Tibɔnyaan ti Luk ŋmee ti na 6:23 - Uwumbɔr aagbaŋ

²³ Bi yaa ŋa nimi kina kan, ni li kpa mpopiin sakpen ki li mɔɔni; ba pu? ni ga nan kan tinyoor sakpen paacham. Kina le biyaajatiib nan ŋa Uwumbɔr aabɔnabtiib falaa.

UWONBƆR A GBƆNPƆŊ LIKƆƆNL

²³ “Ni che ni li mɔn ni takpem lidaal nmɔn na, nan bu-n ni nyɔɔr tan be paabin yaba. Man a fala le bi baam nan jɔ ŋaan Uwonbɔr a linlem.

Tibɔnyaan ti Luk ŋmee ti na 6:23 ပူးပေါင်းရင်းမြစ်များ

2 Samuel 6:16

Baah joo Dakaa ngbaan bi di koo ni kitiŋ ngbaan ponn ni buyoonn na, le Sɔɔl aabisal Mikal lik takolu ni, ki kan Ubɔr David aah bi yukr ki waa liwaal tii Uwumbɔr pu na, le u lik seen u usui ni.

1 Bibɔrb 18:4

le n‑yoonn mu Jesebel nan bi ku Uwumbɔr aabɔnabtiib na, Obadia nan di bi ponn ni nkub ti bɔr titakpalunn tilee ponn ni. Piiŋmu piiŋmu le nan bi kitakpaluŋ ni, le u tii bi tijikaar ni nnyun.

1 Bibɔrb 19:10

Le u gar u ke, “Ndindaan Uwumbɔr Mpɔɔnsakpiindaan, sin baanja le m dii n‑yoonn mɔmɔk, le Israel aanib bii aa ni bima aamɔbaan na, ki ber saatork aabimbin, ki ku saabɔnabtiib mɔmɔk. Min baanja le gur, le bi ban ke bi ku m mu.”

1 Bibɔrb 19:14

U nan gar ke, “Ndindaan Uwumbɔr Mpɔɔnsakpiindaan, sin baanja le m dii n‑yoonn mɔmɔk. Tɔ, Israel aanib bii aa ni bima aapuur na, ki ber saatork aabimbin, ki ku saabɔnabtiib mɔmɔk. Min baanja le gur, le bi ban ke bi ku m mu.”

1 Bibɔrb 19:2

Jesebel nan di inaŋ tun Elaija chee ke: “Fen kinakokoona, m yaa kaa fe ŋa si ke saah ŋa biwaadam ngbaan pu na kan, ŋiwaa faa ku mi.”

1 Bibɔrb 21:20

Ahab aah kan Elaija na, le u baa u ke, “Maadin, aa pii ni mi do oo?” Le Elaija gar u ke, “Een, m pii ni si. Aa di aabaa tii ke aa li tun ni kaa ŋan Uwumbɔr chee na la.

1 Bibɔrb 22:27

Aa ti bui bi ke bi di u ŋa kiyondiik ni, ki li tii u tikonjiir ki ti saa bundaal m ga gir ni, ni laafee na.”

1 Bibɔrb 22:8

Le Ahab gar u ke, “Ubaa ki bi, Imla aajapɔɔn Mikaya. M tee nan u la, waa kee nabr tibɔnyaan tibaa tii mi; uma yaan ye tibɔbir ŋmeen la.” Jehosafat nan ki gar u ke, “Taa len kina.”

2 Bibɔrb 6:31

Le u teen ke, “Bi yaa kaa gii Elaisa aayil waahr aan nwiin nin lir kan, Uwumbɔr faa ku mi,”

2 Bibɔrb Aabɔr 36:16

Tɔ, binib ngbaan nan ŋani Uwumbɔr aatuun ngbaan mbɔnyun, kaa gar waamɔboln, ki laa waabɔnabr ngbaan, ki ti saa n‑yoonn mu Uwumbɔr aaŋuul fii waanib pu ki ti nyaŋ, aan baa ki ŋmaa kan ŋŋmarm na.

Nehemia 9:26

Le saanib nan yii saamɔb, kaa kii tii si; bi nan fenn bipuwɔb tii saakaal, ki nan ku saabɔnabtiib bi nan sak bi ki bui bi ke bi gir ni aa chee na. N‑yoonn n‑yoonn bi nan seei si;

Ilahn 58:11

Le binib ga bui ke, “Uwumbɔr sil pa binib bi aabimbin ŋan na tipar;” ki ki len ke, “Uwumbɔr u ji dulnyaa yaab tibɔr na sil bi.”

Aisaya 35:6

Biwɔb ga yuk ki waa liwaal, le bibirb ga teen mpɔɔn pu ni mpopiin. Ibun ga puu nteer pu nin chee nnyun aa nan bi na;

Jeremia 2:30

M daa nitafal, le naa ŋa nimi nibaa; naan kii ke m sur nimi. Ni ku maabɔnabtiib ke uchinn u aaŋuul fii na la.

Malakai 4:1

Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

Matiu 5:12

Ni li kpa mpopiin sakpen, ba pu? ni ga nan kan tinyoor sakpen paacham. Kina le bi nan ŋa Uwumbɔr aabɔnabtiib bi nan bi n‑yaayoonn na falaa.”

