Tibɔnyaan ti Luk ŋmee ti na 6:7 - Uwumbɔr aagbaŋ

⁷ Le Uwumbɔr aakaal aamɔmɔkb ni Farisii yaab lik Yesu, ke u ga cha u pɔɔk likpaakool daal aan waan cha u pɔɔk. Bi ban bi kan nsan aan ki galn u, ke u bii likpaakool daal.

UWONBƆR A GBƆNPƆŊ LIKƆƆNL

⁷ Le ban nan wɔɔn Uwonbɔr a siimin nin Farasii yaab nan be niin, ki ban bin lig njee Yisa li teb bininfob likpakɔɔl daalaa. Bi nan ban bin kan nan wee bi li ta bii u yinl le ki ke u bii likpakɔɔl daala.

Tibɔnyaan ti Luk ŋmee ti na 6:7 ပူးပေါင်းရင်းမြစ်များ

Ilahn 38:12

Binib bi ban bi ku mi na pen mi gaawɔb mam la, le binib bi ban bi tii mi titotonn na pɔɔni bibaa ke bi doo mi; n‑yoonn mɔmɔk bi kpokl ban mi la.

Aisaya 29:21

Binib bi bii biken ki biini titunwanbirdam aatun pu kaa dar bitafal, ki mu geei inyamɔn aan bibamɔndam aa kani baabamɔn na, Uwumbɔr ga kuln bi.

Jeremia 20:10

M ŋun binib mɔmɔk looni len ke, “Ijawaan aabɔr bi ni mɔmɔk la. Cha ti di waabɔr buen bininkpiib chee man.” Hali njɔtiibamɔm ka kiir maalirm la. Bi len le ke, “Nibaakan ti ga ŋmaa ŋmann u, le ki chuu u ki teen u.”

Matiu 5:39

Min le tuk nimi: unii yaa ŋa si bakaa kan, taa giin u waah ŋa si pu na. Unii yaa faa si aaŋangii aataapak kan, aa cha u faa aaŋangan aataapak mu.

Tibɔnyaan ti Mak ŋmee ti na 3:2

Le bi lik Yesu, ke u ga cha uja ngbaan pɔɔk likpaakool daal aan waan cha u pɔɔk. Ba pu? bi ban bi kan nsan aan ki galn u ke u bii likpaakool daal.

Tibɔnyaan ti Luk ŋmee ti na 13:14

Yesu aah cha upii ngbaan pɔɔk likpaakool daal na, nima le cha mmeen aadiik ni aaninkpel gee liŋuul Yesu pu, le ki bui kinipaak ngbaan, “Iwiin iloob le bi likpaakool aakaasisik ni, ti li tun lituln, ki cha likpaakool daal. Nima pu na, ni dan iwiin iloob ngbaan aakaasisik ni aan u cha ni pɔɔk. Ni taa ki dan nan ban laafee likpaakool daal.”

Tibɔnyaan ti Luk ŋmee ti na 20:20

Le bi ban nsan mu pu bi ga chuu u na, ki di bipepekb tun u chee, bi ti ŋmann ke bi ye bininyaam la, aan ki pen u nlan, aan ki chuu u, ki di ŋa kitiŋ ngbaan aayidaan aaŋaal ni.

Jɔnn 9:16

Le Farisii yaab bibaa bui ke, “Uja ngbaan aa joo likpaakool daal aakaal, nima le mɔk ke waa nyan ni Uwumbɔr chee.” Le biken mu bui ke, “Unii yaa ye utunwanbirdaan kan, u ga ŋa kinye ki tun lijinjiir aatuln ke waah tun pu na?” Le bi mɔmɔk aamɔi nan bi ibaabaa.