ngbaan ye Rom aanii la.”

Lituln 23:17

Le Pɔɔl yin butɔb aajab aaninkpel ubaa, ki tuk u ke u di unachipɔɔn na buen butɔb aajab aapol chee, aan u ti tuk u tibɔr tibaa.

Lituln 27:1

Tɔ, bi nan len ke ti ga buen Ubɔrkpaan Siisa chee, Itali aatiŋ ni. Le bi di Pɔɔl ni binaagbiib biken tii butɔb aajab aaninkpel u bi yin u ke Julius na. Butɔb aajab ngbaan aayimbil nan ye ke “Ubɔrkpaan aajab.”

Lituln 27:3

Naah woln kitaak na, le ti fuu kitiŋ kibaa ni, bi yin ki ke Saidonn. Le butɔb aajab aaninkpel Julius gee Pɔɔl aabɔr, ki cha u buen ujɔtiib chee nima, u ti kan waah ban pu na.

Lituln 27:43

Butɔb aajab aaninkpel aa nan ban ke bi ku Pɔɔl, nima pu le waa kii. U nan tuk bi ke binib bi ŋmaa wo nnyun na puen yuk lir nnyun ponn ni, ki wo buen nnyun aagbaan, ki ti nyan;

Kolosiya 3:22

Binaagbiib, ni li keei nidindatiib bi bi dulnyaa ni na aamɔi tiwan mɔmɔk ni. Bi yaa bi ni chee, bee bi yaa kaa bi kan, ni li tun lituln mbamɔm. Ni taa ban binib li pak nimi. Naah san Uwumbɔr na, ni li tun lituln mbamɔm nima pu.