Tibɔnyaan ti Luk ŋmee ti na 19:22 - Uwumbɔr aagbaŋ

²² Le u bui u, ‘Si ututunn u kaa ŋan na, saah len pu na, nima le bii si. Aa bui ke aa nyi ke m ye unii u chur binib mpɔɔn na ki gaal maah kaa yeh tiwan ni na, ki chee maah kaa nan bun tijikaar ti na.

UWONBƆR A GBƆNPƆŊ LIKƆƆNL

²² “Le u ninkpelu win jiin ke, ‘N li ta a baantɔɔl a mɔleen ki jiŋ tibɔr, fin utoontunn pootondaan nan! A nyi, bee ŋaa nyii, ke n ye uja wan a bɔr pɔɔ le, ki yuur nan wee maa ta bili, ki chiɛ nan wee maa bun naa?

Tibɔnyaan ti Luk ŋmee ti na 19:22 ပူးပေါင်းရင်းမြစ်များ

2 Samuel 1:16

Le David bui Amalek aanii ngbaan ke, “Sin le joo ni nimina aabaa pu. Buyoonn aa kii ke sin le ku Uwumbɔr aah lee unii u ubɔr na, le aa ku aabaa.”

Matiu 12:37

Saamɔliin le ga nyan si. Saamɔliin mu le ga bii si.”

Matiu 22:12

Le ubɔrkpaan ngbaan baa u, ‘Njɔ, aa ŋa kinye ki koo ni do, kaa pee tibɔndinn aawanpeenkaan?’ Le u si ŋmin.

Tibɔnyaan ti Luk ŋmee ti na 19:21

Aa ye unii u chur binib mpɔɔn na la. Aa gaal saah kaa yeh tiwan ni na, ki chee saah kaa nan bun tijikaar ti na. Nima le m san si ijawaan.’

Tibɔnyaan ti Luk ŋmee ti na 19:23

Saah nyi kina na, ba ŋa saa nan di maamombil ti bil banki ponn ni? Maah fuu ni na, m ba ga kan maamombil ni tinyoor ki kpee,’

Rom Yaab 3:19

Tɔ, ti nyi ke nkaal aah len pu na mɔmɔk len binib bi bi mu chee na la. Nima le dulnyaa wee ni aanib mɔmɔk aabɔr bii Uwumbɔr chee. Ubaa aan ŋmaa len tibaa ke u nyan ubaa tibɔr ni Uwumbɔr chee.