Tibɔnyaan ti Luk ŋmee ti na 5:14 - Uwumbɔr aagbaŋ

¹⁴ Le Yesu bui u, “Taa tuk unii ubaa. Li cha Uwumbɔr aatotoor chee, ki ti di aabaa mɔk u, ki toor kitork tii Uwumbɔr ke Moses aakaal aah siin pu na. Nima le ga mɔk binib ke aa pɔɔk a.”

UWONBƆR A GBƆNPƆŊ LIKƆƆNL

¹⁴ Le Yisa bei u, “Laa bei uba, amaa li chaa Uwonbɔr a minmanu ban ki tan ta a ba ki wɔɔn u, ki mann kumanug ki sei Uwonbɔr ke Moziz a kaal kaah wɔɔn man nin. Ni ma ye siɛra ki sei bi.”

Tibɔnyaan ti Luk ŋmee ti na 5:14 ပူးပေါင်းရင်းမြစ်များ

Liifai Yaab 13:2

Ni ponn ni ubaa yaa kpa mbuun uwon pu, bee lichakpelar, bee nibaa chee yaa puun ki ga ŋa tiwon aaween i bir na kan, ni li joo ni u utotoor Aaronn, bee waamaal ponn ni ubaa chee.

Liifai Yaab 13:49

li yaa ye liŋaankal bee limamaln kan, ni di tiwan ngbaan mɔk utotoor, ba pu? ni ye tiwan ni ga pɔr na la.

Matiu 10:18

M pu, le ntim aaninkpiib ni bibɔrb ga ji nimi tibɔr. Le ni ga tuk Juu yaab, ni bi kaa ye Juu yaab na tibɔnyaan tee.

Matiu 12:16

le ki bui bi ke bi taa li joo u mooni.

Matiu 8:4

Le Yesu bui u, “Li nyi, ki taa tuk unii ubaa. Li cha Uwumbɔr aatotoor chee ki ti di aabaa mɔk u, ki toor kitork tii Uwumbɔr, Moses aakaal aah len pu na. Nima le ga mɔk binib ke aa pɔɔk a.”

Matiu 9:30

Le binimbil likr. Le u sur bi mbamɔm ke bi taa tuk unii ubaa.

Tibɔnyaan ti Mak ŋmee ti na 1:44

“Li nyi ki taa tuk unii ubaa. Li cha Uwumbɔr aatotoor chee, ki ti di aabaa mɔk u, ki toor kitork tii Uwumbɔr ke Moses aakaal aah len pu na. Nima le ga mɔk binib ke aa pɔɔk a.”

Tibɔnyaan ti Mak ŋmee ti na 6:11

Kitiŋ kibaa aanib yaa kaa gaa nimi, ki yaa yii nimi aabɔr kan, ni nya nima, ki kpaar nitaa aatatan lii nima. Nimina le ga li ye nsurm ki tii bi.”

Tibɔnyaan ti Luk ŋmee ti na 17:14

Yesu aah waa bi na, le u bui bi, “Li cha Uwumbɔr aatotoortiib chee, aan bi ti ŋaŋ nimi.” Baah cha na, le bi pɔɔk.

Tibɔnyaan ti Luk ŋmee ti na 5:13

Le Yesu taln uŋaal ki meeh u, ki bui u, “M gee. Aa pɔɔk.” Libuul ngbaan ni, le u pɔɔk.

Tibɔnyaan ti Luk ŋmee ti na 9:5

Kitiŋ kibaa aanib yaa kaa gaa nimi kan, ni nyan nima ki kpaar nitaa aatatan ki lii nima. Nimina le ga li ye nsurm ki tii bi.”