Tibɔnyaan ti Luk ŋmee ti na 2:19 - Uwumbɔr aagbaŋ

¹⁹ Mari le teer tibɔr timina mɔmɔk, ki dakl lik taatataa usui ni.

UWONBƆR A GBƆNPƆŊ LIKƆƆNL

¹⁹ Amaa Meri ma nan tiɛr nan nan tun nmɔn biɛn, ki ŋmag ni u sufu ni.

Tibɔnyaan ti Luk ŋmee ti na 2:19 ပူးပေါင်းရင်းမြစ်များ

Mpiin 37:11

Le Josef aakpetiib nan kpa lipiipoln u pu; ute ma nan bi dakl tibɔr ngbaan pu n‑yoonn mɔmɔk.

Ilahn 119:11

M joo saakaal nsui ni, ke m taa tun si titunwanbir.

Ŋiyataŋak 4:4

U ga nan len ke, “Teer maah tuk si pu na n‑yoonn mɔmɔk ki taa suln ni daalbaadaal. Ŋa maah mɔk si pu na, ki li kpa limɔfal.

Daniel 7:28

Maah nan ŋmee pu bil na le na. Ijawaan nan chuu mi sakpen, le nwon yɔl, le m nan di tibɔr ngbaan mɔmɔk ŋa nsui ni.

Hosea 14:9

Cha binib bi kpa nlan na bee tibɔr ti ŋmee do na aatataa, ki di ti ŋa bisui ni. Uwumbɔr aasan le ŋan, le binib bi aabimbin ŋan na dii ima le ki kpa limɔfal, le titunwanbirdam ma aatafal aa bi i ni, le ki gbeer ki lir.

Tibɔnyaan ti Luk ŋmee ti na 1:66

Ni nan ŋa binib bimɔk ŋun ti na ilandak. Le bi baa ke, “Ubo ngbaan ga li ye ba aanibol?” Ba pu? Uwumbɔr aaŋaal nan bi u pu.

Tibɔnyaan ti Luk ŋmee ti na 2:18

Binib bimɔk ŋun bipihdam ngbaan aah len pu na, le ni gar bi.

Tibɔnyaan ti Luk ŋmee ti na 2:51

Le u dii bi ki gir Nasaref aatiŋ ni, le ki kii bimɔi. Le una joo tibɔr timina mɔmɔk usui ni.

1 Samuel 21:12

Baaliin ngbaan nan koo David aasui ni pam, le u gur san Ubɔr Akis ijawaan.