Tibɔnyaan ti Luk ŋmee ti na 6:25 - Uwumbɔr aagbaŋ

²⁵ Nimi bi ji babr dandana na, tibɔbir ga li bi ni pu. Nkon ga nan chuu nimi. Nimi bi laa dandana na, tibɔbir ga li bi ni pu. Ni ga nan li kpa mpombiin ki li wii.

UWONBƆR A GBƆNPƆŊ LIKƆƆNL

²⁵ Woo, nim ban ji ki gbeeg daandaan, nan bu-n nkom na li choo ni. Woo, nim ban laa daandaan nan, nan bu-n ni na li mɔɔ tikpemɔr ki ji mɔɔ tinyinyinn.

Tibɔnyaan ti Luk ŋmee ti na 6:25 ပူးပေါင်းရင်းမြစ်များ

Ilahn 49:19

u ga nan ti pii uyaajatiib nkun ni, nin chee mbɔmbɔɔn aan doo na.

Ŋiyataŋak 14:13

Tilaar ga ŋmaa bɔr mpombiin. Tilaar ngbaan yaa ti doo kan, mpombiin ngbaan ga li beenin bi.

Ŋiyataŋak 30:9

M yaa kpa pam kan, nibaakan m ga bui ke maa ki ban si. M yaa ti ki ye ugiin mu kan, nibaakan m ga su kinaayuk ki di inimɔɔn tii si.

Ulandaan 2:2

M nan kan ke tilaar ye kijɔrk la. M nan bee ke mmɔɔn aa tii unii tinyoor tibaa.

Ulandaan 7:3

Mpombiin soor ni tilaar, nibaakan mu ga bii aanimbil wɔb, tɔ, ni mu moo kpae si nlan la.

Ulandaan 7:6

Ujɔr yaa laa kan, ni naahn ke ikokon le aah puul mmii ni na. Naa kpa tataa.

Aisaya 28:7

Hali Uwumbɔr aabɔnabtiib ni Uwumbɔr aatotoorb na nyun ndaan ki chuun yenni. Bi nyun ndaan sakpen, le ki chuun gbeer ki lir. Uwumbɔr aabɔnabtiib ngbaan nyun ndaan ki gbii a; kaa ki beer tibɔkpiirkaan ti Uwumbɔr joo tii ni bi na; le bitotoorb na mu nan nyun ki gbii, kaa ŋmaa toor binib aabɔr ti bi joo ni bi chee na.

Aisaya 65:13

le m ban m bui nimi ke binib bi dooni mi ki kii maamɔb na ga li kpa pam bi ji ki nyu, nimi ma kan, nkon ni nnyunyuu ga li joo nimi. Bi ga li kpa mpopiin, le nimi ga ji inimɔɔn.

Aisaya 8:21

Binib ngbaan ga li chuun kpak kitiŋ ngbaan pu, kaan kan nibaa bi ji ki nyu mu. Baakon ni baaŋuul ngbaan pu bi ga puun lii baabɔrkpaan ni Baawumbɔr pu. Nibaakan bi ga lik kitaapaak,

Aisaya 9:20

Le kitiŋ ngbaan mɔmɔk pu aanib ga li tɔkl tijikaar siib ti bi kan na le ki ji. Nimina mɔmɔk mu aan cha nkon doo. Hali bi ga di baabim ŋa tijikaar.

Amos 8:10

M ga kpeln nimi aajim aayoonn ŋa ŋikpuu, ki kpeln nimi aamɔɔn aalahn ŋa inimbaalahn. M ga cha ni kuu nimi aayikpir ki peen tiwan ni saak kuub na, aan ki cha ni li naahn libibaal li kpo na aate ni una aah wii waakpuul pu na. Nwiin ngbaan daal ga li cho kina le ki ti saa mu aadoon.

Nahum 1:10

Nimi bidanyurb ga wu mmii ke ikokon i lɔk tɔb ni na, ni timokuun aah wu pu na la.

Tibɔnyaan ti Luk ŋmee ti na 12:20

Tɔ, le Uwumbɔr bui u, ‘Si ujɔr wee, kinyeek kee le aa ga kpo. Saah kuun liwangol limɔk siin na, ŋma ga li yeh li?’

Tibɔnyaan ti Luk ŋmee ti na 13:28

Le u ga jenn nimi. Le ni ga li waa Abraham, ni Aisak, ni Jakob, ni Uwumbɔr aabɔnabtiib mɔmɔk Uwumbɔr aanaan ni. Ni ga li bi lipaal, ki wii ki ŋman ŋinyin nima chee.

Tibɔnyaan ti Luk ŋmee ti na 6:24

Nimi biwankpadam, tibɔbir ga li bi ni pu; ba pu? ni puen kan ni mɔ na la.

Tibɔnyaan ti Luk ŋmee ti na 6:26

“Binib mɔmɔk yaa pak nimi kan, tibɔbir ga li bi ni pu. Kina le biyaajatiib nan pak biŋmaŋmannim bi nan ŋmanni ke bi ye Uwumbɔr aabɔnabtiib na.”

Tibɔnyaan ti Luk ŋmee ti na 8:53

Le bi laa u pam. Bi bee ke u kpo la.

Efesusi 5:4

Ni taa len iliin i kaa ŋan na, ni kijɔrk aaliin, ni yaasaraapɔɔl aaliin. Iliin imina aaboln aa ye Yesu aanib aah len i na. Ni taa len kina. Ni li dooni Uwumbɔr man.

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.

Jemisi 4:9

Ni li kpa mpombiin nimi aatunwanbir pu, ki li wii. Cha nimi aalaar kpaln iwiil. Cha nimi aapopiin kpaln mpombiin.

Tibɔkpiirkaan 3:17

Ni len ke ni ye biwankpadam ki kan liwangol kaa lann nibaa, kaa tee nyi ke ni kpa kinimbaak, ki ye bigiim, ki ye bijoom, ki si niŋmeen la.

1 Samuel 2:5

Binib bi nan kpa ki ji babr na gur joo bibaa le kooh ki kpiini bibaa; nkon aah nan joo bi na gur ji gunni la. Upii u nan ye uŋoob na gur kpa mbim mulole la, le upii u nan kpa mbim pam na aa ki kpa ubaa gur.