Tibɔnyaan ti Luk ŋmee ti na 21:37 - Uwumbɔr aagbaŋ

³⁷ Iwiin mɔmɔk le Yesu nan bi Uwumbɔr Aadichal ni, ki tuk binib Uwumbɔr aabɔr. Tinyer mɔmɔk le u buen Olif aasui aajool paab ki ti dɔ geen.

UWONBƆR A GBƆNPƆŊ LIKƆƆNL

³⁷ Idaa biɛn Yisa nan ti wɔɔn iwonjiɛn niin le, le kujɔɔg biɛn ke u ti nya ki tan dɔ lijɔɔl lan bi yi ki Olif a jɔɔlin kunyiɛg biɛn,

Tibɔnyaan ti Luk ŋmee ti na 21:37 ပူးပေါင်းရင်းမြစ်များ

Sekaria 14:4

N‑yoonn ngbaan kan, u ga ti li si Olif Aasui Aajool li bi Jerusalem aawipuul wɔb na pu la. Le Olif Aasui Aajool ngbaan ga bool nfum mulee, le kifataŋ sakpeŋ doon kaasisik ni, ki nya liwipuul ki ti saa liwilir. Libool libaa ga di toŋ ŋŋangan wɔb, le liken na di toŋ ŋŋangii wɔb.

Matiu 21:1

Bi nan peen Jerusalem, ki fuu Befej aatiŋ, ki bi lijool li bi yin li ke Olif aasui aajool na paab. Baah ti fuu nima chee na,

Matiu 21:17

Yesu aah len kina na, le u siir cha bi, le ki nyan Jerusalem, ki buen Betani aatiŋ ni, u ti doon nima.

Matiu 26:30

Le bi gaa Uwumbɔr aalahn, ki buen Olif aasui aajool paab.

Matiu 26:55

N‑yoonn ngbaan le u baa kinipaak ngbaan, “Ni joo kijaak aajum, ni ŋichakukul ni nan chuu mi ke maah ye ufifiir le na aa? M nan bi Uwumbɔr Aadichal ni iwiin mɔmɔk, ki tuk binib Uwumbɔr aabɔr, le naa chuu mi.

Tibɔnyaan ti Mak ŋmee ti na 11:12

Naah woln kitaak na, le bi nyan Betani aatiŋ ni. Baah cha na, le nkon joo u.

Tibɔnyaan ti Mak ŋmee ti na 11:19

Nwiin aah ban mu lir na, le Yesu ni waadidiliib ki nyan Jerusalem aatiŋ ni.

Tibɔnyaan ti Mak ŋmee ti na 14:49

Iwiin mɔmɔk m nan bi ni chee Uwumbɔr Aadichal ni, ki tuk binib Uwumbɔr aabɔr, le naa chuu mi. Tɔ, nimina ŋa ke ni gbiin Uwumbɔr Aagbaŋ aah len pu na la.”

Tibɔnyaan ti Luk ŋmee ti na 19:29

Waah nan peen ni Befej ni Betani aatim mu bi lijool li bi yin li ke Olif aasui aajool paab na,

Tibɔnyaan ti Luk ŋmee ti na 19:37

Le u peen Jerusalem, ki fuu baah sunni Olif aasui aajool nin chee na. Baah fuu nima chee na, le kinipaak kimɔk dii u na piin ki bi mɔɔni. Baah kan u tun lijinjiir aatun mɔmɔk pu na, le bi pak Uwumbɔr mpɔɔn pu,

Tibɔnyaan ti Luk ŋmee ti na 19:47

Iwiin mɔmɔk Yesu nan bi Uwumbɔr Aadichal ponn ni, ki tuk binib Uwumbɔr aabɔr. Le Uwumbɔr aatotoorninkpiib, ni Uwumbɔr aakaal aamɔmɔkb, ni Juu yaab aaninkpiib ka ki kpokl baah ga ŋa pu ki ku Yesu na,

Tibɔnyaan ti Luk ŋmee ti na 22:39

Le u nyan nima, le ki buen Olif aasui aajool paab, waah chaa nima n‑yoonn mɔmɔk pu na. Waadidiliib mu dii u.

Jɔnn 12:1

Tɔ, ni nan gur iwiin iloob le Juu yaab ji Lakr‑jer aajim ngbaan, le Yesu buen Betani aatiŋ ni. Lasarus, u Yesu nan fikr u nkun ni na, mu nan bi nima.

Jɔnn 18:2

Le Judas, u ga kooh Yesu na, mu nyi nima chee; Yesu ni waadidiliib nan kuuni nima chee kpala kpala.

Lituln 1:12

N‑yoonn ngbaan, Yesu aakpambalb nan bi lijool libaa paab, bi yin li ke Olif aasui aajool. Naa daa Jerusalem. Ni naahn limalgeln la. Le bi nyan nima, ki gir buen Jerusalem.