Tibɔnyaan ti Luk ŋmee ti na 6:36 - Uwumbɔr aagbaŋ

³⁶ Ni li kpa linimbaasaln ke Nite Uwumbɔr aah kpa pu na.”

UWONBƆR A GBƆNPƆŊ LIKƆƆNL

³⁶ Ni li jɔɔ linyunyunbasanl ke ni Baa kaah jɔɔ linyunyunbasanl man nin na.

Tibɔnyaan ti Luk ŋmee ti na 6:36 ပူးပေါင်းရင်းမြစ်များ

Matiu 5:48

Nima pu na, ni li bi mbamɔm, ke Nite Uwumbɔr u bi paacham na aah bi pu na.”

Tibɔnyaan ti Luk ŋmee ti na 6:35

Ni ma kan, ni li gee nimi aadim, ki ŋa bi tiŋann, ki pinn binib tiwan, ki taa ki li ban ni. Le Uwumbɔr ga tii nimi tinyoor sakpen. Ni ga li ye Uwumbɔr u kaa kpa ŋeen aatɔ na aabim. Uma le ŋani titunwanbirdam ni binib bi kaa dooni u na tibulchinn.

Tibɔnyaan ti Luk ŋmee ti na 6:37

“Ni taa ji binib tibɔr, le Uwumbɔr mu aan ji nimi tibɔr. Ni taa galni binib, le Uwumbɔr mu aan galn nimi. Ni di cha pinn binib man, le Uwumbɔr mu ga di cha pinn nimi.

Efesusi 4:31

Ni taa cha niponn ni li to tɔb pu; ni li nyani liŋuul nisui ni; ni taa li ŋmɔ tɔb pu tijar; ni taa li seei tɔb; ni taa cha kinanaŋ kibaa ki li bi ni chee.

Jemisi 3:17

Le unii u kpa nlan mu nyan ni Uwumbɔr chee na, u bi chain, ki kpa nsuudoon, ni mbimbisuuna, ki ŋun tii binib, ki kpa linimbaasaln sakpen, ki tun litunyaan sakpen, kaa kpa imaagann, ki ye mbamɔndaan.