Tibɔnyaan ti Luk ŋmee ti na 3:34 - Uwumbɔr aagbaŋ

³⁴ Juda mu nan ye Jakob aajapɔɔn, Jakob mu nan ye Aisak aajapɔɔn, Aisak mu nan ye Abraham aajapɔɔn, Abraham mu nan ye Tera aajapɔɔn, Tera mu nan ye Nahor aajapɔɔn,

UWONBƆR A GBƆNPƆŊ LIKƆƆNL

³⁴ le Juda mu ye Jekɔb a big, le Jekɔb mu ye Azig a big, le Azig mu ye Abiraham a big, le Abiraham mu ye Tera a big, le Tera mu ye Naho a big,

Tibɔnyaan ti Luk ŋmee ti na 3:34 ပူးပေါင်းရင်းမြစ်များ

Mpiin 21:3

Abraham nan yin u ke Aisak,

Mpiin 25:26

Ubo u nan paa na nan nyan ni le ki joo Esɔ aataagbeln, nima pu na, bi nan yin u ke Jakob. Aisak nan ye ŋibin imonko itaa le ki ma bijaam ngbaan.

1 Bibɔrb Aabɔr 1:34

Abraham aajapɔɔn Aisak nan ma mbijabim mulee la, Esɔ ni Jakob.

Matiu 1:2

Abraham le nan ma Aisak, Aisak mu ma Jakob, Jakob mu ma Juda ni unaabitiib.

Tibɔnyaan ti Luk ŋmee ti na 3:33

Nasonn mu nan ye Aminadab aajapɔɔn, Aminadab mu nan ye Adminn aajapɔɔn, Adminn mu nan ye Arni aajapɔɔn, Arni mu nan ye Hesronn aajapɔɔn, Hesronn mu nan ye Peres aajapɔɔn, Peres mu nan ye Juda aajapɔɔn,

Tibɔnyaan ti Luk ŋmee ti na 3:35

Nahor mu nan ye Serug aajapɔɔn, Serug mu nan ye Reu aajapɔɔn, Reu mu nan ye Peleg aajapɔɔn, Peleg mu nan ye Eber aajapɔɔn, Eber mu nan ye Sela aajapɔɔn,

Lituln 7:8

Le Uwumbɔr puu tipuur tii Abraham, ki tii u nkaal, ke u ni uyaabitiib mɔmɔk gii ŋichakpan, aan ni mɔk ke bi kii uma Uwumbɔr aah puu tipuur ti na. Le Abraham ma ubijabo, ki yin u ke Aisak, le ki gii uchakpaln, u nan laa ye iwiin iniin aabo la. Le Aisak ma waabo Jakob. Jakob mu ma japɔtiib kipiik ni bilee bi ye tiyaajaninkpiib na. Le bi mɔmɔk gii ŋichakpan.

Josua 24:2

Le Josua bui bi mɔmɔk ke, “Uwumbɔr u ye timi Israel yaab Aadindaan na aah len pu na sɔ: ‘N‑yoonn mu jer na, niyaajatiib nan bi Yufrates Aamɔɔdapuul le ki dooni ŋiwaa. Niyaajatiib ngbaan ubaa le nan ye Tera, u nan ye Abraham ni Nahor aate na.