Tibɔnyaan ti Luk ŋmee ti na 6:47 - Uwumbɔr aagbaŋ

⁴⁷ Unii umɔk dan m chee, ki ŋun maaliin, ki ŋani kina na, m ga mɔk nimi waah naahn udaan u na.

UWONBƆR A GBƆNPƆŊ LIKƆƆNL

⁴⁷ Wan chaan n ban ki pelig n bɔr ki chee ki tun maah ban man nin, n li wɔɔn ni waah nann man.

Tibɔnyaan ti Luk ŋmee ti na 6:47 ပူးပေါင်းရင်းမြစ်များ

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Matiu 12:50

Ba pu? unii umɔk ŋani Nte Uwumbɔr u bi paacham na aah gee pu na, uma le ye nnaal, ni nninkpan, ni nna.”

Matiu 17:5

Waah beenin bi len kina na, libuul ngbaan ni le ntaalangbapiin dan nan biin bi pu. Le nneel len ntaalangbapiin na ponn ni ke, “Njapɔɔn u m gee u na sɔ. Nnimbil gbiin u. Li ŋun waah len pu na man.”

Tibɔnyaan ti Luk ŋmee ti na 11:28

Le Yesu bui ke, “Binib bi ŋun Uwumbɔr aabɔr ki kii ti na, Uwumbɔr aanyoor bi bima le pu.”

Tibɔnyaan ti Luk ŋmee ti na 14:26

“Unii yaa dan u nan dii mi, ki yaa kaa gee mi ki jer waah gee ute ni una, ni upuu, ni waabim, ni unaatiib, ni ukpetiib, ni uninkpatiib, ni waamɔfal pu na kan, waan ŋmaa dii mi.

Tibɔnyaan ti Luk ŋmee ti na 6:48

U naahn uja u ban u maa kidiik, ki gbii ni nyoo, ki maa lidinyikl ŋitakpal pu na la. Le nwam nyan, ki puu ki yur kidiik ngbaan, le kaa deŋni; ba pu? u maa ki mbamɔm.

Tibɔnyaan ti Luk ŋmee ti na 8:13

Mu lir ntakpateer pu na le ye binib bi ŋun Uwumbɔr aabɔr ki gaa ti ni mpopiin na. Bi mu aa gaa ti bisui ni mbamɔm. Bi gaa Uwumbɔr ki kii ni yunn siib; tɔ, ntɔŋ yaa pii bi kan, le bi ga di u lii.

Tibɔnyaan ti Luk ŋmee ti na 8:8

Le mubaa mu lir kitiŋ ki ŋan na ponn ni, ki muun, ki mar, ki lu nkub nkub.” Yesu aah len kina ti doo na, le u teen ke, “U kpa litafal na kan, u ŋun.”

Jɔnn 10:27

Maanib ŋun maaneel, le m nyi bi, le bi dii mi.

Jɔnn 13:17

Ni yaa bee maah len pu na aatataa, ki yaa ŋani kina kan, ni ga li kpa mpopiin.

Jɔnn 14:15

“Ni yaa gee mi kan, ni ga kii maamɔb,

Jɔnn 5:40

Le naa kii ke ni dan m chee, aan ki kan limɔfal.

Jɔnn 6:35

Le u bui bi, “Min le ye limɔfal aajikaar. Unii umɔk dan m chee na kan, nkon aan ki chuu u. Unii umɔk gaa mi ki kii na, nnyunyuu aan ki chuu u.

Jɔnn 6:37

Binib bimɔk Uwumbɔr di bi tii mi na, bi ga dan m chee. Unii umɔk dan m chee na, maan yii u, m ga gaa u.

Jɔnn 8:52

Le bi bui u, “Dandana wee ti bee ke aa kpa kinimbɔŋ la. Tiyaaja Abraham nan kpo. Uwumbɔr aabɔnabtiib mu nan kpo, le aa len ke unii yaa joo saaliin kan, waan kpo.

Hiibru Yaab 5:9

Nima le cha u ye timi aaŋmaŋmardaan bamɔnn, ki gaa binib bimɔk kii waamɔb na lii n‑yoonn mu kaa kpa ndoon na.

Jemisi 4:17

Nima pu na, unii yaa nyi lituln li ŋan na, kaa ŋani li kan, u tun titunwanbir le na.

1 Piita 2:4

Dan Tidindaan u ye limɔfadaan na chee man. U naahn litakpal li bidimaab yii li na la. Le Uwumbɔr lee u ke u ŋan sakpen.

2 Piita 1:10

Nnaabitiib, Uwumbɔr aah nyan nimi ki yin nimi pu na, ni li pɔɔni nibaa ki cha nimi aabimbinyaan li mɔk ke ni sil ye waanib. Ni yaa ŋa kina kan, naan lir.

1 Jɔnn 2:29

Ni nyi ke Yesu ye mbamɔndaan la. Nima pu le ni bee ke unii umɔk ŋani ni ŋan na ye Uwumbɔr aabo.

1 Jɔnn 3:7

Maabim, taa cha unii ubaa ŋmann nimi. Unii umɔk ŋani ni ŋan na, udaan ye unibamɔnn ke Yesu aah ye unibamɔnn pu na la.

Tibɔkpiirkaan 22:14

Tɔ, binib bi finn baawanpeenkaan ki ŋa ni chain na, Uwumbɔr aanyoor bi bi pu. Bi ga li kpa nsan ke bi moo limɔfal aasubil, ki dii kitiŋ ngbaan aabisamɔi ni ki koo ni.