Tibɔnyaan ti Luk ŋmee ti na 16:22 - Uwumbɔr aagbaŋ

²² Naah joo cha na, le uwanmeer ngbaan nan kpo. Le Uwumbɔr aatuuntiib dan nan yoor u ki di buen paacham, Abraham chee.

UWONBƆR A GBƆNPƆŊ LIKƆƆNL

²² “Le faladaan nin nan kpo, le malakam nan ta u jon Abiraham ban. Le ujɔɔndaan nin mu nan kpo, le bi pii u.

Tibɔnyaan ti Luk ŋmee ti na 16:22 ပူးပေါင်းရင်းမြစ်များ

Job Aagbaŋ 21:13

Bi bi nsuudoon ni le baamɔfal mɔmɔk ni, le ki nan kpo suuna, kaa jin falaa ubaa.

Ŋiyataŋak 14:32

Bibiindam le joo baatunwanbir kulni baamɔfal, le bininyaam ma kpa limakl nkun ni.

Ulandaan 8:10

Mbamɔn, m kan bi sub bibiindam baakaakul ni, tɔ, taah nyan kicheek ni ki choo kun ni na le binib pak bi, kitiŋ ki ponn ni bi tun baatunwanbir na. Ni ye fam la.

Aisaya 14:18

Bibɔrkpaam mɔmɔk dɔ baakaakunyaan ni,

Aisaya 22:16

“Aa yin aabaa ŋma? Aa kpa ba aasan ke aa gbii likaakul ŋitakpal ni, ligongoln ni, tii aabaa?

Matiu 18:10

“Li nyi man ki taa lik bibilb ponn ni ubaa fam. M tuk nimi la, baatuuntiib bi paacham Nte Uwumbɔr aanimbiin ni n‑yoonn mɔmɔk. [

Matiu 24:31

Le kakaan ga wii mpɔɔn pu. Le m ga tun ni maatuuntiib ke bi buen liwipuul, ni liwilir, ni ŋŋangan, ni ŋŋangii, ki ti kuun ni maanib mɔmɔk, ki di dan m chee.”

Matiu 8:11

M tuk nimi la, binib pam ga nya ni liwipuul wɔb, ni liwilir wɔb, ki nan kal, ki ji Abraham, ni Aisak, ni Jakob chee tijikaar Uwumbɔr aanaan ni.

Tibɔnyaan ti Mak ŋmee ti na 8:36

Unii yaa kan dulnyaa wee ni aawan mɔmɔk, ki lann waamɔfal kan, ba aanyoor le u kan?

Tibɔnyaan ti Luk ŋmee ti na 12:20

Tɔ, le Uwumbɔr bui u, ‘Si ujɔr wee, kinyeek kee le aa ga kpo. Saah kuun liwangol limɔk siin na, ŋma ga li yeh li?’

Tibɔnyaan ti Luk ŋmee ti na 16:21

Le u ban ke u li peei ŋisaabol ŋi nyan uwankpadaan ngbaan aateebul paab ki lir kitiŋ na ji. Le ibɔ mu choo nan lakr waabuun ngbaan.

Jɔnn 1:18

Ubaa aa kee kan Uwumbɔr. Ujapɔnbaal Yesu Kristo, u bi ke Ute Uwumbɔr aah bi pu na, ki bi u chee na, uma le tuk timi Uwumbɔr aah bi pu na.

Jɔnn 13:23

Waadidiliib ponn ni ubaa, u Yesu gee u na nan ka gbɔk u ki ji tijikaar.

Jɔnn 21:20

Le Piita fenn upuwɔb, ki kan Yesu aah gee waadidiir u na paa ni bi pu. Waadidiir ngbaan ye unii u nan foor duun Yesu, baah nan bi ji tijiir buyoonn na, ki nan baa u ke, “Ndindaan, ŋma ga kooh si?” na.

Hiibru Yaab 1:14

Kina kan, waatuuntiib ye ba? Bi mɔmɔk ye iwiin i tun lituln tii Uwumbɔr na la. U tun ni bi ke bi nan ter timi waanib bi ŋmar na.

Hiibru Yaab 2:14

Tɔ, timi waabim aah ye binibɔm pu na, nima le uma Yesu mu kpaln unibɔn, ke u nan kpo ki ŋa kinimbɔŋ ki nan kpa nkun aapɔɔn na fam,

Jemisi 1:11

Nwiin yaa puu ki toŋ kan, le timoor ga yɔl, le mmopuun gbaar, kaa ki kpa kinyaan. Kina le biwankpadam mu ga kpo, ki cha baawan mɔmɔk.

1 Piita 2:24

U nan kpo ndɔpuinkoo pu timi aatunwanbir pu, ki sil timi aasisiiyaan ki gaa timi aatafadaan. Nima pu na, ni di titunwanbir mɔmɔk lii, ki li dii mbimbin mu ŋan na. Waah gaa tigbar ti na pu, le Uwumbɔr tii nimi laafee.

Tibɔkpiirkaan 14:13

Le m ŋun nneel len paacham ke, “Ŋmee ke: Bitekpiib bi nan dii Tidindaan na, waanyoor bi bi pu dandana wee ki joo cha.” Le Uwumbɔr Aafuur Nyaan kii ke, “Ni ye mbamɔn; ba pu? bi nan tun litunyaan linimaln. Baah kpo na, le bi fuur. Baah tun pu na mu dii bi.”