Tibɔnyaan ti Luk ŋmee ti na 23:2 - Uwumbɔr aagbaŋ

² le ki piin ki bi galni u, ki bui ke, “Ti kan uja wee ŋmanni timi aanibol la. U tuk bi ke bi taa ki pa lampoo tii Ubɔrkpaan Siisa, ke uma ubaa le ye Kristo u ga gaa binib lii na, ki ye Ubɔr.”

UWONBƆR A GBƆNPƆŊ LIKƆƆNL

² Le bi nan piin ki galin u ke, “Ti kan uja nan le u be bei ti ninfob ke bi laa yɔ lampo ki tenn Siiza, ki ke u ma ye Masiya, ki ye ubɔr.”

Tibɔnyaan ti Luk ŋmee ti na 23:2 ပူးပေါင်းရင်းမြစ်များ

1 Bibɔrb 18:17

Ahab aah ti kan u na, le u bui u ke, “Sin le na aa? Israel yaab aabɔbankpaan.”

Ilahn 35:11

Titunwanbirdam mɔnn inyamɔn paani mi, ki galni mi taani u pu maa nyi na.

Ilahn 62:4

Ni ban ke ni nyan u waah bi nin chee ki kpa kipak na, le ki jinn u inimɔɔn; ni geei inyamɔn le ni mɔ nimi. Ni len tinyoor aabɔlen la, le nisui ponn ni ma kan, ni puuni lir u pu.

Jeremia 20:10

M ŋun binib mɔmɔk looni len ke, “Ijawaan aabɔr bi ni mɔmɔk la. Cha ti di waabɔr buen bininkpiib chee man.” Hali njɔtiibamɔm ka kiir maalirm la. Bi len le ke, “Nibaakan ti ga ŋmaa ŋmann u, le ki chuu u ki teen u.”

Jeremia 38:4

Le bininkpiib ngbaan buen ubɔr chee ki ti len ke, “Ni ŋeer ke ti ku uja umina. Waah bi len pu na ga cha bijab bi bi kitiŋ kee ponn ni na aataakpab yɔl, u bi ŋani unii umɔk gur kitiŋ kee ponn ni na tiwanbaan ngbaan la. Waa ban ke u ter binib ngbaan, u ban u tii bi tibɔr la.”

Amos 7:10

Amasia, u nan ye utotoor ki bi Betel aatiŋ ni na, le nan tun ti tuk Israel aabɔrkpaan Jeroboam ke: “Amos chuun ban isan binib chee ke u nyan si nnaan ni la. Waabɔlen ga bii litimbol lee doo.

Sekaria 11:8

Maaŋuul nan fii bipihkpaab bitaa bi kaa gee mi na pu, le m jenn bi mɔmɔk uŋmabaan ni.

Matiu 17:27

Tɔ, taa ban ti koo baataani ni. Li cha nnyusakpem ni ki ti di njapiin lii nnyun ni. Saah ga chuu njan aajan u na, yoor u ki chuu waar umɔb. Aa ga kan limombil umɔb ponn ni. Nyan li ki ti pa tii bi, m ni si pu.”

Matiu 22:21

Le bi bui u, “Siisa yaan.” Le u bui bi, “Nima pu na, di ni ye Siisa yaan na, ki di tii u man, ki di ni ye Uwumbɔr yaan na, ki di tii Uwumbɔr.”

Matiu 27:11

Bi nan di Yesu ti siin kitiŋ ngbaan aaninkpel Pailat aanimbiin ni. Le Pailat baa u, “Aa ye Juu yaab aabɔr la aa?” Le u bui u, “Saah len pu na, ni ye kina.”

Tibɔnyaan ti Mak ŋmee ti na 12:17

Le u bui bi ke, “Di ni ye Siisa yaan na, ki di tii u man, ki di ni ye Uwumbɔr yaan na tii Uwumbɔr.” Waah len kina na, le ni gar bi pam.

Tibɔnyaan ti Mak ŋmee ti na 15:2

Le Pailat baa u, “Aa ye Juu yaab aabɔr la aa?” Le u bui u, “Saah len pu na, ni ye kina.”

Tibɔnyaan ti Luk ŋmee ti na 23:14

le ki bui bi, “Ni joo ni uja wee m chee, ki bui ke u ŋmanni binib la. Le m jin u tibɔr ninimbil ni. Nimi aagalm ngbaan ponn ni, maa kan u ŋa tibaa.

Tibɔnyaan ti Luk ŋmee ti na 23:5

Le bi moo galni u, ki bui ke, “U tuk binib waaliin la, le bi ŋma tijar. U nan piin Galilee aatiŋ ni, le ki bɔ dii Judea aatim mɔmɔk ni, ki nan fuu ni kitiŋ kee ni.”

Jɔnn 18:29

Nima pu le Pailat nyan lipaal bi chee, ki ti baa bi, “Ni galn uja ngbaan kinye?”

Jɔnn 18:30

Le bi bui u, “Uja ngbaan yaa kaa ba ye bakadaan kan, taa ba ga chuu u ŋa aaŋaal ni.”

Jɔnn 19:12

Waah len kina na, nima le Pailat ban ke u di u lii; le Juu yaab teen ke, “Aa yaa di uja ngbaan lii kan, saa ye Ubɔrkpaan Siisa aajɔ; unii umɔk len ke u ye ubɔr na, u ye Siisa aadin la.”

Lituln 24:13

Bi bii mi la, ki mu aa ŋmaa mɔk ke baah len pu na gbii.

Lituln 24:5

Ti nyi ke Pɔɔl muk binib sakpen. U muk Juu yaab bi bi dulnyaa wee mɔmɔk ni na, ki cha bi ŋmɔ tijar. Binib bibaa bi, ki dii Yesu u ye Nasaref aatiŋ aanii na aasan. Pɔɔl ye bi ponn ni aaninkpel ubaa la.

Rom Yaab 13:7

Nima pu na, ni li tii nimi aayidam baah ŋeer pu na. Ni li pa lampoo tii bilampoogaab. Ni li pak binib bi ŋeer mpakm na, ki li nyuŋni binib bi ŋeer nnyuŋ na.