Tibɔnyaan ti Luk ŋmee ti na 5:12 - Uwumbɔr aagbaŋ

¹² Yesu nan bi kitiŋ kibaa ni. Ukɔndaan ubaa mu bi nima. Waah kan Yesu na, le u dan nan gbaan unimbiin ni, ki di unimbil chiŋ kitiŋ, ki gaŋ u, le ki bui u, “Ndindaan, aa yaa gee kan, aa ga ŋmaa cha m pɔɔk.”

UWONBƆR A GBƆNPƆŊ LIKƆƆNL

¹² Yisa nan be kitiŋ kiba ni-n, le uja uba dan u ban ki ye kikɔŋ. N-yonn man wee u kan Yisa, le u lu ki ta u num chigin tum ki balin u ke, “Uyudaan, ni ye a ban ke, a li fir che n pɔɔg.”

Tibɔnyaan ti Luk ŋmee ti na 5:12 ပူးပေါင်းရင်းမြစ်များ

Mpiin 18:14

Nibaa pɔɔ min Uwumbɔr chee ee? Maah len pu na, m ga ki gir ni iŋmal iwae aapuwɔb, le Sara ga maa ubijabo.”

1 Bibɔrb 18:39

Binib ngbaan aah kan kina na, le bi tar lir kitiŋ, ki len mpɔɔn pu ke, “Uwumbɔr le ye Tidindaan, Uwumbɔr baanja le ye Tidindaan.”

2 Bibɔrb 5:1

Naamann nan ye Siria aatɔb aajab aayidaan la, le ki kpa kipak, le Siria aabɔr nan nyuŋ u sakpen. U pu le Uwumbɔr nan cha Siria aajab kan linyaŋ butɔb ni pam. U nan ye butɔb aajakpaan la, le ki mu tee kpa tiwon aaween i bir na.

2 Bibɔrb 5:27

Tɔ, Naamann aaween ngbaan ga gir ni aa pu, le aa ni aayaabitiib ga li kpa i ki ti saa n‑yoonn mu kaa kpa ndoon na.” Gehasi aah siir na, le iween ngbaan pii u, uwon nan piir chak chak.

2 Bibɔrb 7:3

Bijab binaa bibaa nan bi Samaria aatiŋ aapaal, ki kpa tiwon aaween i bir na. Bi nan bui tɔb ke, “Taan ŋmaa li ka do kina ki ti kpo.

1 Bibɔrb Aabɔr 21:16

David nan kan ntuun ngbaan gaar si libuln ni paacham, ki joo kijaak aajuk uŋaal ni ki gor ke u ti bii Jerusalem. Le David ni binib ngbaan aasalolm, bi mɔmɔk nan pee tiwanpeenkaan ni saak kuub na, gbaan le ki di binimbil chiŋ kitiŋ.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Nnyam 4:6

Uwumbɔr nan ki bui Moses ke, “Di aaŋaal ŋa saabɔkul ponn ni.” Le Moses ŋa kina. Waah nyan uŋaal na, le mu kpaln ibusoon.

Liifai Yaab 13:16

Mbuun ngbaan yaa yann ki ki piir kan, u ga ki gir buen utotoor chee,

Liifai Yaab 9:24

Libuul ngbaan ni, le Uwumbɔr cha mmii nyan ni paacham ki nan wun kitork ki bi ban bi di see mmii ni na aapiin, ni nkpan, libimbiln paab. N‑yoonn mu binib ngbaan kan kina na, le bi teen mpɔɔn pu, ki tar lir kitiŋ lichichikr.

Matiu 26:6

Tɔ, Yesu nan bi Betani aatiŋ ni, ki bi Simonn u nan ye ukɔndaan na do, ki bi ji tijikaar.

Matiu 9:28

Le u ti koo kidiik ni. Le bijoom ngbaan mu koo ni u chee. Le u baa bi, “Ni pak ke m ga ŋmaa likr ninimbil aa?” Le bi kii, “Tidindaan, een.”

Tibɔnyaan ti Mak ŋmee ti na 5:23

ki gaŋ u sakpen le ki bui u ke, “Ni yaa ki kpee siib na kan, mbisal ga kpo. M gaŋ si la, dan nan di aaŋaal ki di paan u pu, aan u pɔɔk ki taa kpo.”

Tibɔnyaan ti Luk ŋmee ti na 17:16

le ki nan gbaan Yesu aanimbiin ni, ki doon u.

Tibɔnyaan ti Luk ŋmee ti na 5:13

Le Yesu taln uŋaal ki meeh u, ki bui u, “M gee. Aa pɔɔk.” Libuul ngbaan ni, le u pɔɔk.

Ikaal 24:8

“Ni ponn ni ubaa yaa kpa tiwon aaween i bir na kan, ni pɔɔn nibaa ki ŋa Liifai aatotoorb aah ga bui nimi pu na. Ni ŋa maah tuk bi ikaal i na mɔmɔk.

Hiibru Yaab 7:25

U bi n‑yoonn mu kaa kpa ndoon na, u li mee Uwumbɔr tii binib bi dan Uwumbɔr chee u pu na. Nima le u ga ŋmaa gaa bi lii n‑yoonn mu kaa kpa ndoon na.

Josua 5:14

Le uja ngbaan giin bui u ke, “Maa bi lipepel libaa wɔb, m ye Uwumbɔr aajab aaninkpel, le ki si do.” Le Josua gbaan kitiŋ le ki doon u, ki bui ke, “Ndindaan, m ye saatutunn la, aa ban ke m ŋa ba tii si?”