Tibɔnyaan ti Luk ŋmee ti na 21:35 - Uwumbɔr aagbaŋ

³⁵ Maagirndaal kan, dulnyaa wee ni aanib mɔmɔk aapobil ga yuk ke gaawɔb aah chuu upeel kan, upobil yukr pu na.

UWONBƆR A GBƆNPƆŊ LIKƆƆNL

³⁵ Nan bu-n lidaal nmɔn li dan ban biɛn be kutingbɔŋ nan biɛn bu.

Tibɔnyaan ti Luk ŋmee ti na 21:35 ပူးပေါင်းရင်းမြစ်များ

Mpiin 7:4

Iwiin ilole yaa jer kan, m ga cha utaal nu; utaal ga nu ki ti saa iwiin imonko ilee, nwiin pu ni kinyeek, aan nnyun bii tiwan ni mɔmɔk m ŋa na.”

Ilahn 11:6

U cha mmiisakɔn ni chirbil u gaal mmii na lir ni bibiindam pu; u joo libuln li ton na le dar bitafal.

Ulandaan 9:12

Ubaa aa nyi buyoonn nkun ga pii u na. Nkun bub chur unii ke gaawɔb, bee kipɔɔk aah chur inyoon pu aan yaa nyi na la.

Tibɔnyaan ti Luk ŋmee ti na 17:37

Le waadidiliib baa u, “Tidindaan, la chee?” Le u bui bi, “Liwankpol aah bi nin chee na, nangba mam mu kuuni nima chee la.”

Tibɔnyaan ti Luk ŋmee ti na 21:34

“Ni li nyi man, ki taa nyu ndaan gbii ki li kpa ndaan aaween, ki taa cha nimi aabimbin aabɔr gbiin nimi aalandak mɔmɔk, aan maagirndaal taa yuk nipobil.

Tibɔnyaan ti Luk ŋmee ti na 21:36

Li nyi man n‑yoonn mɔmɔk, ki mee Uwumbɔr u tii nimi mpɔɔn ke ni nya falaa umɔk choo na ni, ki nan sil min Unibɔn Aabo aanimbiin ni.”

Lituln 17:26

Njan u nan naan uja ubaa, uma le ye ŋinibol mɔmɔk aayaaja. Uma Uwumbɔr le cha ŋinibol mɔmɔk bi dulnyaa wee mɔmɔk ponn ni. U nan siin n‑yoonn mu binib mɔmɔk ga li bi na, ki siin nin chee bi mɔmɔk ga li bi na.

Tibɔkpiirkaan 16:15

Tiyayaar ngbaan nan kuun bi lipepel libaa wɔb. Hiibru aaliin ponn ni bi yin nima chee ke Amagedonn. Le Yesu bui ke, “Li pel man, m ga dan ke unaayuk aah choo pu na la. Uwumbɔr aanyoor bi binib bi si kii bundaln m ga nan fuu ni na, ki lik baawanpeenkaan ke bi taa chuun biŋmeen, ki taa ji inimɔɔn.”