Tibɔnyaan ti Luk ŋmee ti na 23:32 - Uwumbɔr aagbaŋ

³² Le bi di bakadam bilee kpee Yesu pu, ki di buen ke bi ti ku bi mu.

UWONBƆR A GBƆNPƆŊ LIKƆƆNL

³² Bi nan ta bininfob bilee, ban nan ye bi naayigib, mu kpiɛ u bu ke bin tan ku bi.

Tibɔnyaan ti Luk ŋmee ti na 23:32 ပူးပေါင်းရင်းမြစ်များ

Aisaya 53:12

Le m ga tii u nkakaa mu nyuun na lipepel li bi bininyuum, ni mpɔɔndam aakaasisik ni na. U di waamɔfal tii waageehn pu, ki yakr titunwanbirdam chee baapal. U gaa titunwanbirdam pam aasisiiyaan, ki mee Uwumbɔr ke u di cha pinn bi.”

Matiu 27:38

Le bi di bififiirb bilee mu kpaa idɔpuinkee pu. Bi nan di ubaa kpaa uŋangii wɔb, ki di uken kpaa uŋangan wɔb.

Tibɔnyaan ti Mak ŋmee ti na 15:27

Bi nan di bififiirb bilee kpaa idɔpuinkee pu. Bi di ubaa kpaa uŋangii wɔb, ki di uken kpaa uŋangan wɔb. [

Tibɔnyaan ti Luk ŋmee ti na 22:37

M tuk nimi la, ni ŋmee Uwumbɔr Aagbaŋ ponn ni ke bi ga ŋa mi ke baah ŋani titunwanbirdam pu na. Le bi ga sil ŋa mi kina. Baah nan ŋmee maabɔr pu na, ni mɔmɔk bi gbiini la.”

Tibɔnyaan ti Luk ŋmee ti na 23:31

Bi yaa di ndɔsoon ŋa mmii ni aan mu gaa kan, ndɔkuun ga li bi kinye?”

Jɔnn 19:18

Le butɔb aajab ngbaan kpaa u ndɔpuinkoo pu nima chee, le ki kpaa bijab bilee mu idɔpuinkee pu. Bi kpaa ubaa uŋangan wɔb, ki kpaa uken uŋangii wɔb. Le Yesu nan bi bikaasisik ni.

2 Timoti 2:9

Tibɔnyaan tee pu, le m ji falaa. Le bi buu mi idɔribi kiyondiik ni, ke bakadaan na. Uwumbɔr aabɔr ma aa buu.

Hiibru Yaab 12:2

Cha ti li lik Yesu chee man. Waapɔɔn pu le ti nan piin ki gaa u ki kii. Waapɔɔn mu pu, le ti ga tii u naadii, ki ti saa ndoon. Mpopiin mu u ga nan kan mu na pu, le u jin falaa ni inimɔɔn ndɔpuinkoo pu, ki lik inimɔɔn ngbaan fam. Dandana wee le u ka Uwumbɔr aabɔrjal aaŋangii wɔb.