Tibɔnyaan ti Luk ŋmee ti na 6:17 - Uwumbɔr aagbaŋ

¹⁷ Le Yesu sunn ni lijool ngbaan paab, ki nan sil nin chee ŋak na. Waakpambalb ngbaan mu bi u chee. Binib bi dii u na mu bi u chee ki wiir. Kinipaak ki nyan ni Judea aatingbaan mɔmɔk ni, ni Jerusalem, ni nnyusakpem aatim Taya ni Saidonn aatingbaan ni na, mu bi nima.

UWONBƆR A GBƆNPƆŊ LIKƆƆNL

¹⁷ Le Yisa nin u bɔɔnɔɔb nan nɔɔ jiirin ki nan sir npaan nin. Le u bɔɔnɔɔb takpem mu nan be niin, le bininfob takpem nan be niin ki kpiɛ, bi nan nyan Judiya a tiŋin nin Jerusalam, nin nnyum takpem a timin Taya nin Sidonn a tingbaan yin le;

Tibɔnyaan ti Luk ŋmee ti na 6:17 ပူးပေါင်းရင်းမြစ်များ

Ilahn 103:3

U cha pinn mi maatunwanbir, le ki sɔŋni maaween mɔmɔk.

Matiu 11:21

U nan len ke, “Korasinn aatiŋ aanib, tibɔbir bi ni pu. Betseda aatiŋ aanib, tibɔbir bi ni mu pu; ba pu? m yaa ba nan tun lijinjiir aatun Taya aatiŋ ponn ni, ni Saidonn aatiŋ ponn ni ke maah tun ni ponn ni pu na kan, bi ba ga kpeln baabimbin ni yunn a, ki li pee tiwanpeenkaan ni saak kuub na, ki di nfatan puk biyil, aan ki mɔk ke bisui bii baatunwanbir pu.

Matiu 12:15

Yesu nan bee baah kpokl pu na, le ki siir nima. Kinipaak nan dii u, le u cha bibum mɔmɔk pɔɔk,

Matiu 14:14

Waah nyan buŋɔb ni na, le u kan kinipaak sakpeŋ, le ki san bi kinimbaak, le ki cha bi ponn ni bi ye bibum na pɔɔk.

Matiu 15:21

Le Yesu nyan nima, ki buen Taya ni Saidonn aatingbaan ni.

Matiu 5:1

Yesu aah kan kinipaak ngbaan na, le u jon ligongoln paab, le ki kal. Le waadidiliib kuun u chee.

Tibɔnyaan ti Luk ŋmee ti na 5:15

Le Yesu aayimbil moo moon ŋipepel mɔmɔk. Le kinipaak sakpeŋ kuun u chee ke bi ŋun waah len pu na, ki ban ke u cha bi ponn ni bi ye bibum na pɔɔk.

Tibɔnyaan ti Luk ŋmee ti na 6:12

N‑yoonn ngbaan le Yesu jon lijool paab, u ti mee Uwumbɔr, le ki mee u kinyeek ngbaan ki ti woln kitaak.

Tibɔnyaan ti Luk ŋmee ti na 6:16

ni Judas u ye Jems aajapɔɔn na; ni Judas Iskariot u ga nan kooh Yesu na.

Tibɔnyaan ti Luk ŋmee ti na 6:18

Bi dan ke bi nan ŋun waaliin, ki ban ke u tii bi ponn ni bi ye bibum na laafee. Le u cha bi pɔɔk, ki cha binib bi tiyayaar joo bi na mu pɔɔk.