Tibɔnyaan ti Luk ŋmee ti na 4:28 - Uwumbɔr aagbaŋ

²⁸ Yesu aah len kina na, le binib bimɔk bi mmeen aadiik ni na gee liŋuul sakpen,

UWONBƆR A GBƆNPƆŊ LIKƆƆNL

²⁸ Le bininfob ban nan be kuwonjiɛndiigin a poolin kaah nan gbir Yisa a bɔr nmɔn nin, bi nan fiin bi ŋuui le u bu,

Tibɔnyaan ti Luk ŋmee ti na 4:28 ပူးပေါင်းရင်းမြစ်များ

2 Bibɔrb Aabɔr 16:10

Nimina nan cha Asa aaŋuul fii Uwumbɔr aabɔnabr ngbaan pu sakpen, le u cha bi baa u tikululn. N‑yoonn baan mue, le Asa nan piin ki ŋani binib ngem mbiin.

Jeremia 38:6

Le bi nan yoor mi ki ti di iŋmin leen ŋŋaal ki di mi lii nnyunbun mu bi yin mu ke Ubɔrbo Malkia aanyunbun na ni, mu nan bi libɔrdichal aachiln ni la. Nnyun aa nan bi mu ponn ni, tikpakpar ŋmeen le nan bi mu ponn ni, le m chɔb sil ti ponn ni.

Matiu 2:16

Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

Tibɔnyaan ti Luk ŋmee ti na 4:27

Uwumbɔr aabɔnabr Elaisa aayoonn na, bikɔndam nan bi Israel yaab ponn ni ki wiir; le Uwumbɔr aa cha bi ponn ni ubaa pɔɔk. Naamann, u nan ye Siria aatiŋ aanii na baanja le u nan cha u pɔɔk.”

Tibɔnyaan ti Luk ŋmee ti na 4:29

le ki fii, ki chuu nyan u kitiŋ ngbaan ni, ki di u buen baatiŋ aah bi lijool li paab na, bi ti di u lii lijool ngbaan aataab.

Tibɔnyaan ti Luk ŋmee ti na 6:11

Le bi gee liŋuul Yesu pu pam, le ki kpokl baah ga ŋa u pu na.

Lituln 5:33

Bibɔjirb aaninkpiib aah ŋun baah len pu na, le bi gee liŋuul sakpen, ki ban bi ku bi.

Lituln 7:54

Stiifen aah len kina na, le liŋuul chuu binib ngbaan, le bi ŋmɔ ŋinyin.