Tibɔnyaan ti Luk ŋmee ti na 15:22 - Uwumbɔr aagbaŋ

²² Le ute bui waatutum, ‘Li cha mala ki ti yoor ni lininkpebɔkul nyaan na, ki nan di peen u, ki di kibɔmbik ŋmaan u, ki di ŋinaatak taŋ u,

UWONBƆR A GBƆNPƆŊ LIKƆƆNL

²² “Amaa le u baa bei u toontumin ke, ‘Ni ŋaam weem ki yuur daala ŋaŋ ki yeen mu, ki ta kigbiɛŋ ki yee u nɔɔbila, ki tagin u inaataga.

Tibɔnyaan ti Luk ŋmee ti na 15:22 ပူးပေါင်းရင်းမြစ်များ

Mpiin 41:42

Le ubɔr chuu ŋmaar tibɔr aabɔmbik, ki di ŋmaan Josef aaŋanbik, le ki di libɔrbɔkul di peen u, ki di salmaa aakuleen di peen uneen ni.

Esta 3:10

Le ubɔr chuu ŋmaar waabɔmbik ki bi joo nyiir tigbann pu ke ni ye ubɔr aaseeraa na, ki di tii Juu yaab aadin Hamann u ye Hamedata aajapɔɔn, ki mu ye Agag aayaabil na.

Esta 8:2

Le ubɔr chuu ŋmaar waabɔmbik ki ye waamɔkl na, aan u nan chuu gaa Hamann chee na, di tii Modekai. Esta nan cha Modekai le lik Hamann aawangol li ubɔr nan di tii u na.

Ilahn 132:16

M ga ŋa maanyoor ŋa kaatotoorb aatuln mɔmɔk pu, le kaanib ga gaa mpopiin aalahn mpɔɔn pu.

Ilahn 132:9

Cha saatotoorb li tun lituln li ŋan na n‑yoonn mɔmɔk. Cha saanib gaa mpopiin aalahn.

Ilahn 18:33

U cha m san mala mala ke upeeman na; u nyani mi linimaln ni, ŋijoo paab.

Ilahn 45:13

Ubɔr aabɔndinn u mu ye ubɔr aabisal na koo ni ki ŋan sakpen a. Bi di salmaa aakokonn le luu waabɔkul.

Solomonn Aalahn 7:1

Usapɔɔn, saanyaan ti nyaŋ sakpen a. Aa yaa tak ŋinaatak kan, aataafar ŋan sakpen a. Aataapan aah ti doo nimɔk na ŋan sakpen ki naahn unii u naani tiwan na aatuln.

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Tibɔnyaan ti Luk ŋmee ti na 15:21

Le ujapɔɔn bui u, ‘Nte, m koo aa ni Uwumbɔr mɔk aataani ni. Naa ki ŋan ke aa yin mi aajapɔɔn.’

Tibɔnyaan ti Luk ŋmee ti na 15:23

ki li joo ni unaabo u filk na, ki nan kɔr u, aan ti ji ki li mɔɔni.

Rom Yaab 13:14

Ni li bi ke Tidindaan Yesu Kristo aah bi pu na, ki taa ki li ŋani nimi aabimbikpok aah ban pu na.

Rom Yaab 3:22

Binib bimɔk gaa Yesu Kristo ki kii na, bima le Uwumbɔr len ke baabɔr ŋan. Baah gaa Yesu Kristo ki kii na, nima le cha Uwumbɔr len ke baabɔr ŋan. Ubaa aa bi ubaa, ki cha biken;

Rom Yaab 8:15

Nfuur Nyaan mu Uwumbɔr tii nimi na, mu aa joo nimi tinaagbiir ke ni san ijawaan. Waafuur Nyaan le ŋa nimi waabim, le ki cha ti yin u ke “Nte.”

Galantiya 3:27

Baah nan muin nimi nnyun ni, Kristo aayimbil pu na, ni gaa Kristo aabimbin la.

Efesusi 6:15

ki li tak ŋinaatak ŋi ye tibɔnyaan ti tii timi nsuudoon na;

Ikaal 33:25

Uwumbɔr li kii nimi aatim ke baah di tikur aajaaleŋ tiib le kiir mu na, aan ni li pɔɔ ki ti saa nimi aakundaal.”

Tibɔkpiirkaan 19:8

Uwumbɔr tii u ŋikekenyaan ŋi bi chain ki wiin na, u di gbab.” Ŋikekenyaan ngbaan le ye Yesu aanib aatunyaan.

Tibɔkpiirkaan 2:17

“U kpa litafal na kan, u ŋun Uwumbɔr Aafuur Nyaan aah tuk maanib pu na. “Unii umɔk nyaŋ na kan, m ga tii u tijikaar ti bɔr aan bi yin ti ke mana na, ki ga tii u litakpapiln li liyimbipɔln ŋmee li pu na. Ubaa aan li nyi liyimbipɔln ngbaan; unii u gaa li na baanja le ga li nyi.

Tibɔkpiirkaan 3:18

Nima pu na, m sur nimi ke ni daa m chee salmaa u bi di pu mmii ni aan u ŋa chain na, aan ki sil li ye biwankpadam; ki daa m chee tiwanpeenkaan ni piin na ki di peen, aan binib taa ki kan naah si niŋmeen pu na; ki daa m chee linimbil aanyɔk ki di mee ninimbil aan ki likr.

Tibɔkpiirkaan 6:11

Le Uwumbɔr peen bi mɔmɔk tikparpipiin, ki bui bi ke u siin ke binib ku bitutuŋeen aatɔtiib bi mɔmɔk dii Yesu na, ke baah nan ku bi pu na. Bi laa fuur siib ki nan saa n‑yoonn ngbaan.

Tibɔkpiirkaan 7:9

Nimina aapuwɔb le m kan kinipaak sakpeŋ. Ubaa aa ti ki nyi baakahm. Bi nyan ŋitimbol mɔmɔk aanib bi bi dulnyaa wee ni ki len iliin imɔk bi dulnyaa wee ni na, ki si Uwumbɔr aabɔrjal ni Upihbo ngbaan aanimbiin ni, ki pee tikparpipiin, ki ŋub tibɔkpafar biŋaal ni,