Tibɔnyaan ti Luk ŋmee ti na 6:21 - Uwumbɔr aagbaŋ

²¹ Nimi bi nkon joo nimi dandana na, Uwumbɔr aanyoor bi ni pu; ni ga nan ji ki bab. Nimi bi wii dandana na, Uwumbɔr aanyoor bi ni pu; ni ga nan laa.

UWONBƆR A GBƆNPƆŊ LIKƆƆNL

²¹ Tikaar be nim ban wee nkom jɔɔ ni daandaan nan, nan bu-n ni na li ji ki gbee. Tikaar be nim ban mɔr daandaan nan, nan bu-n ni na li la.

Tibɔnyaan ti Luk ŋmee ti na 6:21 ပူးပေါင်းရင်းမြစ်များ

Mpiin 17:17

Abraham nan gbaan Uwumbɔr aanimbiin ni, le unimbil kpaa kitiŋ, tɔ, u nan piin ki laa usui ni, ki dakl ke, “Uja yaa ti saa ŋibin nkub kan, u ga ŋmaa maa ubo oo? Sara aah ti saa ŋibin imonko inaa ni kipiik na, u ga ŋmaa maa ubo oo?”

Mpiin 21:6

Sara nan bui ke, “Uwumbɔr tii mi mpopiin, le ni mu ki kpa tilaar, le unii umɔk ŋun tibɔr tee na ga laa.”

Ilahn 107:9

U tii nnyunyuu aah joo binib bi na nnyun, le ki tii nkon aah joo binib bi na tijikaar ti ŋan na.

Ilahn 119:136

Binib aah yii saakaal pu na cha m wii, le maanyunyunn ti puu ke limɔɔl na.

Ilahn 143:6

M yoor ŋŋaal paacham ki mee si; m neen si ke kitikuun aah neen nnyun pu na la.

Ilahn 17:15

Le mma ga kan si, ba pu? maa tun taani ubaa; le m yaa finn ngeen pu kan, saah bi m chee pu na ga tii mi mpopiin.

Ilahn 28:7

Uwumbɔr kii mi le ki lik mi; le m di naadii tii u. U tii mi nterm ki piir nsui; m joo mpopiin aalahn le pak u.

Ilahn 65:4

Saah lee binib bi ke bi li koo saadichal ni na kpa mpopiin. Tiwanyaan ni bi saadichal ponn ni, ki ye Lidichal ngbaan aanyoor na ga tii timi mpopiin.

Aisaya 25:6

Sionn Aajool pu do, le Uwumbɔr Mpɔɔnsakpiindaan ga gor njim siin dulnyaa aatimbol mɔmɔk. Njim mu aajikaar nyuun aan mu aadaan pɔɔ ti nyaŋ na.

Aisaya 30:19

Nimi binib bi koo Jerusalem ponn ni na aan ki wii iwiil. Uwumbɔr san nimi kinimbaak, le ni yaa wii ki yin u ki ban nterm kan, u ga kii nimi aayim.

Aisaya 66:10

Li mɔɔni man Jerusalem pu. Nimi bimɔk gee kitiŋ kee na, cha nisui li piin u pu, nimi bimɔk nan wii kaakpowiil na, li mɔɔni ter ki man.

Jeremia 13:17

Ni yaa kaan pel kan, m ga wii libɔɔl ni, nimi aagaak pu. Baah ga di Uwumbɔr aanib buen tinaagbiir ni pu na, m ga wii, le maanyunyunn ti li puu.

Jeremia 31:25

M ga tii binib bi bak na lifuur, ki cha nkon aah joo bi na ji tijikaar ti bab.

Jeremia 31:9

Maanib ga li wii le ki mee limeel, le m cheeni bi choo. M ga mɔk bi ikpen i kpa nnyun na chee, ki di bi chuun isan i pu joon aan baan gbeer nibaa na. M bi ke te na le Israel yaab chee, le Efraim ye maaboja.”

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Esekiel 7:16

Bibaa ga san buen ŋijoo ni ke ŋinanjel ŋi tiwan faani ŋi tifatann ni na la. Bi mɔmɔk ga li du baatunwanbir pu.

