Tibɔnyaan ti Luk ŋmee ti na 16:1 - Uwumbɔr aagbaŋ

¹ Tɔ, Yesu nan bui waadidiliib, “Uwankpadaan ubaa le nan bi ki kpa ututunn u lik waawan mɔmɔk na. Le bibaa dan nan bii u udindaan aanimbiin ni ke u joo waawan ji la.

UWONBƆR A GBƆNPƆŊ LIKƆƆNL

¹ Le Yisa bei u bɔɔnɔɔb ke, “Ujɔɔndaan uba le nan jɔɔ u toontunnu, le bi nan nan bei ujɔɔndaan nin ke, u toontunnu win bii u faal le.

Tibɔnyaan ti Luk ŋmee ti na 16:1 ပူးပေါင်းရင်းမြစ်များ

Mpiin 15:2

Tɔ, Abram nan bui ke, “Ndindaan Uwumbɔr, aa ga tee tii mi ba aapiin? Aa mu kan ke maa kpa ubo. Elieser u ye Damaskus aanii na le ye maafaajir.

Mpiin 43:19

Nima pu na, baah laa si mbisamɔb chee na, le bi bui unaagbiija na ke,

1 Bibɔrb Aabɔr 28:1

Ubɔr David nan siin ke Israel aaninkpiib mɔmɔk kuun ni Jerusalem ni. Le ŋinibol mɔmɔk aaninkpiib, ni nnaan aatun mɔmɔk aaninkpiib, ni itaŋaal aasalolm, ni ubɔr ni ujapɔtiib aawangol ni tiwakor mɔmɔk aaninkpiib, ni libɔrdichal ni aaninkpiib, ni bijakpaam, ni binikpaam, mɔmɔk nan kuun Jerusalem ni.

Ŋiyataŋak 18:9

Ugbanyakdaan aa ŋan ke unii u bii tiwan na aah kaa ŋan pu na la.

Hosea 2:8

Waan kii daalbaadaal ke ni ye mi le tii u tijikaar, ni ndaan, ni olif aakpan, ni tikunabr, ni salmaa u mɔmɔk u joo dooni liwaal Baal na.

Matiu 20:8

“Nwiin aah lir kijoobɔŋ na, le ukpaal ngbaan tuk bitutum aaninkpel, ‘Yin ni paatiib ngbaan ki nan pa bi baapal. Piin ki pa bijab bi gbiln puwɔb na, aan ki ti pii bisalolm.’

Tibɔnyaan ti Luk ŋmee ti na 12:42

Le Tidindaan bui u, “Uyidaan ubaa yaa tii waatutunn ubaa tininkpir ke u li lik waachiln ni aanib ki tii bi tijikaar naah ŋeer buyoonn na kan, ututunn ngbaan ga ŋa kinye ki li kpa nlan, ki li tun waatuln mbamɔm?

Tibɔnyaan ti Luk ŋmee ti na 15:13

Iwiin ilee aah jer na, le uwaatiir na kuun waafaal mɔmɔk, ki di buen kitiŋ ki daa na ni. Waah ti bi nima na, le u jin waafaal mɔmɔk yɔl yɔl, le li ti doo.

Tibɔnyaan ti Luk ŋmee ti na 15:30

Aajapɔɔn umina le nan dii bipiidagoob ki ti bii saawangol mɔmɔk doo, le waah fuu ni na, aa kɔr unaabo u filk na ki tii u.’

Tibɔnyaan ti Luk ŋmee ti na 16:19

“Tɔ, uwankpadaan ubaa nan bi, ki peeni tiwanpeenkaan nyaan, ki ji tijikaar ti mɔ na iwiin mɔmɔk.

Tibɔnyaan ti Luk ŋmee ti na 16:2

Le udindaan yin u ki nan baa u, ‘Maah ŋun saabɔr ti na, ti ye kinye? Mɔk mi saah ŋa maawan pu na mɔmɔk. Saan ki li ye maatutunn.’

Tibɔnyaan ti Luk ŋmee ti na 19:20

“Le uken na mu dan nan bui u, ‘Ndindaan, lik, saamombil le na. M nan di likekegeln le poo li, ki di bil.

Tibɔnyaan ti Luk ŋmee ti na 8:3

Bi ponn ni ubaa mu ye Joana, u ye Ubɔrkpaan Herod aatutunn Chusa aapuu na. Ubaa mu ye Susana. Bipiib biken mu nan bi ki dii u ki wiir. Le bi mɔmɔk di baawan ter u ni waakpambalb.

Taitus 1:7

Uwumbɔr aanib bi baaninkpel aaŋaal ni la, nima pu le ni ŋan ke u taa li kpa taani ubaa, ki taa li tun uma ubaa aageehn, ki taa li ye liŋuuldaan, ki taa li ye udagbiir, ki taa gbaa binib; unimbil taa li man ŋimombil pu.

Jemisi 4:3

Ni mee Uwumbɔr ke u tii nimi tiwan ni kaa ŋan u chee na, nima pu le naa kan. Ni mee u ki ban tiwan ni ga ku nimi aakpeek na la.

1 Piita 4:10

Uwumbɔr tii ni mɔmɔk Waafuur Nyaan aapiin la. Waah tii nimi ipiin aabɔŋ aabɔŋ na, ni di ipiin ngbaan ter biken.