Tibɔnyaan ti Luk ŋmee ti na 1:41

Elisabef aah ŋun idoon pu na, le waabo fii uponn ni. Le Uwumbɔr Aafuur Nyaan gbiin Elisabef.

Tibɔnyaan ti Luk ŋmee ti na 1:44

Ntafal aah ŋun saadoon na, le maabo fii mponn ni, waah kpa mpopiin pu na.

Tibɔnyaan ti Luk ŋmee ti na 6:35

Ni ma kan, ni li gee nimi aadim, ki ŋa bi tiŋann, ki pinn binib tiwan, ki taa ki li ban ni. Le Uwumbɔr ga tii nimi tinyoor sakpen. Ni ga li ye Uwumbɔr u kaa kpa ŋeen aatɔ na aabim. Uma le ŋani titunwanbirdam ni binib bi kaa dooni u na tibulchinn.

Lituln 14:10

ki len mpɔɔn pu, “Fii sil aataa pu.” Le uja ngbaan fii yuk sil, le ki chuun gonni.

Lituln 3:8

Le u fii yuk, ki sil utaa pu, ki piin ki chuun gonni, le ki dii bi, ki koo Uwumbɔr Aadichal ni, ki bi chuun, ki yukr, ki pak Uwumbɔr.

Lituln 5:41

Le Yesu aakpambalb ngbaan siir bi chee, ki nan kpa mpopiin; ba pu? Uwumbɔr pak bi ke bi ye binib bi ga ŋmaa ji inimɔɔn Yesu aayimbil pu na.

Rom Yaab 5:3

Naa ye nima baanja pu le ti mɔɔni. Falaa mu pu le ti mɔɔni. Ba pu? falaa le tii timi suklaa.

2 Korenti 12:10

M yaa kan idabur, ni ŋisiibil, ni falaa, ni limukl, ni tibɔr, Kristo pu kan, le ni mɔ mi; ba pu? maah kaa kpa mbaa aapɔɔn buyoonn na, le m kpa Kristo aapɔɔn.

Kolosiya 1:24

Tɔ, maah jin falaa u ni pu na, nima le m kpa mpopiin. Kristo nan tuk mi maah ga ji falaa waanib pu pu na, le maah ji falaa tiwon tee ni na, falaa ngbaan u gur na le m ji. Waanib bi m ji falaa bi pu na le ye waawon.

2 Timoti 2:12

Ti yaa dii u ki kpa limɔr kan, ti ga ji nnaan u chee. Ti yaa len ke taa nyi u kan, u mu ga len ke waa nyi timi.

Hiibru Yaab 11:26

U nan bee ke u yaa kan ŋisiibil Kristo pu kan, u ga nan kan tinyoor ti jer Ijipt aatiŋ aawankpal mɔmɔk na. Ba pu? utafal nan bi tinyoor ti Uwumbɔr ga tii u na ni la.

Hiibru Yaab 11:6

Unii yaa kaa gaa Uwumbɔr ki kii kan, waan ŋmaa piir Uwumbɔr aasui. Unii u dan Uwumbɔr chee na, see u pak ke u bi, ki pak ke u ŋani binib bi ban u na tinyoor.

Jemisi 1:2

Nnaabitiib, ni yaa kan ntɔŋ mɔmɔk aabɔŋ kan, ni cha ni mɔmɔk li ye mpopiin ni chee.

1 Piita 4:13

Ni li kpa mpopiin; ba pu? ni yaa ji falaa u Kristo nan jin na kan, ni ga li kpa mpopiin sakpen bundaln u ga gir ni ki nan mɔk waah nyuun pu na.

Tibɔkpiirkaan 2:17

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na kan, m ga tii u tijikaar ti bɔr aan bi yin ti ke mana na, ki ga tii u litakpapiln li liyimbipɔln ŋmee li pu na. Ubaa aan li nyi liyimbipɔln ngbaan; unii u gaa li na baanja le ga li nyi.

Tibɔkpiirkaan 2:26

Binib bimɔk nyaŋ ki tun maatuln n‑yoonn mɔmɔk na, m ga tii bi tininkpir bi li joo ŋinibol na, ke maah gaa Nte Uwumbɔr chee tininkpir pu na.

Tibɔkpiirkaan 2:7

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na, m ga cha u moo limɔfal aasubil ŋi bi Uwumbɔr do, aan bi yin nima chee ke Paradais na.

Tibɔkpiirkaan 21:7

Unii umɔk nyaŋ na ga li yeh tiwan mɔmɔk. M ga li ye Waawumbɔr; u mu ga li ye maabo.

Tibɔkpiirkaan 3:12

Unii umɔk nyaŋ na, m ga ŋa u jatɔlk Maawumbɔr Aadichal ni, le u ga li bi nima n‑yoonn mu kaa kpa ndoon na. M ga ŋmee Maawumbɔr aayimbil, ni waatiŋ ki ye Jerusalem pɔɔn ki ga nyan ni u chee paacham na aayimbil u pu. M ga ki ŋmee maayimbipɔln mu u pu.

Tibɔkpiirkaan 3:5

Unii umɔk nyaŋ na, m ga peen u libɔkupiln. Maan chuu ber waayimbil limɔfal aagbaŋ ni. M ga len ke u ye maanii, Nte Uwumbɔr ni waatuuntiib aanimbiin ni.