Tibɔnyaan ti Luk ŋmee ti na 22:20 - Uwumbɔr aagbaŋ

²⁰ Baah jin tijikaar ngbaan ti doo na, le u yoor kiyinyook, ki doon Uwumbɔr, ki di tii bi, le ki bui bi, “Tiwanyukaan ngbaan ye maasin aamɔkl la. Maasin ga nya nimi aatunwanbir pu la. Maasin pu, le Uwumbɔr puu tipuupɔln tii nimi.

UWONBƆR A GBƆNPƆŊ LIKƆƆNL

²⁰ Baah ji nan jin kunyiɛg a jiir ki diɛ a bɔɔn le u ji yuur kiyiinyɔɔgin, ki ke, “Kiyiinyɔɔg nan li ye Uwonbɔr a poopɔnn tan be n chamin, ki kpaar sei ni nan.

Tibɔnyaan ti Luk ŋmee ti na 22:20 ပူးပေါင်းရင်းမြစ်များ

Nnyam 24:8

Moses nan yoor nsin mu bi ŋisambil ni na di mee yaa binib ngbaan pu, le ki bui ke, “Nsin mue le mɔk nimi Uwumbɔr aah nan puu tipuur ti buyoonn u nan tii timi ikaal yee na.”

Jeremia 31:31

Uwumbɔr len ke, “N‑yoonn choo le m ga nan puu tipuupɔln tii Israel ni Juda aanib.

Sekaria 9:11

Uwumbɔr bui ke, “Maah nan puu tipuur ti tii nimi ki di kitork aasin biin ti pu na, le ga cha m gaa nimi aanib lii, ki nyan bi tinaagbiir aabuul li kaa kpa nnyun na ni.

Matiu 26:28

Maasin le na. Maasin pu, le Uwumbɔr puu tipuupɔln ki tii nimi. Maasin ga nya binib pam aatunwanbir pu, aan Uwumbɔr di cha pinn bi.

Tibɔnyaan ti Mak ŋmee ti na 14:24

Le u bui bi, “Maasin le na. Maasin pu, le Uwumbɔr puu tipuupɔln tii nimi. Binib pam aatunwanbir pu le maasin ngbaan ga nya.

1 Korenti 11:25

Baah jin tijikaar ti doo na, le u yoor kiyinyook ki doon Uwumbɔr, le ki bui bi, “Tiwanyukaan ngbaan ye tipuupɔln ti Uwumbɔr puu tii nimi na, maasin pu. N‑yoonn mumɔk ni ga ti nyu tiwanyukaan ngbaan na, ni li ŋani kina ki teer mbɔr.”

2 Korenti 3:6

Uma le tii timi mpɔɔn ke ti tuk binib waah puu tipuupɔln ti na. Taa tuk bi ke bi yaa kaa kii Moses aakaal mɔmɔk kan, bi ga kpo. Ti tuk bi ke Uwumbɔr Aafuur Nyaan le ga tii bi limɔfal. Ba pu? Moses aakaal mɔk timi ke ti ŋeer nkun, Uwumbɔr Aafuur Nyaan le tii timi limɔfal.

Hiibru Yaab 12:24

Ni fuu ni Yesu chee la. U pu, le Uwumbɔr puu tipuupɔln tii timi. Uma Yesu aasin mu yaa ti pu na le ŋa timi chain. Mu pu, le Uwumbɔr di cha pinn timi. Waasin ngbaan len tibɔr ti ŋan jer Abel aasin aah nan len pu na.

Hiibru Yaab 13:20

Uwumbɔr nan fikr Tidindaan Yesu u ye waanib mɔmɔk aayidaan na nkun ni. Waasin pu, le Uwumbɔr puu tipuupɔln tii timi. Tipuur ngbaan ga li bi n‑yoonn mu kaa kpa ndoon na.

Hiibru Yaab 9:15

Yesu aah ŋa kina na, le Uwumbɔr puu tipuupɔln tii timi. Nima pu, le binib bi Uwumbɔr yin bi na ga kan lifaal li kaa kpa ndoon na, waah puu tipuur ti ke u ga tii bi na pu. Binib bi Uwumbɔr nan puu njan aapuur tii bi na nan tun titunwanbir la. Yesu aah kpo na, nima le Uwumbɔr di cha pinn bi, ki gaa bi lii.

Hiibru Yaab 9:17

Buyoonn u laa beenin bi na, ubaa aan ŋmaa ji lifaal ngbaan, see u kpo.