Tibɔnyaan ti Luk ŋmee ti na 24:27 - Uwumbɔr aagbaŋ

²⁷ Le Yesu ŋeer waabɔr ti ŋmee Uwumbɔr Aagbaŋ ni na mɔmɔk tuk bi. Njan u tuk bi Moses aah nan ŋmee ti pu na, le ki nin tuk bi Uwumbɔr aabɔnabtiib mɔmɔk aah nan ŋmee ti pu na.

UWONBƆR A GBƆNPƆŊ LIKƆƆNL

²⁷ Le waah nan piin Moziz a yonn ki tan kpaa Uwonbɔr a Linlemin, le u pag wɔɔn bi nan biɛn nan len nsɔbimin biɛn a poolin ki ta jiin u paam.

Tibɔnyaan ti Luk ŋmee ti na 24:27 ပူးပေါင်းရင်းမြစ်များ

Mpiin 12:3

M ga ŋa tinyoor ŋa unii umɔk ŋa tinyoor ŋa aa pu na, ki ga puun lii unii umɔk puun lii aa pu na, le aa pu, m ga ŋa tinyoor ŋa ŋinibol mɔmɔk pu.”

Mpiin 22:18

Aayaabitiib pu, le m ga ŋa tinyoor ŋa ŋinibol mɔmɔk pu, ni mu ye le ke aa kii maamɔb la.”

Mpiin 26:4

M ga cha aa maa ki li kpa yaabitiib bi li wiir ke iŋmabi na, le m ga di kitiŋ kee mɔmɔk tii bi. Aayaabitiib pu le m ga ŋa tinyoor ŋa ŋinibol mɔmɔk pu.

Mpiin 3:15

Aa ni upii ngbaan ga li ye tɔb aadim la. Saabim ni waabim mu ga li ye tɔb aadim la. Uyaabil ga faa wii aayil, le aa mu ga gaa utaagbeln.”

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

Ilahn 132:11

Aa nan puu tipuur ti saan cha ti bee fam na tii David ke, “M ga ŋa aajapɔɔn ubaa ubɔr, uma le ga paan aa pu ki ji nnaan.

Aisaya 1:23

Saayidam ye binib bi kaa kii maamɔb na la, ki ye binaayukb aajɔtiib, le ki gaal ipiin, ni igaŋgaŋlik n‑yoonn mɔmɔk. Baa ter nkpobim buyoonn bi bi tibɔr ni na, kaan pel bikpopiib aabɔr buyoonn bi di ti fuu ni bi chee na.

Aisaya 50:6

M di mpuwɔb tii binib bi gbaa mi na. Maa nan bui binib bi seei mi ki dar gui maalangbaln aakor ki teei timɔɔtan lɔi mi na ke bi di cha.

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Aisaya 8:17

Uwumbɔr di ubaa bɔr waanib chee, le mma kii tii u, ki kpa limakl u pu.

Aisaya 9:1

Baan ŋmaa kan nsan mubaa ki dii aan ki ŋmar falaa umina aayoonn. Sebulunn aanib ni Naftali aanib aatiŋ ki bi nnyusakpem wɔb ki ti saa Jɔɔdann aamɔɔdapuul ni Galilee aatiŋ, biwɔwɔm aah bi nin chee na, nan jin inimɔɔn, le n‑yoonn mu choo na kitiŋ ngbaan kookoo ga kan bunyuŋ.

Esekiel 34:23

M ga tii i upihkpaal ke maatutunn David na, aan uma baanja li ye yaapihkpaal, le u ga li joo i mbamɔm.

Esekiel 37:25

Bi ga li bi kitiŋ ki m nan di tii maatutunn Jakob, nin chee biyaajatiib nan bi na. Bi ga li bi nima chee ki ti saa n‑yoonn mu kaa kpa ndoon na, le baabim ni biyaabitiib mɔmɔk mu ga li bi nima kina. Ubɔr u bi ke maatutunn David na le ga li joo bi ki ti saa n‑yoonn mu kaa kpa ndoon na.

Daniel 7:13

Kinyeek aadaŋ ngbaan ponn ni, le m nan kan udaan u naahn unibɔn aabo na. U nan chuun choo m chee, ki bi ntaalangbam ni, le ki buen Uwumbɔr u bi n‑yoonn mɔmɔk na chee; le bi ti di u mɔk u.

Maika 5:6

Buyoonn bi koo ni timi aapepel ni na, le bi ga di tijawan ki nyaŋ Nimrod aatiŋ Asiria, le ki gaa timi Asiria yaab chee lii.

Maika 7:20

Aa ga mɔk saanib, Abraham ni Jakob aayaabitiib, ke saah bi mbamɔm ki kpa ngeehm n‑yoonn mɔmɔk pu na, ke saah nan puu tii tiyaajatiib n‑yaayoonn na pu na.

