Tibɔnyaan ti Luk ŋmee ti na 21:34 - Uwumbɔr aagbaŋ

³⁴ “Ni li nyi man, ki taa nyu ndaan gbii ki li kpa ndaan aaween, ki taa cha nimi aabimbin aabɔr gbiin nimi aalandak mɔmɔk, aan maagirndaal taa yuk nipobil.

UWONBƆR A GBƆNPƆŊ LIKƆƆNL

³⁴ Ni choom ni bau, naa ye man ke lidanyugbeel ni ipotiɛ bir li piin ni sufu bu, le ni nan ka kaa nyi le lidaal nmɔn nan piin ni bu ke kukurug pen kaagin.

Tibɔnyaan ti Luk ŋmee ti na 21:34 ပူးပေါင်းရင်းမြစ်များ

Mpiin 19:32

Cha ti nyunn tite ndaan u gbii aan ti doon u chee ki dek ki maa mbim tii u.”

Mpiin 19:35

Nima pu na, bi nan ki nyunn bite ndaan kinyeek ngbaan le u gbii, le ubisal uwaatiir mu doon u chee. Waah nan ki nyun ndaan gbii ti nyaŋ na, waa nan nyi tiwan ni ubisawaatiir mu ki ŋa na.

Mpiin 27:14

Le Jakob buen le ki ti joo ni tiŋonann ngbaan, le una ŋa tijikaar nyaan ti ute gee sakpen na.

Ilahn 35:8

Le mbiin ga pii bi n‑yoonn mu baa nyi mubɔr na; bibaa aagaawɔb le ga chur bi, le bi lir ki kuln.

Ŋiyataŋak 21:4

Bibiindam aagaak ni baanimpoo le joo bi, nima ngbaan mu ye titunwanbir la.

Ŋiyataŋak 23:20

Taa dii binib bi nyu ndaan sakpen na, ni bipusakpemdam.

Ulandaan 9:12

Ubaa aa nyi buyoonn nkun ga pii u na. Nkun bub chur unii ke gaawɔb, bee kipɔɔk aah chur inyoon pu aan yaa nyi na la.

Aisaya 28:7

Hali Uwumbɔr aabɔnabtiib ni Uwumbɔr aatotoorb na nyun ndaan ki chuun yenni. Bi nyun ndaan sakpen, le ki chuun gbeer ki lir. Uwumbɔr aabɔnabtiib ngbaan nyun ndaan ki gbii a; kaa ki beer tibɔkpiirkaan ti Uwumbɔr joo tii ni bi na; le bitotoorb na mu nan nyun ki gbii, kaa ŋmaa toor binib aabɔr ti bi joo ni bi chee na.

Hosea 4:11

Uwumbɔr bui ke, “Ndakpok ni ndapɔm le gaa maanib aalan.

Liifai Yaab 10:9

“Aa ni aajapɔtiib yaa nyun ŋisubil aadaan, bee ndaan muken na kan, ni taa koo ni Maabool ponn ni; ni yaa ŋa kina kan, ni ga kpo. Aa ni saamaal li joo nkaal mue kina cha n‑yoonn mɔmɔk.

Matiu 13:22

Binib ngem mu bi ke njikaabim mu lir ikokon ponn ni na la. Bi ŋun tibɔr ngbaan la. Le bitafal bi baabimbin ni, ni liwankpal ni. Nima le ku tibɔr ngbaan bisui ni, le taa mar.

Tibɔnyaan ti Mak ŋmee ti na 13:9

“Nimi nibaa, li nyi man. Bi ga nan chuu nimi, ki di buen bibɔjirb chee. Bi ga gbaa nimi mmeen aadir ni. M pu, le ntim aaninkpiib ni bibɔrb ga ji nimi tibɔr. Le ni ga tuk bi tibɔnyaan tee.

Tibɔnyaan ti Mak ŋmee ti na 4:19

Bi ŋun tibɔr ngbaan la. Le dulnyaa wee ni aabɔr, ni liwankpal aakɔrk, ni tiwan aabɔŋ aakɔrk mu koo bisui ni, le ki ku tibɔr ngbaan bisui ni, le taa mar.

Tibɔnyaan ti Luk ŋmee ti na 10:41

Le Tidindaan bui u, “Mata, Mata, aa cha tiwan sakpen le muk si ki ŋa si ilandak.

