Tibɔnyaan ti Luk ŋmee ti na 19:44 - Uwumbɔr aagbaŋ

⁴⁴ ki kuln ni mɔmɔk, ki gbaa wii nimi aadir mɔmɔk. Tidir ngbaan aatakpal ŋilee aan ki li bi ki tok tɔb pu.”

UWONBƆR A GBƆNPƆŊ LIKƆƆNL

⁴⁴ Bi na li tir nim nin ni buwaab ban be ni niin ki jaa tum. Hali litangbagil liba gbaa kaa na li guri ki paa li tɔ bu. Nan bu-n naa biɛ Uwonbɔr a damin a yonn ni.”

Tibɔnyaan ti Luk ŋmee ti na 19:44 ပူးပေါင်းရင်းမြစ်များ

Ilahn 137:9

Unii u yoor saabipɔm ki di lɔe ŋitakpal aan bi kpoi na kpa mpopiin.

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Aisaya 29:3

Uwumbɔr ga mann gob kitisakpeŋ ngbaan, ki tak ki.

Jeremia 11:23

M siin n‑yoonn mu tibɔbir ga pii ni Anatof aanib na, le n‑yoonn ngbaan yaa nan fuu ni kan, bi ponn ni ubaa aan ŋmar.”

Inandalahn 1:8

Kaanyuŋ doo a; ki gur nkuun la, le bi gur lik ki fam. Ki ker idun le ki bɔrni inimɔɔn pu. Jerusalem aatiŋ di titunwanbir le ŋa kibaa tijɔŋ.

Daniel 9:24

“Ŋibin ŋi Uwumbɔr di siin ke u nyan saanib, ni kitiŋ ki bi chain na titunwanbir ni, ni tiwan ni kaa ŋan na ni na, ye ŋibin imonko itaa ni kipiik nfum mulole pu la. U ga di cha pinn titunwanbir, ki cha ibamɔn i ga li bi n‑yoonn mɔmɔk na dan, le tidaŋ ngbaan, ni Uwumbɔr aabɔnabr ngbaan aamɔbon ga gbiin, le Uwumbɔr Aadichal li bi chain na ga ki gir sil.

Daniel 9:26

N‑yoonn ngbaan aah ga ti doo pu na, le bi ga ku Uwumbɔr aah lee usaloln u kaa tun taani ubaa na. Le ubɔr pɔɔl ubaa aajab ga nan ber kitiŋ ngbaan ni Uwumbɔr Aadichal na. Ndoon ngbaan ga nan fuu ni ke nwam na la. Mu ga li joo ni butɔb ni libiil li Uwumbɔr nan gor siin na la.

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

Matiu 24:2

Le u bui bi, “Ni kan tiwan nimina mɔmɔk aa? M tuk nimi la, bi ga nan gbaa wii lidichal limina mɔmɔk. Litakpal libaa aan ki li paa liken pu.”

Tibɔnyaan ti Mak ŋmee ti na 13:2

Le Yesu bui u, “Aa kan tidir sakpiin tee ee? Bi ga nan gbaa wii lidichal limina mɔmɔk. Litakpal libaa aan ki li paa liken pu.”

Tibɔnyaan ti Luk ŋmee ti na 1:68

“Cha ti pak Tidindaan u ye timi Israel yaab Aawumbɔr na. U dan nan ter waanib, ki nyan bi tinaagbiir ni,

Tibɔnyaan ti Luk ŋmee ti na 1:78

ba pu? timi Aawumbɔr kpa tibulchinn, ki san timi kinimbaak. U yaa gaa timi lii kan, ni ga li bi ke nwiin aah puu ni pu na.

Tibɔnyaan ti Luk ŋmee ti na 19:42

ki bui ke, “Jerusalem aatiŋ aanib, ni yaa ba nyi nsuudoon aasan din kan, ni ba ga li ŋan ki tii nimi. Dandana wee, mu bɔr ke ninimbil taa li waa mu.

Tibɔnyaan ti Luk ŋmee ti na 21:6

Le Yesu bui bi, “N‑yoonn choo, bi ga nan gbaa wii lidichal limina mɔmɔk. Litakpal libaa aan ki li paa liken pu.”

1 Piita 2:12

Ni bi binib bi kaa dii Uwumbɔr aasan na aakaasisik ni la. Ni li tun lituln li ŋan na bi chee. Le bi yaa bii nimi ke ni ye bakadam kan, nimi aatunyaan chee bi ga kan ke ni ŋan. Nima le ga cha bi nyuŋ Uwumbɔr bundaln u ga ji binib tibɔr na.