Tibɔnyaan ti Luk ŋmee ti na 2:14 - Uwumbɔr aagbaŋ

¹⁴ “Cha ti nyuŋ Uwumbɔr u bi paacham na. Lifuur ga li bi dulnyaa wee ni. Uwumbɔr san binib kinimbaak la.”

UWONBƆR A GBƆNPƆŊ LIKƆƆNL

¹⁴ “Kupag ye Uwonbɔr wan be paab nan a yaan le. Nposɔɔn li be dulinya nan a ninfob ban bu wee U nyɔɔr be-n.”

Tibɔnyaan ti Luk ŋmee ti na 2:14 ပူးပေါင်းရင်းမြစ်များ

Aisaya 44:23

Nimi kitaapaak yaab, li tar ni mpopiin pu man. Nimi kitiŋ yaab, teen mpɔɔn pu man. Ŋijoo ni isui imɔk bi kichook ni na, di mpopiin teen mpɔɔn pu man. Uwumbɔr mɔk waapɔɔn ki gaa waanib Israel yaab lii.

Aisaya 49:13

Kitaapaak ni taab, li gaa mpopiin aalahn man. Cha ŋijoo li gaa ilahn man. Uwumbɔr ga sɔŋ waanib aasui; u ga san waanib bi bi falaa ni na kinimbaak.

Aisaya 57:19

M tii binib bi duun na, ni binib bi dandar na mɔmɔk nsuudoon. M ga tii maanib laafee.

Maika 5:5

le u ga joo ni nsuudoon. Asiria yaab yaa nan koo ni timi aatiŋ ni ki nyaŋ binib bi kii timi na kan, le ti ga di timi aayidam bi pɔɔ sakpen na tun aan bi ni bima ti jan.

Matiu 21:9

Le binib bi loln u pu nsan na, ni binib bi paa puwɔb na nan bi tar ke, “Hosiana, pakn Ubɔr David Aayaabil man. Uwumbɔr ŋa tinyoor ŋa unii u choo waayimbil ni na pu. Hosiana bi paacham.”

Tibɔnyaan ti Luk ŋmee ti na 1:79

Ni ga woln binib bi bi mbɔmbɔɔn ni ki san nkun ijawaan na pu, ni ga mɔk timi nsan mu ga tii timi nsuudoon na.”

Tibɔnyaan ti Luk ŋmee ti na 19:38

ki bui ke, “Uwumbɔr aanyoor bi Ubɔrkpaan u choo waayimbil ni na pu. Lifuur bi paacham. Ni li nyuŋni Uwumbɔr paacham man.”

Tibɔnyaan ti Luk ŋmee ti na 2:13

Libuul ngbaan ni le Uwumbɔr aatuuntiib bi wiir sakpen na fuu ni ntuun ngbaan chee, le ki pak Uwumbɔr, ki len ke,

Tibɔnyaan ti Luk ŋmee ti na 2:15

Le Uwumbɔr aatuuntiib ngbaan gir buen paacham. Le bipihdam ngbaan bui tɔb, “Cha ti buen Betlehem aatiŋ ni dandana, ki ti lik Uwumbɔr aah tuk timi ke tiwan ni ŋa nima na.”

Tibɔnyaan ti Luk ŋmee ti na 3:22

Le Uwumbɔr Aafuur Nyaan sunn ni, ki nan tɔŋ u pu, ki naahn linanjel. Le nneel nyan ni paacham ki len, “Aa ye Njapɔɔn u m gee si na la. Nnimbil gbiin si.”

Jɔnn 14:27

“M tii nimi nsuudoon la. Maah kpa nsuudoon pu na, kina le m tii nimi. Dulnyaa aawan aa ŋmaa tii nimi nsuudoon ke maah tii nimi pu na. Ni taa cha ilandak li muk nimi, ki taa san ijawaan man.

Jɔnn 17:4

M nyuŋ si dulnyaa wee ni; m tun saah tii mi lituln li na ki doo.

Jɔnn 3:16

Uwumbɔr aah gee dulnyaa aanib sakpen pu na, nima le u di Ujapɔnbaal tii ni ke unii umɔk gaa u ki kii na taa kpo, u li kpa limɔfal li kaa kpa ndoon na.

Lituln 10:36

Ni nyi ke Uwumbɔr tuk Israel yaab tibɔnyaan. Tibɔnyaan tee le ye ke Uwumbɔr ga tii bi nsuudoon Yesu Kristo pu. Uma le ye ti mɔmɔk Aadindaan.

Rom Yaab 5:1

Taah gaa Uwumbɔr ki kii pu na, nima le u len ke timi aabɔr ŋan. Tidindaan Yesu Kristo pu le ti ni Uwumbɔr kpaan kijɔtiik.

Efesusi 1:6

Waabogeehn pu le u ŋa tinyoor sakpen ŋa ti pu, nima le ti pak u ki nyuŋni u waabulchinn sakpenn pu.

Efesusi 1:9

ki kpiir tibɔbɔrkaan ti u nan dak usui ni ke u ga ŋa ti na mɔk timi. Kristo pu le u kpiir ti. Waageehn le na.

Efesusi 2:4

Tɔ, Uwumbɔr mu kpa linimbaasaln sakpen, ki gee timi sakpen.

Efesusi 2:7

N‑yoonn mu choo na, nima le ga mɔk ke Uwumbɔr kpa linimbaasaln sakpen, ki gee timi ki ti nyaŋ, Yesu Kristo pu.

Filipi 2:11

Bi mɔmɔk pel pel ga len binib ni, ke Yesu Kristo le ye tiwan ni binib mɔmɔk Aadindaan. Nima le ga nyuŋ Tite Uwumbɔr.

Filipi 2:13

ba pu? Uwumbɔr bi tun lituln nisui ni, ke ni li neen ke ni kii waamɔb, ki li ŋani waageehn.

Kolosiya 1:20

Uma Yesu pu, le ni mɔ Uwumbɔr ke u di tiwan ni mɔmɔk bi paacham, ni tiwan ni mɔmɔk bi kitiŋ na tooh kijɔtiik ubaa chee. Waasin nan nyan uwon ni, ndɔpuinkoo pu; waasin ngbaan pu le Uwumbɔr cha tiwan ngbaan mɔmɔk ni uma ŋa kijɔtiik.

2 Tesalonika 2:16

Tɔ, Tite Uwumbɔr gee timi sakpen. Waabulchinn pu, le u tii timi lipobisoon li kaan doo na, ni limakl nyaan.

Tibɔkpiirkaan 5:13

Le m ŋun binib bi bi paacham na, ni binib bi bi kitiŋ na, ni binib bi bi kitiŋ aataab na, ni tiwan nimɔk bi nnyusakpem ni na, ni Uwumbɔr aah naan tiwan nimɔk na mɔmɔk len ke, “Uwumbɔr u ka libɔrjal pu na, ni Upihbo ngbaan le yeh mpakm, ni lisil, ni nnyuŋ, ni mpɔɔn, n‑yoonn mu kaa kpa ndoon na.”