Tibɔnyaan ti Luk ŋmee ti na 5:19 - Uwumbɔr aagbaŋ

¹⁹ Binib aah nan wiir pu na, baa kan mpaan bi koo ni. Le bi jon kidiik ngbaan paab, le ki chee liboln, ki di u di luln ni, ki di u bil kidiik ponn ni, Yesu aanimbiin ni.

UWONBƆR A GBƆNPƆŊ LIKƆƆNL

¹⁹ Amaa baa nan kan npaan ki li kɔɔ, bininfobin kaah nan yaabin bu, le bi nan ta u ki don kudiig a paab, ki feer limɔɔpinl le ki ta u nin u wan dɔɔnwaŋ jiir bininfobin a sisiigin ki tan bil Yisa a nintogil.

Tibɔnyaan ti Luk ŋmee ti na 5:19 ပူးပေါင်းရင်းမြစ်များ

2 Samuel 11:2

Daalbaadaal aajoowiin pu, le David nan fii waafuur aadɔdooyaan, ki buen libɔrdichal aapaacham. Waah bi chuun paacham ngbaan na, le u kan upii ubaa bi fu nnyun. U nan ŋan sakpen.

Jeremia 19:13

Jerusalem aadichal, ni Juda aabɔrb aadichal, ni ŋidichal ŋi mɔmɔk pu bi nan seer tulalee aayon tii iŋmabi, ni nin chee bi nan joo ndaan kpir tii ŋiwaa na mɔmɔk pu, ga li kpa tijɔŋ ke Tofef na la.”

Matiu 10:27

Maah tuk nimi tibɔr ti libɔɔl ni na, ni li mooni ti binib ni. Maah loon tibɔr ti nitafal ni na, ni li mooni ti lipaal.

Matiu 24:17

Unii yaa bi kidiik paab kan, u taa ki koo waadiik ni u ti yoor waawan, u san mala.

Tibɔnyaan ti Mak ŋmee ti na 2:4

Kinipaak ngbaan pu, baa nan ŋmaa koo ni Yesu chee. Le bi jon kidiik paab, ki chee liboln ki tuur waah si nin chee kidiik ponn ni na, le ki di baah luln ni unii u likekeln ni na ŋa liboln ngbaan ponn ni, ki di u bil Yesu aanimbiin ni.

Ikaal 22:8

“Aa yaa maa lidichapɔln kan, maa ligoln mann lipaacham. Nima kan, unii yaa nyan lipaab ki lir, ki kpo kan, saan li kpa taani ubaa.

1 Samuel 9:25

Baah fii nima ki buen kitiŋ ponn ni na, le bi tii Sɔɔl ndɔdooyaan kidiik paab, le u doon nima.