Tibɔnyaan ti Luk ŋmee ti na 6:48 - Uwumbɔr aagbaŋ

⁴⁸ U naahn uja u ban u maa kidiik, ki gbii ni nyoo, ki maa lidinyikl ŋitakpal pu na la. Le nwam nyan, ki puu ki yur kidiik ngbaan, le kaa deŋni; ba pu? u maa ki mbamɔm.

UWONBƆR A GBƆNPƆŊ LIKƆƆNL

⁴⁸ U nann uja wan nan maa u niin nan le. U nan gbii le jiir tum ki tan pii kutangbapiig, le ki bil lifiɛl tɔɔn li bu ki maa. Ni bɔɔn bu le utaal dan ki nan nun takpem, le nkpen gbee, le kunyunmaŋ don ki nan tel iniin nmɔn, amaa yaa nan lu, waah nan maa i timaaŋann nin bu.

Tibɔnyaan ti Luk ŋmee ti na 6:48 ပူးပေါင်းရင်းမြစ်များ

2 Samuel 22:2

Uwumbɔr le ye maakikiir; uma le ye maajawan aatiŋ ki pɔɔ na.

2 Samuel 22:32

Uwumbɔr baanja le ye Tidindaan; Uwumbɔr baanja le ye u kii timi na.

2 Samuel 22:47

Uwumbɔr bi n‑yoonn mɔmɔk. Pak maakikiir man. Moon man ke Uwumbɔr pɔɔ; Uwumbɔr u gaal mi lir na pɔɔ sakpen a.

2 Samuel 22:5

Nkun aanimaln le nan mann gob mi; mbiin aabuln nan mann goln mi.

2 Samuel 23:3

Israel yaab Aawumbɔr le len ke, “Ubɔr u joo ibamɔn joo waanib, ki joo bi Uwumbɔr aah mɔk pu na

Ilahn 32:6

Kina na, binib bi mɔmɔk kii saamɔb na yaa bi tibɔr ni kan, bi mee si; le tibɔr yaa choo bi chee ke nwam na kan, ti taa pii bi.

Ilahn 62:2

Uma baanja le kii ki gaal mi lir; uma le kii mi, le ubaa aan ŋmaa nyaŋ mi.

Ilahn 95:1

Dan man, aan ti nan pak Uwumbɔr. Cha ti gaa mpopiin aalahn tii Uwumbɔr u kii timi na man.

Ŋiyataŋak 10:25

Kitaabuŋ daar, le ki joo bibiindam cha, le bininyaam ma kpa ŋŋmarm n‑yoonn mɔmɔk.

Aisaya 26:4

Tiin man Uwumbɔr naadii n‑yoonn mɔmɔk; u ga li kii timi n‑yoonn mɔmɔk.

Aisaya 28:16

Nima pu le Tidindaan Uwumbɔr len ke: “M bi joo nsisii mu pɔɔ ki si chob na le siini Sionn aatiŋ ni. Mu ponn ni, m ga di litakpal li pɔɔ na ki di siin mu aalɔlɔŋ ni. Unii umɔk gaa u ki kii na aan ji inimɔɔn.

Aisaya 59:19

Ki nya liwipuul ki ti saa liwilir wɔb, bi ga li san u ni waapɔɔn. U ga dan ke limɔɔl li puu mala mala na la, ki naahn libuln li pɔɔ na.

Nahum 1:8

U kuln waadim ke nwam mu san mala mala na la; u ku binib bi kpak u na la.

Tibɔnyaan ti Luk ŋmee ti na 6:47

Unii umɔk dan m chee, ki ŋun maaliin, ki ŋani kina na, m ga mɔk nimi waah naahn udaan u na.

Tibɔnyaan ti Luk ŋmee ti na 6:49

Unii u ŋun maaliin, kaa ŋani kina na naahn uja u maa kidiik kitiŋ pu, kaa puen gbii mbuu ki maa lidinyikl na la. Le nwam nyan ki puu yur ki. Libuul ngbaan ni le ki lir kookoo.”

Jɔnn 16:33

M tuk nimi tibɔr timina ke ni li kpa nsuudoon m pu. Ni ga kan falaa dulnyaa ni. Ni li kpa lipobil man; ba pu? m nyaŋ dulnyaa a.”

Lituln 14:22

Baah dii ntim ngbaan ni na, le bi pɔɔk Yesu aanib aataakpab, ki toor tuk bi Uwumbɔr aabɔr, le ki tuk bi ke bi sil Yesu aachaŋ ni, ke binib yaa ban bi koo Uwumbɔr aanaan ni kan, bi ga ji falaa sakpen le ki nin koo ni.

Efesusi 2:20

Nimi Yesu aanib naahn kidiik la. Bi maa nimi lidinyikl li ye Yesu aakpambalb ni Uwumbɔr aabɔnabtiib na pu la. Yesu Kristo ubaa le ye lidinyikl ngbaan aatakpakpaan.

Ikaal 32:15

Uwumbɔr aanib ngbaan nan kan liwangol, le ki tee kpa tafalaaŋun. Bi nan ji ti babr, le ki filk. Bi nan yii Uwumbɔr u naan bi, ki ye Mpɔɔnsakpiindaan u gaa bi lii na.

Ikaal 32:18

Bi nan suln Uwumbɔr Mpɔɔnsakpiindaan u gaa bi lii ki tii bi limɔfal na bɔr.

Ikaal 32:31

Baadim bibaa nyi ke baawaa aa kpa mpɔɔn, kaa kpa mpɔɔn sakpen ke Israel yaab Aawumbɔr na.

2 Timoti 2:19

Tɔ, Uwumbɔr aanib ye waadinyikl li pɔɔ, ki kpa kidaan, ki si na la. Kidaan ngbaan le ye ke, “Uwumbɔr nyi binib bi ye waanib na,” ki ki ye ke, “Binib bi pur Uwumbɔr aayimbil na mɔmɔk di cha titunwanbir.”

2 Piita 1:10

Nnaabitiib, Uwumbɔr aah nyan nimi ki yin nimi pu na, ni li pɔɔni nibaa ki cha nimi aabimbinyaan li mɔk ke ni sil ye waanib. Ni yaa ŋa kina kan, naan lir.

1 Jɔnn 2:28

Maabim, ni li kpaan Yesu chee n‑yoonn mɔmɔk, aan ti li kpa lipobil ki taa san inimɔɔn u chee bundaln u ga gir ni na.

Juud 1:24

Uwumbɔr u wiin chain na ga li ŋmaa joo nimi, ni taa lir, ki ga ŋmaa di nimi siin unimbiin ni, le ni ga li kpa mpopiin sakpen, kaan li kpa taani ubaa.

1 Samuel 2:2

Ubaa aa bi chain ke Uwumbɔr na; ubaa aa bi ke uma na, ukikiir ubaa aa bi ke timi Aawumbɔr na.