Esekiel 9:4

“Koo Jerusalem aatiŋ ponn ni, ki daan unii umɔk aasui bii aan ni muk u baah tun ŋitun ŋi sukr ponn ni kitiŋ ngbaan ponn ni na aayigbeer pu kidaan.”

Matiu 5:4

Binib bi kpa mpombiin baatunwanbir pu na, Uwumbɔr aanyoor bi bi pu; u ga sɔŋ bisui.

Matiu 5:6

Binib bi aanimbil man ke bi li ye bininyaam na, Uwumbɔr aanyoor bi bi pu. Binimbil ga gbiin.

Tibɔnyaan ti Luk ŋmee ti na 1:53

Binib bi nkon joo bi na, u tii bi tijikaar nyaan, bi ji bab. U cha biwankpadam chuun ni iŋaalpeen.

Tibɔnyaan ti Luk ŋmee ti na 6:20

Yesu nan lik waadidiliib le ki bui ke: “Nimi bi ye bigiim na, Uwumbɔr aanyoor bi ni pu; nimi le yeh Uwumbɔr aanaan.

Tibɔnyaan ti Luk ŋmee ti na 6:22

“Binib yaa nan nimi, ki yakr ni chee, ki sii nimi, ki yin nimi mbiindam, min Unibɔn Aabo pu kan, Uwumbɔr aanyoor bi ni pu.

Tibɔnyaan ti Luk ŋmee ti na 6:25

Nimi bi ji babr dandana na, tibɔbir ga li bi ni pu. Nkon ga nan chuu nimi. Nimi bi laa dandana na, tibɔbir ga li bi ni pu. Ni ga nan li kpa mpombiin ki li wii.

Jɔnn 11:35

Le Yesu wii.

Jɔnn 4:10

Le Yesu bui u, “Aa yaa ba nyi Uwumbɔr aah tii binib pu na, ki yaa ba nyi unii u mee si nnyun na kan, aa ba ga bui u ke u tii si nnyun mu ye limɔfal aanyun na, le u ba ga tii si.”

Jɔnn 6:35

Le u bui bi, “Min le ye limɔfal aajikaar. Unii umɔk dan m chee na kan, nkon aan ki chuu u. Unii umɔk gaa mi ki kii na, nnyunyuu aan ki chuu u.

1 Korenti 4:11

Nkon le joo timi, nnyunyuu mu joo timi, le ki nan saa dandana wee. Ti peeni tiwanchar la. Le binib gbaa timi. Taa kpa taah ga li koo nin chee na.

2 Korenti 11:27

M tun Yesu Kristo aatuln linimaln, ki kani falaa, kaa geeni kinyeek. Nkon ni nnyunyuu mɔk nan joo mi. M nan lann tijikaar. Tiwoor nan joo mi. Maawanpeenkaan aa nan fuu tiwoor ngbaan.

2 Korenti 12:10

M yaa kan idabur, ni ŋisiibil, ni falaa, ni limukl, ni tibɔr, Kristo pu kan, le ni mɔ mi; ba pu? maah kaa kpa mbaa aapɔɔn buyoonn na, le m kpa Kristo aapɔɔn.

2 Korenti 6:10

Tisui bii la. Yesu pu, le ti kpa mpopiin n‑yoonn mɔmɔk. Ti ye bigiim la, le ki ŋa binib pam biwankpadam Uwumbɔr chee. Taa kpa dulnyaa wee ni aawan nibaa, ti kpa paacham aawan mɔmɔk. Nimina mɔmɔk le mɔk ke ti sil ye Uwumbɔr aatutum.

Jemisi 1:12

Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

Tibɔkpiirkaan 21:3

Le m ŋun nneel sakpiin libɔrjal ngbaan chee len ke, “Lik, Uwumbɔr do bi binib chee, le u ga li bi bi chee. Bi ga li ye waanib. Uma ubaa ga li bi bi chee ki ga li ye Baawumbɔr,

Tibɔkpiirkaan 7:16

Nkon aan ki chuu bi, nnyunyuu mu aan ki chuu bi, nwiin mu aan ki see bi, ntoton mu aan ki ŋun bi;