Tibɔnyaan ti Luk ŋmee ti na 15:5 - Uwumbɔr aagbaŋ

⁵ U yaa ti kan u kan, u ga li mɔɔni, ki di u buŋ usil, ki chaa kun.

UWONBƆR A GBƆNPƆŊ LIKƆƆNL

⁵ U nan kan u ke, u li ta u ki paan u bɔsiper bu nin npopeen,

Tibɔnyaan ti Luk ŋmee ti na 15:5 ပူးပေါင်းရင်းမြစ်များ

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Aisaya 62:5

Unachipɔɔn aah yoor upii u kaa nyi uja na pu na, kina le Uwumbɔr u naan si na ga yoor si ŋa upuu. Unachipɔɔn aah yoor ubɔɔn aan ni mɔ u pu na, kina le Uwumbɔr aasui ga li piin aa pu.

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Esekiel 18:23

Tidindaan Uwumbɔr baa ke, “Ni dak ke titunwanbirdaan yaa kpo kan, ni mɔ mi la aa? Aayii, m ga li gee ke u ba kpeln waabimbin ki li bi.

Esekiel 33:11

Tuk bi ke min Bidindaan Uwumbɔr aah ye Uwumbɔr u bi n‑yoonn mɔmɔk na, maa neen ke m kan utunwanbirdaan aah kpo pu na. M tee ga li neen ke u di cha titunwanbir ki li kpa limɔfal. Israel yaab, di cha titunwanbir ti ni tun na. Ba ŋa ni ban ke ni kpo?

Maika 5:4

Ujojoor ngbaan yaa nan fuu ni kan, u ga di mpɔɔn sakpiin mu nyan ni Tidindaan Uwumbɔr ubaa chee na le di joo waanib. Waanib ga li bi lifuur ni la; ba pu? kitiŋ kee mɔmɔk aanib ga li nyi waapɔɔn bɔr,

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Sefania 3:17

Nidindaan Uwumbɔr bi ni chee; waapɔɔn le tii nimi linyaŋ. Uwumbɔr ga li neen nimi le ki ga tii nimi limɔfapɔln waageehm ni. Nimi pu le u ga gaa ilahn ki li kpa mpopiin,

Tibɔnyaan ti Luk ŋmee ti na 15:32

Aanaal umina, m nan nyi ke u kpo a, le u bi. U nan wɔŋ a, le m ki kan u. Nima le ni ŋan ke ti li mɔɔni ki li kpa mpopiin.’”

Tibɔnyaan ti Luk ŋmee ti na 15:4

“Ni ponn ni ubaa yaa kpa ipiih nkub, ubaa yaa wɔŋ kan, u ga di cha ipiih imonko inaa ni kipiik ni iwae i gur na timoor ni, ki buen ti ban upiih u wɔŋ na, ki ti saa buyoonn u ga kan u na.

Tibɔnyaan ti Luk ŋmee ti na 15:6

U yaa ti fuu linampal kan, le u ga yin ni ujɔtiib ni udoyaab, ki nan bui bi, ‘Maapiih u wɔŋ na, m kan u. Cha ti li mɔɔni man.’

Tibɔnyaan ti Luk ŋmee ti na 19:9

Le Yesu bui u, “Din le lidichal limina aanib ŋmar; ba pu? aa mu ye Abraham aayaabil la.

Tibɔnyaan ti Luk ŋmee ti na 23:43

Le Yesu bui u, “M tuk si mbamɔn la, din aa ga li bi m chee Paradais ni.”

Jɔnn 15:11

“M tuk nimi tibɔr timina ke ni li kpa mpopiin ke maah kpa pu na. M ban ke ni li kpa mpopiin mbamɔm.

Efesusi 2:10

Ti ye Uwumbɔr aawanaankaan la. Taah kpaan Yesu Kristo ni na, le Uwumbɔr ŋa timi binipɔm, ke ti li tun lituln li ŋan na. U nan di lituln ngbaan siin kiir timi, ke ti nan tun li.

Efesusi 3:7

Uwumbɔr aanimbaasaln pu, le u san mi kinimbaak ki ŋa mi tibɔnyaan tee aatutunn, ki tii mi mpɔɔn ke m tun lituln ngbaan.

1 Tesalonika 1:5

ba pu? taah tuk nimi waabɔnyaan na, tibɔnyaan ngbaan aa nan ye iliin baanja, Uwumbɔr Aafuur Nyaan aapɔɔn nan bi ti ni la, ki cha ni bee ke ti sil gbii. Taah nan bi nikaasisik ni buyoonn na, ni nan bee timi aabimbin aah nan bi pu na. Ti nan bi kina ke ti ter nimi la.

2 Timoti 2:26

ki ki kpaln binib, ki nyan ni kinimbɔŋ ki nan chuu bi ke bi li ŋani kaageehn na aaŋaal ni.

Hiibru Yaab 12:2

Cha ti li lik Yesu chee man. Waapɔɔn pu le ti nan piin ki gaa u ki kii. Waapɔɔn mu pu, le ti ga tii u naadii, ki ti saa ndoon. Mpopiin mu u ga nan kan mu na pu, le u jin falaa ni inimɔɔn ndɔpuinkoo pu, ki lik inimɔɔn ngbaan fam. Dandana wee le u ka Uwumbɔr aabɔrjal aaŋangii wɔb.

1 Piita 1:5

Naah gaa Yesu ki kii na, nima le Uwumbɔr aapɔɔn biin ni pu, ki ti saa buyoonn ni ga kan waah ga gaa nimi lii mbamɔm pu na, kookoo aataadaal.