Tibɔnyaan ti Luk ŋmee ti na 6:38 - Uwumbɔr aagbaŋ

³⁸ Tiin binib man, le Uwumbɔr mu ga tii nimi. U ga tii nimi sakpen. Mbamɔn, u ga lee gbiin nimi lisambil, le ki yek yek, ki ki lee kpee, le ki nyii nyii ki moo lee kpee aan li ti bar kpir, aan ki di tii nimi. Naah tii binib pu na, Uwumbɔr mu ga giin kina le ki tii nimi.”

UWONBƆR A GBƆNPƆŊ LIKƆƆNL

³⁸ Ni li pu, wee bi mu npu ni nin nmag ŋam man, ki nyii nyii, ki dam dam, wee li nan gbee nin imɔgban, ki nin nan wur, ni pan bu. Nan bu-n kiyiikpoŋ kan wee ni jɔɔ magir tiwann yɔɔr ki pu bininfob nan, bi mu li ta kima le ki mag ki pu ni.”

Tibɔnyaan ti Luk ŋmee ti na 6:38 ပူးပေါင်းရင်းမြစ်များ

2 Samuel 19:36

Tipar sakpenn ngbaan jer mi. Kina pu na, m ga cheen si foor Jɔɔdann aamɔɔl chee do siib la.

Esta 7:10

Kina pu na, bi nan leen Hamann iŋmin, ŋikpan ŋi pu u nan kpaa ke u leen Modekai na. Le ubɔr aaŋuul nin sɔŋ.

Esta 9:25

Le Esta nan buen ubɔr chee, le ubɔr siin nkaal mu bi ŋmee bil aan Hamann tee labr jin nkaal ngbaan aafalaa u u nan kpokl ke Juu yaab nan ji na; bi nan leen u ni ujapɔtiib ŋikpan pu.

Job Aagbaŋ 42:11

Job aakpetiib, ni unaatiib, ni uninkpatiib, ni ujɔtiib mɔmɔk nan dan nan mann u ki jin njim u chee waadichal ni. Bi nan san u kinimbaak ki sɔŋ usui, tibɔbir ti Uwumbɔr di tii u na pu. Bi mɔmɔk ubaabaa nan tii u ŋimombil ni salmaa aabɔmbik.

Ilahn 79:12

Uwumbɔr, pa ŋitimbol ŋi seei si ŋisiibil mɔmɔk aabɔŋ na nfum mulole pu baah seei si pu na.

Nnyam 21:24

unimbil le yaa chur, bee unyiln le yaa fenn, bee uŋaal le yaa koo, bee utaafaak le yaa koo,

Ŋiyataŋak 10:22

Uwumbɔr aanyoor le tii si liwankpal. Aabaa aatusakpeln aan ŋmaa ŋa si uwankpadaan.

Ŋiyataŋak 19:17

Aa yaa tii ugiin ipiin kan, ni bi ke saah pinn tiwan tii Uwumbɔr le na, Uwumbɔr ga teen si tiwan ngbaan.

Ŋiyataŋak 22:9

Li ye ubulchinn daan ki yakr saajikaar tii bigiim. Aa ga kan tinyoor ni pu.

Jeremia 32:18

Aa mɔk binib ŋichur ŋichur saageehm mu bi n‑yoonn mɔmɔk na, le ki mu dar binib aatafal, bitetiib aatunwanbir pu. Aa ye Uwumbɔr u aapɔɔn nyaŋ na la; sin le ye Uwumbɔr Mpɔɔnsakpiindaan.

Matiu 10:42

M tuk nimi mbamɔn la, unii umɔk tii maadidiir waatiir ubaa nnyunyunkoo baanja na kan, waah ye maadidiir pu na le cha u tii u, nima na, u ga kan tiyaapar.”

Matiu 7:2

Naah galni binib pu na, Uwumbɔr mu ga galn nimi kina la. Naah tii binib pu na, Uwumbɔr mu ga giin kina le ki tii nimi.

Tibɔnyaan ti Mak ŋmee ti na 4:24

“Cha nitafal li bi naah ŋun ti na ni man. Naah tii pu na, Uwumbɔr mu ga giin kina le ki tii nimi. U ga tii nimi ki jer naah tii pu na.

Tibɔnyaan ti Luk ŋmee ti na 6:30

Unii umɔk mee si tiwan na kan, tiin u. Unii yaa yoor saawan kan, taa bui u ke u giini ni.

Ikaal 15:10

Tiin u, ki taa li kpa tilandakbir, ni kukumɔŋ, le Uwumbɔr ga ŋa tinyoor ŋa saatuln mɔmɔk pu.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

Bibɔjirb 1:7

Le Adoni Besek bui ke, “Bibɔrb imonko itaa ni kipiik bi aaŋanbijam ni bitaaŋanbijam geei na, nan peei ŋijikaabol maasambil taab. Maah nan ŋa bi pu na, le Uwumbɔr di ŋa mi din na.” Bi nan di u buen Jerusalem aatiŋ ni, le u ti kpo nima.