Tibɔnyaan ti Luk ŋmee ti na 18:10 - Uwumbɔr aagbaŋ

¹⁰ “Bijab bilee nan koo Uwumbɔr Aadichal ni ke bi ti mee Uwumbɔr. Ubaa nan ye Farisii aanii la, uken mu nan ye ulampoogaar.

UWONBƆR A GBƆNPƆŊ LIKƆƆNL

¹⁰ “Bijab bilee le nan tan kɔɔ iwonjiɛn niin ke bin miɛ Uwonbɔr, uba nan ye, Farasii le wan gurin mu ye ulanpogaar.

Tibɔnyaan ti Luk ŋmee ti na 18:10 ပူးပေါင်းရင်းမြစ်များ

1 Bibɔrb 10:5

U nan kan tijikaar ti u ji na, ni waaninkpiib aakookoo yaan chee aah bi pu na, ni waatutum aah tun baatuln pu na, ni baawanpeenkaan ni bi peeni na, ni waatutum bi si gbɔk u njim aayoonn na, ni kitork aawan ni u joo chaa ti toor Uwumbɔr Aadichal ni na. Le ni ŋa u lijinjiir aan waa ti ki nyi waah bi nin chee na.

1 Bibɔrb 8:30

M ni saanib yaa di tinimbil toŋ ni Lidichal limina, ki mee si kan, aa ŋun timi aameel. Saah bi aado paacham na, ŋun, ki di cha pinn timi.

2 Bibɔrb 20:5

ke u gir buen Hesekia u ye uma Uwumbɔr aanib aajojoor na chee, ki ti bui u ke, “Min Uwumbɔr u ye aayaaja David Aawumbɔr na ŋun saameel, ki kan saanyunyunn. M ga cha saaween sɔŋ, ki joo cha ni iwiin itaa na aa ga buen Uwumbɔr Aadichal ni.

2 Bibɔrb 20:8

Ubɔr Hesekia nan baa Aisaya ke, “Ba ga li ye limɔkl ki mɔk ke m ga pɔɔk aan ki joo cha ni iwiin itaa aapuwɔb na m ŋmaa buen Uwumbɔr Aadichal ni?”

Matiu 10:3

Filip, ni Batolomiu; Tomas, ni Matiu u nan gaal lampoo na; Jems u ye Alfeus aajapɔɔn na, ni Tadeus;

Tibɔnyaan ti Luk ŋmee ti na 19:46

le ki tuk bi, “Ni ŋmee Uwumbɔr Aagbaŋ ni ke Uwumbɔr len ke, ‘Bi ga yin maadichal ke Mmeen Aadichal;’ tɔ, nimi le ŋa li bififiirb aakakaa chee.”

Lituln 26:5

Juu yaab mɔmɔk nan nyi maabimbin n‑yoonn ngbaan. Bi nyi ke n‑yoonn ngbaan mɔmɔk m nan dii Farisii yaab aasan. M nan ye binib bi dii Moses aakaal mbamɔm na ponn ni ubaa la. Bi yaa gee kan, bi ga ŋmaa tuk si kina.

Lituln 3:1

Daalbaadaal, tikur titaa yoonn, Piita ni Jɔnn nan buen Uwumbɔr Aadichal ni. Ni nan ye limeel yoonn la.

Filipi 3:5

Maah nan ye iwiin iniin aabo na, bi nan gii nchakpaln. M ye Juu yaab aabo, ki ye Benjaminn aanibol ponn ni aanii ubaa la. M ye Hiibru yaab aabo bamɔnn la. M nan dii Moses aakaal, Farisii yaab aah dii pu na.