Tibɔnyaan ti Luk ŋmee ti na 6:37 - Uwumbɔr aagbaŋ

³⁷ “Ni taa ji binib tibɔr, le Uwumbɔr mu aan ji nimi tibɔr. Ni taa galni binib, le Uwumbɔr mu aan galn nimi. Ni di cha pinn binib man, le Uwumbɔr mu ga di cha pinn nimi.

UWONBƆR A GBƆNPƆŊ LIKƆƆNL

³⁷ “Ni laa ji bininfob tibɔr wee bi nan laa ji ni tibɔri. Ni laa bii bininfobi wee bi mu laa nan bii ni. Jiɛn per bininfoba wee bi mu nan jiɛn per ni.

Tibɔnyaan ti Luk ŋmee ti na 6:37 ပူးပေါင်းရင်းမြစ်များ

Aisaya 65:5

le ki bui ke, ‘Taa mar ti chee; ti bi chain jer si, aa kpa tijɔŋ, taa meeh timi.’ Le m bui ke, ‘Min ni binib ngbaan aaboln aan kpaan, m gee liŋuul li bi ke mmii mu kaan junn na le bi pu.’

Matiu 18:30

Le waa kii, le ki chuu u ti ŋa kiyondiik ni, u li bi nima ki ti saa buyoonn u ga pa lipɔln ngbaan na.

Matiu 5:7

Binib bi kpa linimbaasaln na, Uwumbɔr aanyoor bi bi pu. U mu ga san bi kinimbaak.

Tibɔnyaan ti Mak ŋmee ti na 11:25

Ni yaa bi mee Uwumbɔr kan, di cha pinn binib bimɔk tun nimi taani na. Ni yaa di cha pinn bi kan, Nite Uwumbɔr u bi paacham na mu ga di cha pinn nimi aatunwanbir. [

Tibɔnyaan ti Luk ŋmee ti na 23:16

M ga cha bi lue u ŋinaalab, le ki di u lii.” [

Tibɔnyaan ti Luk ŋmee ti na 6:36

Ni li kpa linimbaasaln ke Nite Uwumbɔr aah kpa pu na.”

Lituln 3:13

Uwumbɔr le cha u pɔɔk. Abraham, ni Aisak, ni Jakob Aawumbɔr, u ye tiyaajatiib Aawumbɔr na, nyuŋ Waabo Yesu la. Nimi le nan di Yesu kooh, le ki yii u Pailat chee. Pailat nan ban u di u lii, le naa kii.

Efesusi 4:32

Ni li ŋani tɔb tiŋann, ki li san tɔb kinimbaak, ki di cha pinn tɔb ke Uwumbɔr aah di cha pinn nimi, Kristo pu pu na.

Kolosiya 3:13

ki li kpa limɔr tɔb chee. Ni ponn ni ubaa ni uŋeen aatɔ yaa kpa tibɔr kan, ni di cha pinn tɔb. Tidindaan aah di cha pinn nimi pu na, ni mu di cha pinn tɔb kina.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

Jemisi 5:9

Nnaabitiib, ni taa ŋulni tɔb pu man aan Uwumbɔr taa ji nimi tibɔr. Ni gur siib, u ga ji binib tibɔr.