Tibɔnyaan ti Luk ŋmee ti na 2:26 - Uwumbɔr aagbaŋ

²⁶ ki nan mɔk u ke waan kpo, see u kan Uwumbɔr aanii Kristo u ga gaa binib lii na waahr.

UWONBƆR A GBƆNPƆŊ LIKƆƆNL

²⁶ Kasi a Naaŋ pii nan chinn ki kar wɔɔn u ke waa li kpo see ke u kan Uyudaan a Masiya.

Tibɔnyaan ti Luk ŋmee ti na 2:26 ပူးပေါင်းရင်းမြစ်များ

Ilahn 2:2

Baabɔrb yiil Uwumbɔr aamɔb, le baajojoob kpaani ki kpokl Uwumbɔr, ni waah lee ubɔr u na pu.

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Ilahn 25:14

Uwumbɔr aajɔtiib le ye binib bi keei waamɔb na, le u mɔk bi waah puu tipuur ti na aatataa.

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Amos 3:7

Tidindaan Uwumbɔr aa ŋani waawan nibaa kaa puen di ni kpiir mɔk waatutum bi ye waabɔnabtiib na.

Matiu 2:12

Le Uwumbɔr nan tuk bi tidaŋ ponn ni ke bi taa ki gir buen ubɔr Herod chee. Nima pu na, bi nan dii nsan yayan le ki kun.

Tibɔnyaan ti Luk ŋmee ti na 2:29

“Uwumbɔr, aa ga ŋmaa cha saatutunn nya dulnyaa wee ni, nsuudoon ni; ba pu? dandana aa ŋa saah nan len pu na,

Tibɔnyaan ti Luk ŋmee ti na 9:27

M tuk nimi mbamɔn la, binib bi si do na ponn ni bibaa aan kpo see bi puen kan Uwumbɔr aanaan waahr.”

Jɔnn 1:41

Libuul ngbaan ni le u buen ti kan ukpel Simonn, ki tuk u, “Ti kan Masiya u ga gaa timi lii na.” Masiya ni Kristo ye liyimbibaan la.

Jɔnn 20:31

Bi ŋmee nimina ke ni pak ke Yesu le ye Kristo u gaa timi lii na, ki ye Uwumbɔr Aajapɔɔn. Ni yaa gaa u ki kii kan, u pu le ni ga li kpa limɔfal.

Jɔnn 4:29

“Dan nan lik man uja u tuk mi maah nan tun pu na mɔmɔk na. Uja ngbaan ga li ye Kristo u ga gaa timi lii na la aa?”

Jɔnn 8:51

M tuk nimi mbamɔn la, unii yaa joo maaliin kan, waan kpo.”

Lituln 10:38

Ni nyi waabɔr. Uwumbɔr nan nyan u, ki di Waafuur Nyaan gbiin u ki tii u mpɔɔn, ki nan bi u chee. Uwumbɔr aah bi u chee na, le u buen ŋipepel mɔmɔk, ki tun lituln li ŋan na, ki cha binib bimɔk nan bi kinimbɔŋ aaŋaal ni na pɔɔk.

Lituln 17:3

ki mɔk bi ke ni ye Kristo u gaa binib lii na aabɔr, ke Uwumbɔr Aagbaŋ len ke see Kristo na jin falaa, ki kpo, ki fikr nkun ni, le ki len ke waah tuk bi Yesu u aabɔr na, uma le ye Kristo ngbaan.

Lituln 2:36

Le Piita ki len ke, “Israel yaab mɔmɔk, m ban ke ni sil bee ke ni ye Yesu aabɔr le m len. Nimi le kpaa u ndɔpuinkoo pu. Uwumbɔr le mɔk ke uma Yesu le ye Kristo u gaa timi lii na, ki ye Tidindaan.”

Lituln 9:20

Libuul ngbaan ni le u koo mmeen aadir ni, ki ti tuk binib Yesu aabɔr, ke u ye Uwumbɔr Aajapɔɔn la.

Hiibru Yaab 11:5

Enok nan gaa Uwumbɔr ki kii, nima le nan cha waa nan kpo. Uwumbɔr nan yoor u buen paacham la. Ubaa aa ki kan u; ba pu? Uwumbɔr nan yoor u buen paacham. Uwumbɔr Aagbaŋ len ke buyoonn waa nan kee yoor u buen paacham na, u nan piir Uwumbɔr aasui.