Tibɔnyaan ti Luk ŋmee ti na 16:19 - Uwumbɔr aagbaŋ

¹⁹ “Tɔ, uwankpadaan ubaa nan bi, ki peeni tiwanpeenkaan nyaan, ki ji tijikaar ti mɔ na iwiin mɔmɔk.

UWONBƆR A GBƆNPƆŊ LIKƆƆNL

¹⁹ “Ujɔɔndaan uba le nan be, ki yee itan ŋan iyoo biɛn, ki ŋaan waah ban man idaa biɛn nin npopeen.

Tibɔnyaan ti Luk ŋmee ti na 16:19 ပူးပေါင်းရင်းမြစ်များ

Esta 8:15

Tɔ, Modekai nan nyan libɔrchiln ngbaan ni, ki pee ŋibɔrbɔkul ŋi ŋmal nsiin ni mpem na, ni ŋikekenyaan ŋiken, ki chik salmaa aabɔryikpupuk ki ŋan sakpen na. Le Susa aatiŋ ni aasan mɔmɔk ni, binib faa mpopiin aafuuk;

Ŋiyataŋak 14:24

Bilandam aapar le ye liwangol, bijɔrb ma aah kan pu na le ye kijɔrk ŋmeen.

Ŋiyataŋak 31:22

U ŋal ubaa aawandookaan aakeken, le ki peeni ŋitanyaan aawanpeenkaan.

Aisaya 3:23

ni baanimbilikr, ni baabɔkol nyaan, ni baayibubur ti fɔk aan bi joo buu biyil pu na mɔmɔk.

Esekiel 16:13

Aa nan kpa salmaa ni tikunabr aawanyaan, le ki gbab ŋikeken ŋi kpa nyɔla nyɔla ki ye ŋitanyaan, ni ŋi ŋar bɔl bɔl na, n‑yoonn mɔmɔk. Aa nan ŋmɔ n‑yonyaan aaboroboro la, le aa kpa tisiir, ni olif aakpan ki ji. Saanyaan nan deer ŋinimbil la, le aa kpaln upiibɔr.

Esekiel 16:49

Ki ni kibisatiib nan kpa kigaak baah kpa tijikaar sakpen bi ji pu na pu, aan ki bi nsuudoon, ni lifuur ni na pu; bitafal mu aa nan tee bi bigiim ni binib bi lann na ponn ni.

Esekiel 27:7

Bi nan di ŋitanyaan le ŋa saakeken ŋi joo si chuun na, ŋi nan ye Ijipt aatiŋ aatanyaan ŋi kpa nyɔla nyɔla na la, Le unii yaa po si dandar pu na kan, u ga bee ŋi. Bi nan di ŋikekenyaan ŋa saakeken ŋi kii nwiin ni utaal na, ŋi nan ye ŋitambɔn aakeken ŋi nyan ni Saiprus aatiŋ ni na la.

Tibɔnyaan ti Mak ŋmee ti na 15:17

Le bi chuu peer waawanpeenkaan, le ki di libɔkumaln peen u, ki di ikokon luu kiyikpupuk ki di chiŋ u,

Tibɔnyaan ti Mak ŋmee ti na 15:20

Baah ŋa u mbɔnyun ki ti doo na, le bi chuu peer libɔkumaln ngbaan, ki di waawanpeenkaan peen u, ki di u nyan, bi ti kpaa u ndɔpuinkoo pu.

Tibɔnyaan ti Luk ŋmee ti na 15:13

Iwiin ilee aah jer na, le uwaatiir na kuun waafaal mɔmɔk, ki di buen kitiŋ ki daa na ni. Waah ti bi nima na, le u jin waafaal mɔmɔk yɔl yɔl, le li ti doo.

Tibɔnyaan ti Luk ŋmee ti na 16:1

Tɔ, Yesu nan bui waadidiliib, “Uwankpadaan ubaa le nan bi ki kpa ututunn u lik waawan mɔmɔk na. Le bibaa dan nan bii u udindaan aanimbiin ni ke u joo waawan ji la.

Tibɔnyaan ti Luk ŋmee ti na 16:18

“Uja umɔk jenn upuu lii ki ki yoor upii uken na, uja ngbaan kpaln udagoor la. Upii aachal yaa jenn u lii aan uja uken ki yoor u kan, uja ngbaan mu kpaln udagoor la.”

Tibɔnyaan ti Luk ŋmee ti na 16:20

Le uwanmeer ubaa mu nan bi, bi nan yin u ke Lasarus. Le ibusoon joo u. Le bi joo u ti bilni uwankpadaan ngbaan aabisamɔb chee.

Tibɔkpiirkaan 17:4

Upii ngbaan nan pee tiwanpeenkaan nyaan, nibaa chee man, niken chee mu bɔn ke nsiin na, ki pee nleen mu ŋan ki kpa kidaak na uneen ni. Waawanpeenkaan pu nan ye salmaa ni ŋitakpabinyaan ŋi kpa kidaak na. U nan joo salmaa aasambil uŋaal ni. Tiwan ni kaa ŋan, ki ye waadagook aawan, ki kpa tijɔŋ na nan gbii waasambil ngbaan ni.

Tibɔkpiirkaan 18:16

ki len ke, “Tibɔbir bi kitisakpeŋ ngbaan pu la. Kaanib nan pee ŋikekenyaan, ni ŋikeken ŋi bɔn ke nsiin na, ni ŋikeken ŋi man na, ki nan kpa salmaa ni ŋitakpabil ŋi ŋan ki kpa kidaak na, ni ileen i ŋan ki kpa kidaak na.

Tibɔkpiirkaan 18:7

Kitiŋ ngbaan nan nyuŋ kibaa ki gaa tiwanyaan ki ti nyaŋ. Cha ki ji falaa ki li kpa mpombiin ki ti ki saa kina; ba pu? ki len kisui ni ke ki ye ubɔrpii, kaa ye ukpopii, kaan kan mpombiin kpala.

Bibɔjirb 8:26

Gideonn aah nan gaa salmaa aatafajɔnjɔn bi na aanyunyuun ga nan li pii njikaabim kuruwaa moninko aanyunyuun. Midiann aabɔrkpaam ngbaan aah nan pee nleenyaan, ni ŋitakpanyaan, ni ntanyaan aawanpeenkaan ni na, ni baah nan ŋa tiwanyaan ni gbin baalaakumii tiib aasil na aa nan kpee tafajɔnjɔn tiib ngbaan pu.