Tibɔnyaan ti Luk ŋmee ti na 21:25 - Uwumbɔr aagbaŋ

²⁵ “Lijinjiir aawan ga li bi nwiin, ni uŋmal, ni ŋiŋmabil ponn ni. Nnyusakpem ga ŋa tinyunkpenn sakpiin, ki faa kifuuk sakpen, ki ŋa binib ilandak. Baan ki li nyi baah ga ŋa pu na.

UWONBƆR A GBƆNPƆŊ LIKƆƆNL

²⁵ “Imag a siɛra na li be nween, nin uŋmal nin iŋmabil ni. Le kutingbɔŋ nan yaan, imɔg a nyum na li ŋa tinyungbann takpen, ki jɔɔ kufuug takpoŋ, ki sei ibol ipotiɛ.

Tibɔnyaan ti Luk ŋmee ti na 21:25 ပူးပေါင်းရင်းမြစ်များ

Ilahn 46:3

hali nnyusakpem yaa fii ti lir aan ŋigongon dam kina pu kan, taan san ijawaan.

Aisaya 13:10

Iŋmabi mɔmɔk aan ki li wiin, le nwiin ga bɔln kaan ki li wiin, le uŋmal mu aan ki li wiin.

Aisaya 17:12

Ŋitimbol ŋi kpa mpɔɔn na aalan ŋmal, le bi kpa kifuuk ki naahn nnyusakpem aanyunkpenn aafuuk, ki yur ke tinyunkpenn ti wiir na.

Aisaya 24:23

Uŋmal ga bɔnn, le nwiin aan ki li wiin; ba pu? Uwumbɔr Mpɔɔnsakpiindaan ga ŋa ubɔrkpaan. U ga li ye Jerusalem u bi Sionn aajool pu na aabɔr, le binib ngbaan aaninkpiib ga kan waah nyuun sakpen pu na.

Aisaya 5:30

Nwiin ngbaan daal yaa nan fuu ni kan, bi ga nan ŋuun labr Israel aatiŋ pu ke nnyusakpem aah fu pu na. Lik man litimbol limina. Ni ye mbɔmbɔɔn ni nsuubiin ŋmeen la. Mbɔmbɔɔn di nwiihn mɔmɔk mu nan bi nima na di nab a.

Aisaya 51:15

Min le ye Nidindaan Uwumbɔr; Min le kur nnyusakpem, le ki cha mu aanyunkpenn kpa kifuuk, Maayimbil le ye ke Uwumbɔr Mpɔɔnsakpiindaan.

Jeremia 4:23

M nan lik kitiŋ, le ki kan ke ki nan ye kitikuun ŋmeen la. M nan waan lik paacham, le kaa waa nwiihn.

Daniel 12:1

Uwumbɔr aatuun mu pee ŋitanyaan aawanpeenkaan na len ke, “N‑yoonn ngbaan yaa nan fuu ni kan, Uwumbɔr aatuun Maikel u kpa mpɔɔn ki kii Israel aanib na ga dan. Le tibɔbir aayoonn ga fuu ni, tibɔbir ti kaa kee ŋa n‑yoonn mu Uwumbɔr naan ŋitimbol na ga fuu ni. N‑yoonn ngbaan yaa nan fuu ni kan, saanib bimɔk aayimbil bi Uwumbɔr Aagbaŋ ni na ga ŋmar.

Maika 7:4

Hali binib bi ŋan ki bi chob na aa kpa tinyoor tibaa ke timoor aah bi pu na la. N‑yoonn mu Uwumbɔr ga di daa binib ngbaan aatafal, ke waah nan cha waabɔnabtiib sak bi pu na fuu ni a. Dandana wee, baalan ŋmal a.

Matiu 24:29

“N‑yoonn ngbaan aafalaa aapuwɔb, le paacham aawan aan ki li bi mbamɔm. Nwiin ga bɔln. Uŋmal mu aan ki li wiin. Iŋmabi mu ga lir.

Matiu 27:45

Nwiin kaasisik ni le itingbaan mɔmɔk bɔln, ki ti saa nwiin aah kpar pu na.

Tibɔnyaan ti Mak ŋmee ti na 13:24

“N‑yoonn ngbaan aafalaa aapuwɔb, le paacham aawan aan ki li bi mbamɔm. Nwiin ga bɔln. Uŋmal mu aan ki li wiin. Iŋmabi mu ga lir.

Tibɔnyaan ti Mak ŋmee ti na 13:26

N‑yoonn ngbaan le ni ga kan min Unibɔn Aabo bi ntaalangbam ni ki choo, ki wiin chain, ki joo mpɔɔn.

Tibɔnyaan ti Mak ŋmee ti na 15:33

Nwiin kaasisik ni, le itingbaan mɔmɔk bɔln, ki ti saa nwiin aah kpar pu na.

Tibɔnyaan ti Luk ŋmee ti na 21:24

Bi ga di kijaak aajum ku bibaa, ki ga chuu bibaa mu tinaagbiir ki di buen ŋinibol mɔmɔk aakaasisik ni. Le binib bi kaa ye Juu yaab na ga bii Jerusalem ki ti saa baayoonn aah ga doo pu na.”

Tibɔnyaan ti Luk ŋmee ti na 21:26

Paacham aawan aan ki li bi mbamɔm. Nima le binib ga lik naah ga li bi pu dulnyaa wee ni na, ki ga san ijawaan ki ti fik.

Lituln 2:19

M ga ŋa lijinjiir aatun kitaapaak ni, ni kitiŋ pu; nsin, ni mmii, ni iŋmanyuu ga li bi;

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.