Tibɔnyaan ti Luk ŋmee ti na 7:12 - Uwumbɔr aagbaŋ

¹² Waah peen kitiŋ ngbaan aagoln aabisamɔb na, le u kan uja ubaa kpo, bi tu ni u. Una nan ye ukpopii la. U mu ye ujapɔnbaal la. Le waatiŋ aanib pam mu dii u ki wiir.

UWONBƆR A GBƆNPƆŊ LIKƆƆNL

¹² Waah nan foo kitiŋin a timansanmɔnn n-yonn man ni, le u kan baah tu nkum chaa bin tan pii. U takpiir nmɔn nan ye lipukɔɔl liba a bigaŋ le, le kitiŋ nmɔn a ninfob takpem nan be lipukɔɔlin ban.

Tibɔnyaan ti Luk ŋmee ti na 7:12 ပူးပေါင်းရင်းမြစ်များ

Mpiin 22:12

Le nneel ngbaan bui ke, “Taa ku ubo ngbaan, ki taa ŋa u nibaa. Dandana wee, m bee ke aa san Uwumbɔr ijawaan, ba pu? saa yii ke saan di aajapɔnbaal na ki di toor kitork tii Uwumbɔr.”

Mpiin 22:2

Uwumbɔr nan bui u ke, “Di aajapɔɔn, u ye aajapɔnbaal Aisak, aan aa gee u sakpen na, ki di u buen Moria aatiŋ ni. Nima chee m ga mɔk si lijool libaa paab, aa di u toor kitork tii mi nima chee.”

2 Samuel 14:7

Tɔ, maaninkpel, maanib mɔmɔk fenn lir m pu, ki ban ke m di njapɔɔn uken na tii bi, aan bi ku u mu teen. Bi yaa ŋa kina kan, maan ki li kpa ubijabo. Bi ga kuln maakookoo aamakl, le nchal aan ki li kpa ubijabo u ga cha waayimbil li beenin bi na.”

1 Bibɔrb 17:12

Le u gar u ke, “Aadindaan Uwumbɔr u bi na pu, m puu ke maa kpa boroboro. Maah kpa tiwan ni na le ye n‑yon pɔkaa kina lisambil ni, ni olif aakpan siib likpasambil ni. M dan do ke m nan pii idɔ ki di siib ngbaan ŋa tii m ni njapɔɔn la. Timi aakookoo aajikaar le ga li bi na, le nkon ga nin ku timi.”

1 Bibɔrb 17:18

Le u bui Elaija ke, “Uwumbɔr aanii, ba ŋa aa ŋa mi kina? Aa dan do ke aa nan teer Uwumbɔr maatunwanbir, le ki cha njapɔɔn kpo oo?”

1 Bibɔrb 17:23

Elaija nan di u sunn taab una chee le ki bui u ke, “Lik, saabo na aa kpo.”

1 Bibɔrb 17:9

“Tɔ, li cha Sarefaf aatiŋ ki bi duun Saidonn aatiŋ na ni, ki ti li koo nima. M bui ukpopii ubaa nima ke u li kpiini si.”

2 Bibɔrb 4:16

le Elaisa bui u ke, “Libiln li choo na, kinakokoona aa ga li ŋmab ubijabo aaŋaal ni.” Le u teen ke, “Uninkpel, m gaŋ si ke aa taa gii mi inyamɔn. Aa ye Uwumbɔr aanii la.”

2 Bibɔrb 4:20

Ututunn ngbaan nan di u ti tii una, le u di u puin utaa pu ki ti saa nwiin aakaasisik ni, le ubo ngbaan kpo.

Job Aagbaŋ 29:13

Binib bi nan bi falaa kpaan ni na nan pak mi la, le m ter bikpopiib le bi kan lifuur.

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Tibɔnyaan ti Luk ŋmee ti na 7:11

Naa yunn le Yesu buen kitiŋ kibaa ni, bi yin ki ke Neenn. Le waadidiliib ni kinipaak pam dii u.

Tibɔnyaan ti Luk ŋmee ti na 7:13

Tidindaan aah kan ukpopii ngbaan na, le kinimbaak chuu u. Le u bui u, “Taa ki wii,”

Tibɔnyaan ti Luk ŋmee ti na 8:42

ke ubisabaan, u ye ŋibin kipiik ni ŋilee na bun, ki ban u kpo. Le Yesu dii u ki buen. Waah cha na, le kinipaak dii u ki mueni u.

Tibɔnyaan ti Luk ŋmee ti na 8:52

Le binib bi mɔmɔk bi lichiln ni na bi wii ikpowiil ki kaani. Le Yesu bui bi, “Taa wii man. Waa kpo. U geen la.”

Jɔnn 11:19

Juu yaab pam le nan nyan nima, ki dan Mata ni Mari chee, bi nan sɔŋ bisui, bininja aah kpo pu na.

Lituln 9:39

Le Piita fii dii bi. Waah ti fuu ni nima na, le bi di u buen paacham aadiik ngbaan ni. Le bikpopiib kuun nima, ki si Piita chee, ki wii, le ki mɔk u ŋibɔkul ŋi Dokas nan ŋa tii bi, waah nan bi na.

Lituln 9:41

Le Piita chuu uŋaal, ki ter u, u fii sil, le ki yin Uwumbɔr aanib ni bikpopiib ngbaan, ki di u mɔk bi, ke u fikr a.

Jemisi 1:27

Unii yaa ter nkpobim ni bikpopiib baabɔr ni, ki yaa joo ubaa chain, ki di cha titunwanbir mɔmɔk kan, uma le dii Tite Uwumbɔr mbamɔm, ki bi chain Uwumbɔr aanimbil ni.