Tibɔnyaan ti Luk ŋmee ti na 6:28 - Uwumbɔr aagbaŋ

²⁸ ki ŋa Uwumbɔr aanyoor ŋa binib bi seei nimi na pu, ki mee Uwumbɔr tii binib bi ŋa nimi bakaa na.

UWONBƆR A GBƆNPƆŊ LIKƆƆNL

²⁸ Kaab ti kaar ki ŋa ban poog imɔɔŋ ki jaar ni bu nan ki li miɛ Uwonbɔr ki tenn ban bii ni.

Tibɔnyaan ti Luk ŋmee ti na 6:28 ပူးပေါင်းရင်းမြစ်များ

1 Bibɔrb 13:6

Ubɔr Jeroboam nan bui Uwumbɔr aabɔnabr ngbaan ke, “Ŋaanii ki mee Aadindaan Uwumbɔr tii mi, aan u cha ŋŋaal ki pɔɔk.” Uwumbɔr aabɔnabr ngbaan nan mee Uwumbɔr, le ubɔr aaŋaal pɔɔk.

Esekiel 25:15

Tidindaan Uwumbɔr ki bui ke, “Filistia yaab di mbiin le teen baayaajayoonn na aadim lipɔln, ki di kinanaŋ kuln bi.

Esekiel 36:5

“Min Dindaan Uwumbɔr le len tibɔbir ŋitimbol ŋi mann goln Israel na pu, ni Edom aatimbol mɔmɔk pu. Maaŋuul ponn ni le m len kina; ba pu? bi nan di mpopiin ni lik‑seen gaa maatiŋ Israel ni kaamoŋmɔpaan.

Matiu 5:44

Min le tuk nimi: ni li gee nimi aadim man, [ki bui binib bi seei nimi na ke, ‘Uwumbɔr ŋa tinyoor ŋa ni pu;’ ki ŋa binib bi nan nimi na tiŋann,] ki mee Uwumbɔr ki tii binib bi ŋani nimi falaa ki muk nimi na.

Tibɔnyaan ti Luk ŋmee ti na 23:34

Baah bi kpaa Yesu ndɔpuinkoo pu na, le u bui ke, “Nte Uwumbɔr, di cha pinn bi. Baa nyi baah ŋani pu na.” Le butɔb aajab ngbaan yoor waawanpeenkaan bi ti yakr tɔb, le ki too inaan ke bi lik bimɔk aah ga kan ni na.

Tibɔnyaan ti Luk ŋmee ti na 6:27

“M tuk nimi bi pel na, ni li gee nimi aadim man, ki ŋa binib bi nan nimi na tiŋann,

Tibɔnyaan ti Luk ŋmee ti na 6:35

Ni ma kan, ni li gee nimi aadim, ki ŋa bi tiŋann, ki pinn binib tiwan, ki taa ki li ban ni. Le Uwumbɔr ga tii nimi tinyoor sakpen. Ni ga li ye Uwumbɔr u kaa kpa ŋeen aatɔ na aabim. Uma le ŋani titunwanbirdam ni binib bi kaa dooni u na tibulchinn.

Lituln 14:5

Le Juu yaab ni baaninkpiib, ni binib bi kaa ye Juu yaab na bibaa kpokl ke bi ga ŋa Yesu aakpambalb bakaa ki mae bi ŋitakpal.

Lituln 7:60

le ki gbaan utaaŋaayil pu, le ki teen mpɔɔn pu, “Tidindaan, taa teen bi baah ŋa bakaa u na.” Waah len kina na, le u kpo.

Rom Yaab 12:14

Ni mee Uwumbɔr ke u ŋa tinyoor ŋa binib bi ŋani nimi falaa na pu. Ni bui bi ke, “Uwumbɔr ŋa tinyoor ŋa ni pu.” Ni taa sii bi.

1 Korenti 4:12

Ti tun lituln linimaln, ki joo timi aaŋaal imina le ki tun. Binib seei timi la, le ti bui bi ke, “Uwumbɔr ŋa tinyoor ŋa ni pu.” Bi ŋani timi falaa la, le ti ji limɔr.

Jemisi 3:10

Bumɔb buchachaan ngbaan le pak Uwumbɔr, le ki ki len tibɔbir. Nnaabitiib, naa ŋan ke ni li ŋani kina.

1 Piita 3:9

Binib yaa ŋa nimi bakaa kan, ni taa teen bi. Bi yaa sii nimi kan, ni taa sii bi ki teen. Ni bui bi ke, “Uwumbɔr ŋa tinyoor ŋa ni pu;” ba pu? Uwumbɔr yin nimi ke u ŋa tinyoor ŋa ni pu la.