Tibɔnyaan ti Luk ŋmee ti na 3:16 - Uwumbɔr aagbaŋ

¹⁶ Le Jɔnn bui bi mɔmɔk, “Mma muin nimi nnyun ni la. Tɔ, unii u jer mi na mu choo. Maa ŋeer ke m gbiln waanaatak aaŋmin ki tii u. Uma le ga muin nimi Uwumbɔr Aafuur Nyaan, ni mmii ni.

UWONBƆR A GBƆNPƆŊ LIKƆƆNL

¹⁶ Le Jɔnn jiin bei bi biɛn ke, “Min fun ni nnyum le, amaa wan jom chaan, wan a naatagil ŋmim wee maa kpaan n gbinn ni. U na li fu ni Kasi a naaŋ nin nŋmi ki ŋunn ni jaginn.

Tibɔnyaan ti Luk ŋmee ti na 3:16 ပူးပေါင်းရင်းမြစ်များ

Ŋiyataŋak 1:23

Li pel man maasurm, m ga tii nimi nsurm mu ŋan na, ki yakr maalan tii nimi.

Aisaya 32:15

Tɔ, Uwumbɔr ga ki gir tii ni timi Waafuur Nyaan. Ikpaakon i nan bii na ga ki gir ŋa ikpaakon i ŋan na, ki ga ŋa tijikaar sakpen.

Aisaya 4:4

Uwumbɔr aapɔɔn pu u ga ji linibol ngbaan tibɔr ki toor bi, ki finn nyan tibɔbir ni nsin mu nan kpir Jerusalem ponn ni na.

Esekiel 36:25

M ga di nnyunyaan le yaa yaa ni pu ki nyan nimi, nimi aawaa mɔmɔk, ni tiwan ni mɔmɔk bii nimi na aajɔŋ ni.

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Matiu 3:11

Mma muini nimi nnyun ni la, ki mɔk ke ni kpeln nimi aabimbin. Unii u paa ni m pu na jer mi. Maa ŋeer m chuu takl waanaatak tii u. Uma le ga nan muin nimi Uwumbɔr Aafuur Nyaan, ni mmii ni.

Matiu 3:12

U joo waayikpimbik uŋaal ni, u ti chaar waajikaar, ki ga di njikaabim ŋa lipil ni, ki di tigbengbir see mmii mu kaan junn na ni.”

Jɔnn 1:26

Le u bui bi, “Mma muini binib nnyun ni la. Ubaa mu bi nikaasisik ni. Nimi le aa nyi u.

Jɔnn 1:27

U ye unii u paan ni mpuwɔb na. Maa ŋeer ke m chuu gbiln waanaatak aaŋmin tii u.”

Jɔnn 1:33

Min mbaa aa nan nyi u; Uwumbɔr u tun ni mi ke m nan muin binib nnyun ni na, uma le bui mi ke m ga kan Waafuur Nyaan sunn ni ki nan tɔŋ uja ubaa pu, ke uma le ye unii u ga gbiin binib Uwumbɔr Aafuur Nyaan na.

Jɔnn 7:38

Uwumbɔr Aagbaŋ len ke, ‘Unii umɔk gaa mi ki kii na, limɔfal aanyun ga puu nyan ni usui ni.’”

Lituln 1:5

Mbamɔn, Jɔnn nan muin binib nnyun ni. Naan ki yunn, le m ga di Uwumbɔr Aafuur Nyaan gbiin nimi.”

Lituln 10:44

Tɔ, Piita aah laa bi len kina na, le Uwumbɔr Aafuur Nyaan sunn ni ki nan gbiin binib bimɔk ŋun waah len pu na.

Lituln 2:33

Uwumbɔr nyuŋ Yesu, ki di u kaan uŋangii wɔb. U gaa Nfuur Nyaan Ute Uwumbɔr chee, uma Uwumbɔr aah nan puu tipuur ti ke u ga tii u na. Naah kan pu na, ni naah ŋun pu dandana wee na, ye Uwumbɔr Aafuur Nyaan le u di ŋa ti ni.

1 Korenti 12:13

Ti ponn ni bibaa ye Juu yaab, bibaa mu ye binib bi kaa ye Juu yaab na, bibaa mu ye binaagbiib, bibaa mu ye bimalb, le Yesu gbiin ti mɔmɔk Nfuur Nyaan baan, ki ŋa timi unibaan. U cha ti mɔmɔk kan Nfuur Nyaan baan la.