Tibɔnyaan ti Luk ŋmee ti na 12:40

Ni mu gor man; ba pu? buyoonn naan li dak ke m ga gir ni na, n‑yoonn ngbaan le m ga gir ni.”

Tibɔnyaan ti Luk ŋmee ti na 17:3

Ni li nyi man. “Aana aabo yaa ŋa si bakaa kan, sur u. U yaa kpeln waabimbin kan, di cha pinn u.

Tibɔnyaan ti Luk ŋmee ti na 21:35

Maagirndaal kan, dulnyaa wee ni aanib mɔmɔk aapobil ga yuk ke gaawɔb aah chuu upeel kan, upobil yukr pu na.

Tibɔnyaan ti Luk ŋmee ti na 21:8

Le u bui bi, “Ni li nyi man, aan ubaa taa ŋmann nimi. Binib pam ga nan dan ki pur maayimbil ke bima le ye min Yesu, ki ga bui ke ni ŋeer a. Ni taa dii bi man.

Tibɔnyaan ti Luk ŋmee ti na 8:14

Mu lir ikokon ponn ni na le ye binib bi ŋun Uwumbɔr aabɔr aan ki cha bitafal bi liwankpal ni, ni dulnyaa ni aawan ni mɔ na ni, ni baabimbin aabɔr ni na. Nima le ku tibɔr ngbaan bisui ni. Le taa mar.

1 Korenti 5:11

Maah len pu na le ye ke unii u len ke u dii Kristo aasan na, u yaa ye udagoor, bee unimandaan, bee uwaadaan, bee ŋisiibil daan, bee udagbiir, bee unii u ji binib pempem na kan, ni ni udaan ngbaan taa kpaan. Hali ni taa ji u chee tijikaar.

1 Korenti 6:10

ni binaayukb, ni binimandam, ni bidagbiirb, ni ŋisiibildam, ni binib bi ji biken pempem na, aan kan Uwumbɔr aanaan.

Galantiya 5:20

ki dii ŋiwaa, ki chuun ji inyɔk, ki nan binib, ki ban tibɔr, ki kpa lipiipoln, ki kpa liŋuul, ki kpa kukumɔŋ, ki kpak tɔb kinikpakpak, ki yakr tɔb,

Ikaal 29:19

Ni mɔmɔk ubaa taa ŋmann ubaa ke naah si do din wee ki ŋun tipuur tee na, u ki pɔɔn usui, ki fenn dii ubaa aasan, ki bui ubaa ke nibaa aan ŋa u. Waabimbin ga bii ni mɔmɔk, bi ŋan na, ni bi kaa ŋan na doo.

Filipi 4:6

Ni taa cha ilandak li muk nimi tiwan nibaa pu. Ni li mee Uwumbɔr tiwan mɔmɔk pu, ki gaŋni u, ki dooni u ki tuk u naah ban pu na mɔmɔk.

Hiibru Yaab 12:15

Ni li nyi man, ubaa taa lann Uwumbɔr aanyoor. Ni li nyi man, ubaa taa cha usui li to, ki li muk nimi ki cha binib pam yenn.

2 Piita 3:10

Tidindaan aawiindaal ga fuu ni ke unaayuk aah fuur ni pu na la. Liyaadaal ngbaan le paacham ga faa kifuuk sakpen ki jer. Mmii mu ton sakpen na ga donn paacham aawan mɔmɔk. Kitiŋ, ni tiwan nimɔk bi kitiŋ pu na mu ga gaa mmii.

2 Piita 3:14

Maanigeekaab, naah kpa limakl kina na, ni li pɔɔni nibaa ki li bi suuna, ki li bi chain, ki taa li kpa taani ubaa Uwumbɔr chee bundaln u ga lik nimi aabimbin aah bi pu na.

Tibɔkpiirkaan 3:3

Nima pu na, teer man naah nan ŋun Uwumbɔr aabɔr ki gaa ti pu na. Ni li keei ti man, ki kpeln nimi aabimbin. Ni yaa kaa finn ngeen pu kan, m ga dan ni chee ke unaayuk aah ga dan pu na. Naan li nyi buyoonn m ga dan ni chee na.

1 Samuel 25:36

Abigail nan gir kun Nabal u nan bi ji njim mu ŋeer ubɔr aajim na chee la. U nan nyun ndaan ki gbii, le ni mɔ u. Kina pu le waa nan bui u tibaa ki ti saa kichakpiik ni.