Tibɔnyaan ti Luk ŋmee ti na 6:2 - Uwumbɔr aagbaŋ

² Le Farisii yaab bibaa nan baa bi, “Ba ŋa ni ŋani kina? Timi aakaal aa kii ke ni ŋa kina likpaakool daal.”

UWONBƆR A GBƆNPƆŊ LIKƆƆNL

² Le Farasii yaab biba nan baan bi ke, “Ba ŋa ni tun nan wee ti siim kaa che ti tun likpakɔɔl daalaa?”

Tibɔnyaan ti Luk ŋmee ti na 6:2 ပူးပေါင်းရင်းမြစ်များ

Nnyam 22:10

“Unii yaa kii ke u ga gaa uken aawakor ki li lik ki, ni yaa ye ubon, bee unaa, bee upiih, bee kiwakork kiken, aan kiwakork ngbaan yaa kpo, bee ki kan iween, bee bi yaa peer ki buen le waa kpa seeraadaan kan,

Nnyam 31:15

Ni kpa iwiin iloob, ni li tun nibaa aatuln, le winlole daal ngbaan ye lifuur aawiin le tii min. Umɔk tun lituln liyaadaal ngbaan na kan, ni ku u.

Nnyam 35:2

ni kpa iwiin iloob, ni li tun nibaa aatuln, winlole daal ma kan, ni li joo mu chain, ni di mu tii mi Uwumbɔr, nwiin ngbaan li ye lifuur daal. Unii umɔk tun lituln nwiin ngbaan daal na kan, ni ku u.

Aisaya 58:13

Uwumbɔr bui ke, “Aa yaa joo likpaakool daal ke nwiin mu bi chain na, kaa ban aabaa aanyoor nwiin ngbaan daal; aa yaa pak maawiin mu bi chain na, kaa buen lisachuln, kaa tun lituln, kaa len bɔyɔlyɔl nwiin ngbaan daal kan,

Matiu 12:2

Le Farisii yaab kan baah ŋani pu na, le ki bui Yesu, “Lik saadidiliib aah ŋani pu na. Timi aakaal aa kii ke bi ŋa kina likpaakool daal.”

Matiu 15:2

“Ba ŋa saadidiliib bii tiyaajatiib aakaal, kaa ŋir biŋaal aan ki nin ji tijikaar?”

Tibɔnyaan ti Mak ŋmee ti na 2:24

Le Farisii yaab nan baa Yesu ke, “Ba ŋa saadidiliib ŋani kina? Timi aakaal aa kii ke bi ŋa kina likpaakool daal.”

Tibɔnyaan ti Luk ŋmee ti na 5:33

Binib bibaa nan dan ki nan tuk Yesu, “Jɔnn aadidiliib ni Farisii yaab aadidiliib lulni bumɔb kpala kpala, ki mee Uwumbɔr. Le saadidiliib ma ji ki nyu.”

Jɔnn 5:16

Nima pu le Juu yaab nan muk Yesu, ke ba ŋa u tii ubun laafee likpaakool daal.