Sekaria 13:7

Uwumbɔr Mpɔɔnsakpiindaan bui ke, “Kijaak aajuk, finn ngeen pu, ki ti tak upihkpaal u tun maatuln na. Ku u, ki cha ipiih yaa.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Malakai 4:2

Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

Nkahm 21:14

Nima pu le Uwumbɔr aatɔb aagbaŋ ni, bi nan ŋmee ke: “Waheb aatiŋ ki bi Sufa aapepel ni na, ni ŋifatan, ni Anonn Aamɔɔl,

Tibɔnyaan ti Mak ŋmee ti na 4:34

Waa len tibaa bi chee, see ŋiyataŋak ŋmeen. U ni waadidiliib aah bi bibaa na, le u ŋeer ŋiyataŋak ngbaan aatataa tuk bi.

Tibɔnyaan ti Luk ŋmee ti na 24:25

Le Yesu bui bi, “Nimi aalan par la. Naa gaa Uwumbɔr aabɔnabtiib aah nan len pu na mɔmɔk mala.

Tibɔnyaan ti Luk ŋmee ti na 24:44

U nan bui bi, “Maabɔr timɔk ŋmee Moses aakaal ponn ni, ni Uwumbɔr aabɔnabtiib aagbann ni, ni Uwumbɔr aalahn aagbaŋ ni na, Uwumbɔr le siin ke ni mɔmɔk ga gbiin. Maah nan laa bi ni chee na, m nan tuk nimi kina la.”

Jɔnn 1:45

Filip mu nan ti kan Natanael le ki tuk u, “Ti kan unii u Moses ni Uwumbɔr aabɔnabtiib mu nan ŋmee waabɔr Uwumbɔr aakaal aagbaŋ ni na. Uma le ye Josef aajapɔɔn Yesu, u ye Nasaref aatiŋ aanii na.”

Jɔnn 12:41

Aisaya nan len kina; ba pu? u nan kan Yesu aah nyuun sakpen pu na, le ki len waabɔr.

Jɔnn 5:37

Nte Uwumbɔr u tun ni mi na, uma ubaa le ji seeraa ki tii mi. Naa kee ŋun waaneel, ki mu aa kee kan unimbil wɔb.

Jɔnn 5:39

Ni karni Uwumbɔr Aagbaŋ ke ni bee kaah len pu na; ba pu? ni dak ke ni ga kan limɔfal li kaa kpa ndoon na ki ponn ni. Kigbaŋ ngbaan len maabɔr le na.

Lituln 10:43

N‑yaayoonn na, Uwumbɔr aabɔnabtiib mɔmɔk nan len Yesu aabɔr, ke unii umɔk gaa u ki kii na, Uwumbɔr ga di cha pinn u, uma Yesu aayimbil pu.”

Lituln 3:18

N‑yaayoonn na, Uwumbɔr nan cha waabɔnabtiib mɔmɔk len ke Waanii Kristo ga nan ji falaa. Baah len pu na, le Uwumbɔr cha ni ŋa kina.

Lituln 3:22

Uwumbɔr aabɔnabr Moses nan len ke, ‘Nidindaan Uwumbɔr ga tun ni ubɔnabr ubaa ni chee, ke waah tun ni mi pu na. U mu ga li ye ninaabitiib ponn ni ubaa la. Li keei waah ga len tibɔr ti na mɔmɔk man.

Lituln 3:24

Uwumbɔr aabɔnabtiib bimɔk nan len tibɔr na, Samuel ni bibɔnabr bi mu nan paan ni u pu na, mu nan len tibɔr timina.

Lituln 7:37

Uma Moses le tuk Israel yaab, ‘Uwumbɔr ga tun ni ubɔnabr ubaa ni chee, ke waah tun ni mi pu na. U mu ga li ye ninaabitiib ponn ni ubaa la.’

Lituln 8:35

Le Filip tuk u ŋŋmeen ngbaan aatataa, ke ni ye Yesu aabɔr la, le ki tuk u tibɔnyaan na.

Ikaal 1:45

Kina pu na, ni nan wii yin Uwumbɔr ke u ter nimi, le u yii ke waan gar nimi, ke utafal aa nan bi ni ni.

Ikaal 18:15

U ga tun ni waabɔnabr u li bi ke min na, udaan ga li ye ninaabitiib ponn ni ubaa la. Ni ŋun tii u.

Tibɔkpiirkaan 19:10

Le m gbaan kitiŋ utaafar chee, le ki ban ke m pak u. Le u bui ke m taa ŋa kina; ba pu? u mu po ye m ni nnaabitiib bi joo tibɔr ti Yesu kpiir na aatutuŋeer la, ke m pak Uwumbɔr baanja. Tɔ, tibɔr ti Yesu kpiir na le tii waabɔnabtiib mpɔɔn ke bi len.