Tibɔnyaan ti Luk ŋmee ti na 15:20 - Uwumbɔr aagbaŋ

²⁰ Le u fii ki cha ute do. “Waah laa bi ni daa na, le ute waa u, ki san u kinimbaak, le ki san tooh u nsan ni, ki ti di uŋaal kpal u, le ki moor utakpiln.

UWONBƆR A GBƆNPƆŊ LIKƆƆNL

²⁰ Le u nan fii ki jir kun u baa ban. “Waah laa nan be nan fɔg ki chaa kun nin, le u baa kan u, le kunyunyunbaag choo u takpem, le u guun ki too u nsanbu ki tan bib u ki poor u.

Tibɔnyaan ti Luk ŋmee ti na 15:20 ပူးပေါင်းရင်းမြစ်များ

Mpiin 33:4

Esɔ ma nan san ni, le ki nan bub chuu u, le ki moor utakpiln, le bimɔk bilee nan wii tɔb pu.

Mpiin 45:14

Le u di uŋaal mɔmɔk ilee bub chuu Benjaminn le ki wii, le Benjaminn mu bub chuu u ki wii.

Mpiin 46:29

le Josef koo itaan aatɔroku ponn ni, le ki buen ute chee nima chee. Waah ti fuu u chee na, le Josef san ti bub chuu ute, le ki wii ki kaani, ni ti yunn pam.

2 Samuel 14:33

Le Joab buen Ubɔr David chee ki ti bui u Absalom aah len pu na. Le ubɔr nan tun yin ni Absalom, le u buen u chee ki ti gbaan kitiŋ unimbiin ni. Le ubɔr doon u ki moor utakpiln.

Ilahn 86:15

Uwumbɔr, le aa ma ye Uwumbɔr u san kinimbaak ki kpa ngeehm na, ki kpa suklaa ni tiŋann, ki ŋani saah puu ke aa ga ŋa pu na n‑yoonn mɔmɔk.

Ilahn 86:5

Aa kpa ti pu tiŋann le ki joo cha pinni timi aatunwanbir; saageehm mu bi n‑yoonn mɔmɔk na bi binib bi mee si na chee.

Aisaya 49:15

Le Uwumbɔr gar ke, “Upii ga ŋmaa suln waabo bɔr, kaan li gee ubo u u ma na aa? Hali upii yaa suln waabo bɔr kan, mma aan suln ni bɔr.

Aisaya 57:18

“M kan baah ŋa pu na, m mu tee ga tii bi laafee. M ga loln bi pu nsan ki ter bi, ki ga sɔŋ binib bi wii na aasui.

Jeremia 31:20

Israel aatimbol, sin le ye njapɔɔn u m gee u sakpen na, sin le ye ubo u m gee u jer maabim mɔmɔk na. N‑yoonn mumɔk m yin saayimbil na, le m dak aa pu ni ngeehm. Nsui mɔmɔk bi aa chee la; m ga san si kinimbaak.

Hosea 11:8

Israel, m ga ŋa kinye ki di si lii? M ga ŋa kinye ki di si mee? M ga ŋmaa kuln si ke maah nan bii Adma aatiŋ pu na aa? M ga ŋmaa ŋa si ke maah nan ŋa Seboyim aatiŋ pu na aa? Nsui aan cha m ŋa si kina, ba pu? m gee si sakpen a.

Tibɔnyaan ti Luk ŋmee ti na 15:19

Naa ki ŋan ke aa yin mi aajapɔɔn. Ŋa mi saah ŋani saatutum pu na.’

Tibɔnyaan ti Luk ŋmee ti na 15:21

Le ujapɔɔn bui u, ‘Nte, m koo aa ni Uwumbɔr mɔk aataani ni. Naa ki ŋan ke aa yin mi aajapɔɔn.’

Lituln 2:39

Tidindaan Uwumbɔr nan puu tipuur ke u ga di Waafuur Nyaan tii nimi, ni nimi aabim, ni binib bi bi ni daa na: u ga tii binib bi u ga yin bi na mɔmɔk.”

Lituln 20:37

Le bi mɔmɔk ubaabaa chaa ki ti joo biŋaal kpalni Pɔɔl, ki joo bumɔb moor utakpiln, ki wii.

Efesusi 2:13

Le dandana wee, naah kpaan Yesu Kristo ni na, nimi bi nan daa Uwumbɔr chee na duun u chee dandana wee, Kristo aasin pu.

Efesusi 2:17

Kristo nan dan ki nan tuk nimi bi nan daa Uwumbɔr chee na, ni Juu yaab bi duun u chee na, ke u ga ŋa nimi, ni Juu yaab, ni Uwumbɔr kijɔtiik.