Tibɔnyaan ti Luk ŋmee ti na 16:23 - Uwumbɔr aagbaŋ

²³ Le uwankpadaan ngbaan mu nan kpo. Le binib di u ti sub. Waah kpo na, le u ti bi mmii mu kaan junn na ni, ki ji falaa sakpen, le ki waan lik paacham, ki waa Abraham dandar, ki waa Lasarus mu bi u chee nima.

UWONBƆR A GBƆNPƆŊ LIKƆƆNL

²³ Waah nan be nŋmi-n nton nin ni, le ki nan nan waan lig ki kan Abiraham nan fɔg, le Lazarusi be u ban.

Tibɔnyaan ti Luk ŋmee ti na 16:23 ပူးပေါင်းရင်းမြစ်များ

Ilahn 16:10

ba pu? sin Uwumbɔr le kii mi nkun aapɔɔn chee, le saan cha saatutunn u ŋan na bee fam kitekpiitiŋ ni.

Ilahn 49:15

Le Uwumbɔr ga gaa mi lii, u ga nyan mi nkun aapɔɔn ni.

Ilahn 86:13

Saageehm mu aa kpa m pu n‑yoonn mɔmɔk na nyaŋ sakpen a. Aa nyan mi likaakul ni.

Ilahn 9:17

Uwumbɔr aah tii bibiindam ni binib bi mɔmɔk yii u na liwangol li na le ye nkun.

Ŋiyataŋak 15:24

Bilandam aasan cha paacham limɔfal chee la, naa ye nsan mu cha taab nkun ni na.

Ŋiyataŋak 5:5

U ga di si kunn bitekpiib chee. Waah chuun waasan mu pu na cha nkun ni la.

Ŋiyataŋak 7:27

Ni yaa buen udo kan, ni bi nkun aasan ni la. Mu ye nsan mu cha kitekpiitiŋ ni la.

Ŋiyataŋak 9:18

Binib bi chaa u chee na aa nyi ke binib bi puen buen udo na kpoi la, baa nyi ke binib bi puen buen u chee na kpaan sunn buen bitekpiib do a.

Aisaya 14:15

Le u tee joo ni si di dan taab taab nin chee nyoo sakpen na, kitekpiitiŋ ni.

Aisaya 14:9

“Kitekpiitiŋ gor kibaa, ki kii ki nan doon Babiloŋ aabɔrkpaan ngbaan. Bipɔɔndam bi nan bi kitiŋ kee pu na aawiin bi gor ki kii la. Bibɔrkpaam aawiin bi fiir nya baabɔrjal pu la.

Matiu 11:23

Nimi Kapenaum aatiŋ aanib, bi ga yoor nimi paacham aa? Aayii. Bi ga sunn nimi kitekpiitiŋ ni; ba pu? m yaa ba nan tun lijinjiir aatun Sodom aatiŋ ponn ni ke maah tun ni ponn ni pu na kan, kitiŋ ngbaan ba ga li bi ki nan saa dandana wee.

Matiu 18:9

Aa yaa gee tiwan ke saah gee aanimbil pu na kan, tiwan ngbaan yaa tɔŋ si ke aa tun titunwanbir kan, di ni lii. Aa yaa lann linimbil libaa, ki kan limɔfal li kaa kpa ndoon na kan, ni soor ni aa li kpa ŋinimbil ŋilee, ki ti li bi mmii mu kaan junn na ni.”

Matiu 23:33

Nimi iwaa, bi ye ijagen aabim na, ni ga ŋa kinye ki nya ntafadaan mu ga pii nimi, mmii mu kaan junn na ponn ni.

Matiu 5:22

Min le tuk nimi ke unii umɔk gee liŋuul una aabo pu na, bi ga ji u tibɔr. Unii umɔk tuk una aabo, ‘Saa bi tibɔr tibaa ni,’ bibɔjirb aaninkpiib ga ji u tibɔr. Unii umɔk tuk una aabo ke, ‘Si ujɔr’ na, u ŋeer u koo mmii mu kaan junn na ni.

Matiu 5:29

Aa yaa gee tiwan ke saah gee aanimbigiil pu na kan, tiwan ngbaan yaa tɔŋ si ke aa tun titunwanbir kan, di ni lii. Saawan nibaa yaa bee yɔli kan, ni soor ni tiwon mɔmɔk koo mmii mu kaan junn na ni.

Matiu 8:29

Baah kan Yesu na, le bi teen ke, “Sin, Uwumbɔr Aajapɔɔn, aa ban ba ti chee? Aa dan do ke aa nan ŋa timi falaa n‑yoonn aah kaa kee ŋeer buyoonn aa?”

Tibɔnyaan ti Luk ŋmee ti na 16:24

Le u teen, ‘Nte Abraham, m ji falaa sakpen mmii mue ponn ni; san mi kinimbaak, ki tun Lasarus u ti di uŋanbik tu nnyun ki nan di meeh nlambil aan li sɔŋ.’

Tibɔnyaan ti Luk ŋmee ti na 16:28

ki ti sur nnaatiib biŋmu bi gur na, bi taa dan do chee na, ki mu nan ji falaa wee.’

1 Korenti 15:55

Nkun aapɔɔn bi la chee? Nkun aaween ki bi la chee?”

2 Piita 2:4

Hali Uwumbɔr aatuuntiib bi nan tun titunwanbir na, Uwumbɔr aa nan di cha bi, u daa bitafal la. U buu bi idɔribi, ki di bi lii mmii mu kaan junn na ni, mbɔmbɔɔn ni, bi li bi nima ki ti saa bundaln u ga ji bi tibɔr na.

Tibɔkpiirkaan 20:10

Le Uwumbɔr chuu kinimbɔŋ ki ŋmann bi na, ki di ki ŋa chirbil aamii ni, upeel ngbaan ni waabɔnabr u nan ŋmanni binib na aah bi nin chee na. Le bi ga ji falaa, nwiin pu ni kinyeek ki ti saa n‑yoonn mu kaa kpa ndoon na.