Tibɔnyaan ti Luk ŋmee ti na 18:12 - Uwumbɔr aagbaŋ

¹² Likpaakool mɔmɔk ponn ni, m lulni bumɔb iwiin ilee la. Maah kan tinyoor timɔk na, m yakr nfum kipiik ki nyan tibaa tii si.’

UWONBƆR A GBƆNPƆŊ LIKƆƆNL

¹² N lolig bimɔb itaa ilee le iweehn ilile a poolin. Maah jɔɔ nan biɛn piig a poolin, n nyan liba le ki sei Uwonbɔr.’

Tibɔnyaan ti Luk ŋmee ti na 18:12 ပူးပေါင်းရင်းမြစ်များ

2 Bibɔrb 10:16

ki bui u ke, “Dii mi ki ti kan maah di mbaa tii Uwumbɔr kookoo pu na.” Le bi nan kpaan dii ti fuu Samaria aatiŋ ni.

Aisaya 1:15

“Ni yaa yoor niŋaal paacham ki mee min kan, maan lik nimi. Ni yaa po mee min pu na kan, maan ŋun nimi aameel ngbaan, ba pu? niŋaal mɔmɔk ye nsin ŋmeen la.

Malakai 3:8

Le m ga baa nimi ke ni ŋan ke unii ji Uwumbɔr pem pem aa? Mbamɔn, naa ŋan; le nima tee ji mi pem pem. Le ni ki baa ke, ‘Kinye aan ti ji si pem pem?’ Le m ga gar nimi ke naah yakr nimi aatuln aanyoor aageln li tii mi na, ni ipiin i ni tii mi na, le ni ji mi.

Nkahm 18:24

ba pu? m di Israel yaab aah nyan tiwan nibaa kipiik kipiik ni tii mi na tii bi, aan ni li ye bi yaan. Kina pu le m bui bi ke baan ki li kpa lifaal libaa Israel yaab aatiŋ ni.”

Nkahm 23:4

Le Uwumbɔr dan u chee nima. Balaam nan bui u ke, “M maa kitork aabimbin ŋilole, le ki di unaaja, ni upihja toor kitork, ŋibimbin ngbaan mɔmɔk libaabaa pu.”

Matiu 5:20

M tuk nimi la, nimi aabimbin yaa kaa ŋan ki jer Uwumbɔr aakaal aamɔmɔkb ni Farisii yaab aabimbin kan, naan koo ni Uwumbɔr aanaan ni.”

Matiu 6:1

“Ni li nyi man, ki taa tun nimi aatunyaan binib aanimbil ni, ke bi kan aan ki pak nimi. Ni yaa ŋani kina kan, naan kan tinyoor Nite Uwumbɔr u bi paacham na chee.

Matiu 6:16

“Ni yaa lul bumɔb kan, ni taa bii ninimbil wɔb ke biŋmaŋmannim aah ŋani pu na; bi bii binimbil wɔb ke binib bee ke bi lul bumɔb. M tuk nimi mbamɔn la, bi kan baapal la.

Matiu 6:5

“Ni yaa mee Uwumbɔr kan, ni taa mee u ke biŋmaŋmannim na aah mee u pu na. Bi gee ke bi sil mmeen aadir ni, ni kitiŋ ponn ni ki mee Uwumbɔr, aan binib kan bi. M tuk nimi mbamɔn la, bi kan baapal le na.

Matiu 9:14

Le Jɔnn aadidiliib dan Yesu chee, le ki nan bui u, “Ti ni Farisii yaab lul bumɔb kpakpaayuk la. Ba pu saadidiliib ma aa lulni bumɔb?”

Tibɔnyaan ti Luk ŋmee ti na 11:42

“Nimi Farisii yaab, tibɔbir bi ni pu; ba pu? ni yakr tikpifar nfum kipiik le ki nyan nibaa le di tii Uwumbɔr, kaa ŋani ni ŋan na, kaa gee Uwumbɔr. Ni ŋan ke ni li ŋani ni ŋan na, ki li gee Uwumbɔr, ki yakr nimi aawan mu ki di tii u.

Tibɔnyaan ti Luk ŋmee ti na 17:10

Ni mu bi ke unaagbiija ngbaan aah bi pu na la. Ni yaa ŋa Uwumbɔr aah tuk nimi ke ni ŋa pu na mɔmɔk kan, ni bui ke, ‘Taa ŋeer ubaa pak timi. Ti po ŋa taah ba ga ŋa pu na la.’”

Rom Yaab 3:27

Tɔ, ba pu aan ti ga li kpa kipupuk? Taan li kpa kipupuk nibaa pu. Ba pu? Naa ye ke ti dii Uwumbɔr aakaal mbamɔm le cha u gaa timi lii, taah gaa Yesu ki kii na, nima le cha u gaa timi lii.

1 Korenti 1:29

U ŋa kina ke unii ubaa taa li kpa kipupuk ubaa pu uma Uwumbɔr chee.

Galantiya 1:14

M nan dii Juu yaab aasan ki jer ŋŋeen aatɔtiib ponn ni pam aah dii pu na. Nnimbil nan man tiyaajatiib aakaal pu.

Efesusi 2:9

Naa ye nimi aatunyaan pu le ti ŋmar, ubaa taa li kpa kipupuk.

1 Timoti 4:8

Unii yaa san ke uwon yabr kan, ni kpa tinyoor siib la. Unii yaa chuu ubaa ki bae Uwumbɔr aasan kan, nima le ye tinyoor sakpen ki tii u. Ba pu? Uwumbɔr puu tipuur ke nima le ga tii binib limɔfanyaan dandana wee, ni n‑yoonn mu choo na.

1 Samuel 15:13

Samuel aah ti pii Sɔɔl na, le Sɔɔl nan doon u ki len ke, “Uwumbɔr ŋa tinyoor ŋa aa pu. M dii Uwumbɔr aah bui mi pu na.”